1 KOLINTO4
Ntumwa zi Klisto
1Lufweti tubongilanga bonso bisadi bi Klisto mpe minkebi mi mansweki ma Nzambi.2Kima ki bakwe lombanga ku minkebi, ni mu ba bakwikama.3Mu meno, ni nafundusu ku yeno hoti ku nzo yi lufundusu, minteedi ko. Mebende mpe nina kifundisa ko.4Mu meno, nina yena kibila kye fundusulu ko, kansi kabwabobo ko buna sa ti naba muntu wulunungu. Yondowo wuna mfundisa, ni Mfumu.5Ni hahoho, lufundisangandi muntu ko tekila ntangu yilunga na tekila mvutukulu yi Mfumu. Mu dyambu ti, yandi waayenikisa misamu miswama ku nsye mpimpa na makani maswama ku nsye mitima. Buna kadi muntu waatambula masiika mandi mana fuma kuu Nzambi.6Zimpangi, mu dyambu dyeno naluhaanini bifwani bebyobyo bitadidi Apolose na mebende, mwanki lubakula mu kifwani kyeto, nkinzi ye lembolo hyoka ndilu yi misamu mii misonama, mpe nakani muntu ka kitumpidikandi mu nwanina wumosi na mubedisa wuhiika.7Ngeye mu nki hyokidi bahiika e? Nki bii naaku bi wulembolo tambula e? Tala ti, kutambula wutambula byo, nki wuna kitumpidikila bonso ti wutambula byo ko e?8Bwabu lumeni baka bimvimba, lweka zimvwama! Lweka zintinu, kansi ka yeto ko! Ntiidi ti luba nkatika zintinu, mwanki yeto mpe tuyaala ha kimosi neeno!9Ebu nina yenina: yeto zintumwa, Nzambi wutusa bantu ba kibuka kimanunu, bonso bantu babazengila kitumbu ki lufwa. Mu dyambu ti, batuyanika, mwanki nza, zimbazi na bantu ba tutalanga.10Yeto tuu bilahuki mu dyambu di Klisto, yeno bantu bandwenga mu Klisto, yeto tuu balebakana, kansi yeno ngolo zii neeno. Yeto bana tunyafuna, kansi yeno bana luzitisa!11Natee mu kilokola bekiki, tuna fwa nsatu na tuna yena mpwila yi mamba, mpene tudi na bana tuzuba bikoti, mpe tuna kwe yimingi,12tuna yena mpasi mu sala mu moko meto. Bu bana tutuka, tuna sakumuna, bu bana tukwamisa, tuna vibidila,13bu bana tutola, tuna bavutudila mvutu bumbote. Bana tubongila natee mu kilumbu bekiki ha luse lu butoto bonso dyala , na bonso bititi bilosidi bantu.14Nina sonikina misamu mimi, ka mu dyambu dye luyenisa nsoni ko, kansi mu lulwengisa bonso baala bani bantalu.15Mu dyambu ti, ni luba na mafunda kumi (10000) ma milongisi mi Klisto, luu na matata mamingi ko, mu dyambu ti ni meno naluhaana luzingu mu Yesu-Klisto mu ndongosolo yi Musamu Wumbote.16Ni hahoho nina lubombidila, landeeno kifwani kyani.17Musamu wawowo nina lutambikila Timote, mwana wu natomini tya na wuu wukwikama mu Mfumu. Yandi waalubambula moyo bwedi nina natina luzingu lwani mu Klisto, bonso bu nakwe kwe longingi mu bifulu bimvimba, mu Mabundu mamvimba.18Mwa ndambu ha kati dyeno bakitumpidikidi mu ta ti nabwesa kwiza lutala ko.19Kansi tala ti Nzambi tiidi, naakwiza kuu yeno. Ni hahoho, naabakudila kaka ko mabanza ma yobobo bana kitumpidika, kansi na lulendo lwawu.20Mu dyambu ti kimfumu ki Nzambi ka dyambu di zimpova ko, kansi dyambu di lulendo.21Nki lutiidi e? Naluyizila na muhangu we luzubila, hoti niza na mutima wufuluka mu luzolo na mu lembami e?Wycliffe Bible Translators, Inc.