Agumesehani5
Ladügawagun Adán
1Anihán hiri ladügawagun Adán. Dan le ladügünbalin Bungiu wügüri lenege guánarügü ladügei.2Adüga lumuti Bungiu wügüri tuma würi, aba labiniruniña. Weyu le ladügünbaliña, aba líchugun hiri: «Wügüriña».3San-darandi meha irumu lau Adán, dan le lágurahounbei liráü le gíribei Setü, le lenegebei.4Lárigiñe le, aba labagaridun Adán widü-san irumu, garahüñüguayati lidan sun dan ligía.5Nefu-san-darandi irumu lau ligía lounwen.6San-seingü meha irumu lau Setü dan le lágurahounbei liráü le gíribei Enosu.7Ábaya labagaridun Setü widü-san-sedü irumu lárigiñe, ábaya garahüñügua lan,8nefu-san-duusu irumu lau ligía lounwen.9Gádürü-wein-diisi irumu lau Enosu, ligía lágurahoun liráü le gíribei Kainán.10Ábaya labagaridun Enosu widü-san-keinsi irumu lárigiñe, ábaya garahüñügua lan.11Nefu-san-seingü irumu lau Enosu ligía lounwen.12Ǘrüwa-wein-diisi irumu lau Kainán dan le lágurahounbei liráü le gíribei Maalaléli.13Aba labagaridun Kainán widü-san-bián-wein irumu lárigiñe, ábaya garahüñügua lan;14Nefu-san-diisi irumu lau Kainán ligía lounwen.15Ǘrüwa-wein-seingü irumu lau Maalaléli, ligía garaüwa lan liráü le gíribei Héredi.16Aba labagaridun Maalaléli widü-san-darandi irumu, lárigiñe ábaya garahüñügua lan.17Widü-san-gádürü-wein-keinsi irumu lau Maalaléli ligía lounwen.18San-ǘrüwa-wein-biama irumu lau Héredi, ligía garaüwa lan liráü le gíribei Enoku.19Aba labagaridun Héredi widü-san irumu, lárigiñe, ábaya garahüñügua lan.20Nefu-san ǘrüwa-wein-biama irumu lau ligía lounwen21ǘrüwa-wein-seingü irumu lau Enoku, ligía garaüwa lan liráü le gíribei Matusalén.22Winwan lumuti Enoku sun libagari lábugiñe lugundan Bungiu. Aba labagaridun Enoku ǘrüwa-san irumu lárigiñe, ábaya garahüñügua lan.23Ǘrüwa-san-ǘrüwa-wein-seingü irumu lau Enoku abagarida.24Keiti winwan lani Enoku sun libagari lábugiñe lugundan Bungiu, aban weyu aba lanügüni Bungiu móunwenga.25San-gádürü-wein-sedü irumu lau Matusalén, ligía garaüwa lan liráü le gíribei Lamekü.26Aba labagaridun Matusalén sedü-san-gádürü-wein-biama irumu lárigiñe, ábaya garahüñügua lan.27Nefu-san-ǘrüwa-wein-nefu irumu lau Matusalén, ligía lounwen.28San-gádürü-wein-biama irumu lau Lamekü, ligía garaüwa lan aban liráü,29aba líchugun liri Noé, ladüga lariñagun:—Íñaragua lumuti Bungiu múa, mósuti wawadigimaridun here lun wábunaguni; gama lumoun irahü le, lemeraaguagüdübadiwa.30Lárigiñe garaüwa lan Noé, aba labagaridun Lamekü seingü-san-gádürü-wein-keinsi irumu, aba garahüñügua lan.31Sedü-san-ǘrüwa-wein-disedü irumu lau Lamekü ligía lounwen.32Seingü-san-irumu lau Noé, ligía garaüwa hamá lirahüñü ha gíribaña Semü, Kamü luma Hafeti.
Bible Society of Honduras