YUDA1
1Nene Yuda, mnyigendwa va Yesu Kilisito na mkolo va Yakobo, ndikuvasimbila nyenye yemuhaguliwe na kukelwa na Nguluvi Daada na kudimwa unofu na Yesu Kilisito.2Ndikumsuka Nguluvi avaongechele lusungu na lutengemaso na lukelo hilo.3Vakolo vangu yendivakeliye, ndikasakile ndivasimbiliye makani gya ulowolo vetuwanuke vonda, ila ndiwonile tandi inga'ng'wa ndivalakilile mwendelele kugangamala kumdikila Nguluvi yeavagitile mumudikile figono fyonda.4Ndikuvasimbilya Kwakuva kugehe vanu vangi sevakumdikila Nguluvi, vingiche kwa lupwepo na kwihanganya na nyenye. Vanu avo vigalambucha njowo cha Nguluvi vetu neke vagite sambi na kumkana Yesu Kilisito kilongosi mkomi, Mtwa vetu. Kuhuma daha isimbilwe kuva vanu avo davihigwa.5Nondee ndisaka kuvawiwusa nyenye, ata ngita mukalongilwe finu ifi, kuva Mtwa pevalowolwe vanu va Isilaeli na kuvahumicha muinyi lya Misili, ila pambele akavadocha vanu vonda vale sevamwidikile.6Na muweuke vandumindumi va Nguluvi vevayachiche mamulaka gyawo gya kutavala,. Vakalekile pono lyawo lya kkwikala. Ndeni Mtwa avavikile mukisi, vafopilwe kwa ndegei cha kyuma mbepali, vahigilwe mukigono kila kikomi.7Muwuwike vanu Sodoma na Gomola na vala va mwani cha pepi na vanu avo vakagitile ngita pevakagitile vala vandumindumi, vakagitile ugoni na kwidobokela sengita pevawumbilwe na Nguluvi, Nguluvi akavagavila lihigo lya kunyanywa lyoto va figono fyonda ngajila mwiso, neke gaveche malakililo kwa vanunvonda.8Ata ndeni, vanu avo sevakumginya Nguluvi viwana na vawo, Vilota njosi, njosi icho chikuhafula mivili gyao vavene, vakuukana ukomi va Nguluvi na kufiliga fiwumbe fya Nguluvi fya ukoya kuluhano.9Ata Mikaeli, ndumindumi mkomi va Nguluvi, seakagitile ndeni pala pevalumbane na Setani kwakuva lya mvili va Musa. Mikaeli seakagechile kumuhiga Setani kwa madusi, ila akalongile, “Mtwa mwene akulakilile!”10Ila vanu ava ulonga manjanganifu makani sevagachele, na mumakani gala gyevagichele ugita ngajila kuchela ngita vang'oko, kwakuva vang'oko vahela luhala na finu ifyo dafikuvahananga vavene.11Damulola nyenye! Vanu avo vafwatile kyanda yila yila lya Kaini. Kwakuva lya sendi vayingiche munongwa lilalila lya Balamu na vagalambuke ngita Kola na vahanangilwe ngita mwene pehanangilwe.12Vanu ava ndi vanjanganifu muluhungu chenu cha lukelo, vikela kulya vene ng'ani ngajila nyoni. Kangi nde ngita mafunde gyegihela ndonya gegipung'wa na lukala, maana lyake vihele undakyene mukwikala kwavo. Kangi ngita mibiki gegihela manunu chipindi cha mabenelo na gikulilwe gyonda na gigamile.13Vanu avo ndi ngita madaba makomi ga munyanza na magito gyawo ga nyoni gihuma ngita mafulofulo. Vene ndi ngita nondwa chechiyaga chechivikilwe mbepali pono pakisi ngomi.14Enoki kilelo kya saba kuhuma Adamu, akahumiche uvichi kwa vanu ava, “Mulolele, Mtwa Nguluvi daikwika pamwi na maelufu lya vandumindumi vake,15kuvahiga vanu vonda, na kuvatova vonda sevakumdikila Nguluvi kwakuva lya magito gyawo ma wofu vevagitile ngajila kumkela Nguluvi na kwakuva lya makani gyonda mawofu gya kumliga Nguluvi.”16Vanu ava vakung'ung'ulika figono fyonda na kulonga uwafu kwa vanu vangi na kufwata ludobokelo chawo chiwofu na kuvanjuma vanu vangi neke vapatile finu kuhuma kwa vanu avo.17Ila nyenye vaganja vangu, muwiwuke gala gemulongilwe pamwandi na vanjagila va Mtwa vetu Yesu Kilisito.18Vakavalongile, “Figono kya mwiso, davahumila vanu davakuvabeda nyenye, vanu vevafwata ludobokelo chawo chiwofu.”19Avo ndi vakuvanenga nyenye, vanu avo vihocha makani gya muinyi na vihela Muhe va Nguluvi.20Ila nyenye vaganja vangu, mwime kwa ukangafu kwa kumdikila Nguluvi na kusuka mu Muhe vake,21na mwendelele kukala mulukelo lwa Nguluvi, mukimuchindila Mtwa vetu Yesu kilisito na kwa lusungu lwake, davakuvagavila uwumi figono fyonda ngajila mwiso.22Muveche na lusungu kwa vanu sevaidikiye ndakyene,23muvalowole kwa kuvahecha mulyoto. Ila kwa vangi muveche na lusungu na kwilolela, mukivipila ata mwenda chawo chechivikilwe uhafu na uvifi va ludobokelo chawo chihafu.24Nguluvi nde mwene ludali lya kuvadima neke mubihile kuyaga, ila kuvasindika nyenye pautalo lya ukomi vake kangi ngajila unjanganifu kwa lukeduko mkomi.25Mwene ndi Nguluvi weka hela, Mulowa vetu kwang'asi lya Yesu Kilisito Mtwa vetu, njuma na ukomi na utavala na umwimike na ludali kuhuma inyi seukaumbilwe na nondee na figono fyonda ngajila mwiso! Ndakyene.
The Word for the World International