Sálumu138
Afurieiduni lánina seremei lun Aburemei
1Neteingirubadibu tau sun nanigi, Nabureme; neremuhaba uremu bun hagibugiñe búngiugu.2Náhuduraguba lau nigibu tuagun buban to sánduboun, lun neteingirunibu luagu bínsiñehabu luma binarün, ladüga ru baali biri luma bererun lóugiñe sun katei.3Dan le nagúarunbei bun, óunaba bumutina, aba bíchugun lanwoun nere.4Sun urúeigu ubouaguna, halawahabadibu danme haganbuni le füramase bubéi.5Halawahabei Aburemei luagu le lariñagubei, ladüga wéiriti luéirigun Aburemei.6Lau sun íñuñein lan Aburemei, arihati hawagun gürigia ha gudemebaña, ani dísegiñe subudi lumutiña giñe ha pántabaña.7Dan le nadariragun nungua lidan denchaü, rútibu ibagari nun; sagá bumuti bubafu aba besefurunina luéi hagañi náganiñu.8Lagumuchubei Nabureme le ladügübei luagu nufulesein lau lubuidun! Bungiu, magumuchaditi bínsiñehabu; mígirabei wadagimanu le gumese báalibei magumuga!Bible Society of Honduras