Eksọdọs39
Afọñ Mme Aku
1Ekekama bru afọñ, iduod-iduod, ye ndad-ndad udʌk enam mme udọdọk afọñ enọ mme aku nọ ekama enam utom ammọ ke adisana itie. Ammọ emaenyʌñ enam ndisana afọñ enọ Erọn, naña Abọọñ aketemme Moses.Afọñ Aboditọñ
2Ammọ emaenam afọñ aboditọñ ke kold, ye ke bru, ye ke iduod-iduod, ye ke ndad-ndad udʌk ye ke eti linen.3Emaemia tian kold enyʌñ ekpịkke mboi ekama enam bru, iduod-iduod ye ndad-ndad udʌk ye eti linen, utom mme anam mfọọn ubọkutom.4Ammọ emaenam mme afọñ afara enọ efọd, e-ekeyịtte ke inuuk amọ iba, nọ amʌm akọp adian.5Mfọọn udọdọk mbọbọisịn akenyʌñ aba ntoro, ukem ye afọñ aboditọñ e-ekenama ke kold, adiana ye bru afọñ, ye iduod-iduod ye ndad-ndad udʌk, ye eti linen, naña Abọọñ aketemme Moses.6Ammọ emaedot itiad ọniks ke udodñkpọ a-abaaha nte kold, enyʌñ ekap ammọ nte ufiikñkpọ ye mme anyịñ nditọ ideen Isrel.7Ndin ammọ emaefaak ammọ ke mbañ afara itie afọñ aboditọñ nte itiad ñkpọ aditoiyo anọ nditọ Isrel, naña Abọọñ aketemme Moses.Mme Afọñ Ikpanesịd
8Ammọ emaenam afọñ ikpanesịd, utom eti abodñkpọ. Emaenam anye aba nte afọñ aboditọñ, ke kold, ye bru, ye iduod-iduod, ye ndad-ndad udʌk, ye eti uwawañ linen.9Akedo mbañinaañ, span keed ke unyọọñ ye span keed ke ukpa, emaenyʌñ ekpañ anye ndodiba.10Akema, ammọ emaenam udịm inaañ ye nsọñudua itiad edot. Akpa udịm akedo kanelian, krisolaid ye beril;11ayọhọ udịm iba akedo nsọñudua itiad tọkwọis, lapis lasuli ye emeraal;12ayọhọ udịm ita akedo yasịn, akate ye ametis;13ayọhọ udịm inaañ akedo topas, ọniks ye yaspa. Emaedot ammọ ke ñkpọ idaha kold.14Itiad duob mme iba ekeba, mme itiad keedekeed ekeda enọ mme anyịñ nditọ ideen Isrel, enyʌñ ekap ammọ keedekeed nte ufiikñkpọ ye anyịñ keed ke atu mme esiin duob mme iba ami.15Ke abaña afọñ ikpanesịd, ammọ emaenam ukwak edọkkọdọk ke ataa eti kold, ndin aba nte udʌk.16Ammọ emaenam ñkpọ idaha iba ke kold ye ikara iba ke kold, enyʌñ ekọp ikara iba ado ke inuuk afọñ ikpanesịd iba.17Emaekọp ukwak kold iba ado ke mme ikara ke inuuk afọñ ikpanesịd ado,18ndin eyịt utịd ukwak ñkañ uko edian ke abai iba, etobo ammọ edian ke afara ye afọñ aboditọñ ke iso.19Ammọ emaenam ikara kold iba ekọp ke inuuk itie afọñ ikpanesịd ke ukañ a-akpereke afọñ aboditọñ.20Ndin ammọ emaenam ikara kold iba mfen eyịt ke idak afara ke iso afọñ aboditọñ, a-akpereke itie e-etoboke udʌk ke anyọñ mbọbọisịn afọñ aboditọñ.21Emaetobo mme ikara afọñ ikpanesịd edian ye ikara afọñ aboditọñ ke bru udʌk, edat ekesịm isịn mbaak afọñ ikpanesịd adifakka awuọ ke afọñ aboditọñ, ukem naña Abọọñ aketemme Moses.Mme Afọñ Aku Mfen
22Ammọ emaenam afọñ aboditọñ ado bru afịd-afịd, utom mme adọk afọñ,23anie ndudu ke ufọọd nte ndudu akpọnọ itọñ afọñ, ye ñkpaha a-akannake itie ndudu ado, mbaak adiwakka.24Ammọ emaenam mme kpomekrened ke bru, iduod-iduod, ndad-ndad udʌk ye eti linen ke mben afọñ.25Ndin ammọ emaenam mme ñkanika ke ataa eti kold, enyʌñ eyiit ammọ ekanna mben afọñ ke ufañ mme kpomekrened ado.26Mme ñkanika ye mme kpomekrened ado emaeduwuaha ekanna mben afọñ a-mme aku esịneke enam utom, kpa naña Abọọñ aketemme Moses.27Ammọ emaenam mme tunik ke eti linen enọ Erọn ye nditọ amọ ideen, utom mme adọk afọñ,28ye afọñiwuod ke eti linen, mme itam linen ye mme afọñ idakidem ke ataa eti utuatuak linen.29Ekenam udʌkisịn ke ataa eti linen ye bru afọñ, ye iduod-iduod ye ndad-ndad udʌk, akedo utom mme adọk afọñ naña Abọọñ aketemme Moses.30Ammọ emaedat ataa eti kold ebana anyanya, nte adisana idiọọñọ, enyʌñ ekap ke esịd nte ufiikñkpọ ete:ADO Adisana Anọ Abọọñ31Ndin ammọ emaetobo bru ekpək ke anye, enyʌñ eben ekeyịt ke tọban, naña Abọọñ aketemme Moses.
Moses Akese Tabanakịd Abasi
32Ndin emaekweeñe afịd utom ke itieukpono ye atayad mbono. Nditọ Isrel emaenam afịd ñkpọ naña Abọọñ aketemme Moses.33Ndin ammọ emaeben tabanakịd esọk Moses:Atayad ye afịd mme ñkpọ mbanaidem amọ, mme ekọb, mme mboi, mme abọbọọk usʌñ abai ye idakisọñ;34mme ufʌkñkpọ ided akukịmedọñ, e-enamma akappa ndad-ndad, ye ufʌkñkpọ eti uduud ikpa mfen ye afọñ ikpeghe a-afʌkkọ ifed;35ye akebe edioomo mbed enwọñọ ye mme eto idaha ye ufʌkñkpọ ñkpeubọk;36akpokoro ye afịd mme ñkpoduoho amọ ye Uyo Iso Abọọñ;37ye ataa eti udod utuenikañ a-kold ye mme udịm ikañ ye afịd mme ñkpoduoho amọ, ye adan ikañ ọlif;38akpokoro kold, adan udod ubọk, inem ufịk insensi, ye afọñ ikpeghe ke inuaatob itie atayad;39akpokoro uwa brọns ye ikpeghe brọns amọ, mme abai ye afịd ñkpoduoho amọ; besịn ye ñkpọidaha amọ;40mme afọñ ikpeghe esịd akwere ye mme abai ye idakisọñ, ye afọñ ntondʌk esịd akwere; mme udọk ye mme mboi atayad ake esịd akwere; afịd mme ñkpọ mbanaidem tabanakịd, ake itie atayad mbono;41ye mme utuatuak afọñ e-esịneke enam utom ke itieukpono, ndisana afọñ aku Erọn ye mme afọñ nditọ amọ ideen ke ini e-enamma uwa nte mme aku.42Nditọ Isrel emaenam afịd ñkpọ naña Abọọñ aketemme Moses.43Moses amaakese afịd utom, anyʌñ akịt ke e-enam anye naña Abọọñ aketemme. Ndin Moses amaadiọñ ammọ.
Biblica, Inc.