1 যোহন3
1ঈশ্বৗরা জৗংনৗ যে অন্নায়খৌ হৗবায় বেয়ৗ বেছেবাং গেদেৎ যে জৗংখৌ ঈশ্বৗরনি বিসাফৗর বুংখজাথার নাংনায়, আরৗ থারৈনৗ জৗঙৗ বেনৗ। সংসারা জৗংখৌ চিনাইয়া, বেনি কারননা জাবায় সংসারা বিখৌ ছিনাইয়াখৈ মৗন।2আংগৗ লৗগৗফৗর, দা জৗঙৗ ঈশ্বৗরনি বিসাফৗর আরৗ জৗঙৗ যে মা জানায় দাবৗ মিথিহৗয়া জাখৈ। নাথায় জৗঙৗ মিথিগৌ জেব্লা খ্রীষ্টআ নুজানায়, জৗঙৗ বিবাদি জানায়, মানৗনা জৗঙৗ বিখৌ জেরৈ বাদি নুনৗ মৗন্নায়।3বয়বৗ জাইফৗরহা বে আশা দং বিছৗরৗ গাওখৌ গৗথার খৗলামৗ, ঠিক জেরৈ বিয়ৗ গৗথার।4জাইফ্রা পাপ মাওয়ৗ বিছৗরৗ আইনখৌ ছিফাইয়ৗ, নংগৌ ঈশ্বৗরখৌ এৎগারনায়ানৗ পাপ।5নাথায় নৗংছৗরৗ মিথিগৌ, জৗংনি পাপখৌ লাংনৗ খ্রীষ্টআ নুজাফৈদৗং। আরৗ বিনিয়াও মৗংবৗ পাপ গৈয়া।6জাইফ্রা বিনিয়াও থায়ৗ বিছৗরৗ পাপ খৗলামবায় থায়া, জাইফ্রা পাপ খৗলামবায় থায়ৗ বিয়ৗ খ্রীষ্টখৌ নুয়াখৈ কিন্বা মিথিয়া।7বিসাফৗর, নৗংছৗরৗ রাওজৗংবৗ গুবুন লামা থাংনায়াও দাদৈদেনজা। ছৗরবা সাছে ধৗরৗমখৌ ঠিক মাওয়ৗ, জেরৈবাদি বিয়ৗ ধৗরৗমিয়া।8জাই সাছেয়া পাপ খৗলামবায় থায়ৗ বিয়ৗ শয়তানিফ্রায়, মানৗনা শয়তানা সিগাংনিফ্রায়নৗ পাপ খৗলামবায় থায়ৗ। মানৗনা ঈশ্বৗরনি বিসা হৌয়াআ নুজাফৈদৗং। শয়তাননি হাবাফৗরখৌ সংহার খৗলামনৗ9ছৗরবা সাছে বিনিয়াও গৗঠাংনি থাখৈ দাবি খৗলামব্লা ঈশ্বৗরনি ফ্রায় সারিজানায়ফ্রা, রাওবৗ পাপ খৗলামবায় থায়া, মানৗনা বিছৗরনিয়াও ঈশ্বারনি বিগৎনা থালাংবায়; বিছৗরৗ পাপ খৗলামবায় থানৗহায়া, মানৗনা বিছৗরৗ ঈশ্বৗরনি ফ্রায় জৗনৗম জাদৗং।10বেবাদি জৗঙৗ মিথিগৌ যে ছৗর শয়তাননি বিসা, যে জাইয়া সঠিক খামানিখৌ মাওয়াখৈ বিয়ৗ ঈশ্বৗরনি বিসা অৗঙা, কিন্বা ছৗরবা সাছে বিছৗরনি ফংবায় আরৗ বিনানাওফৗরখৌ অননা।11মানৗনা বে বাথ্রাখৌ নৗংছৗরৗ জাজেন্নায়নিফ্রায় খৗনাবৗদৗং, জৗঙৗ গাওজৗং গাও অনজ্লাইথার নাংগৌ।12জৗঙৗ কয়িন বাদি জানৗ নাংথারা, বিয়ৗ শয়তাননি মানসি মৗন, আরৗ বিয়ৗ গাওনি ফংবায়খৌ সিথাৎদৗং। কয়িনআ বিখৌ মানৗ সিথাৎখৌ? মানৗনা কয়িনআ গাওনৗ গাজ্রি হাবাফৗর মাওদৗং মৗন, আরৗ বিনি ফংবায়া ধৗরৗমিয়ানি হাবাসৗ মাওদৗং মৗন।13বিনিখাইনৗ আংনি ফংবায়ফৗর আরৗ বিনানাওফৗর, সংসারনি মানসিফ্রা নৗংছৗরখৌ মুগৈয়ৗব্লা নৗংছৗরৗ বৗথিয়া দানাং।14জৗঙৗ মিথিগৌ যে জৗঙৗ থৈনায়নিফ্রায় গৗঠাঙাও বাৎস্লাইবায়, মানৗনা জৗঙৗ জৗংনি ফংবায়ফৗরখৌ অন্নৗ। ছৗরবায়া অন্নাব্লা, বিয়ৗ থৈনায়াও থায়ৗ।15ছৗরবায়া গাওনি ফংবায় কিন্বা বিনানাওখৌ মুগৈয়ৗব্লা, বিয়ৗ মানসি সিথাৎগ্রা, আরৗ নৗংছৗরৗ মিথিগৌ যে মানসি সিথাৎগ্রানিয়াও জৗবনৗ গৗয়ি গৗঠাঙাও থায়া।16অন্নায়া মা জৗঙৗ বেখৌ মিথিখাগৌ মানৗনা খ্রীষ্টআ জৗংনি থাখৈ গাওনি জিউখৌ হৗবায়, বেবাদিনৗ জৗংবৗ ফংবায়ফৗর আরৗ বিনানাওফৗরনি থাখৈ জৗংনি জিউখৌ হৗনাংনায়।17সাছে সংসারনি ধৗনি মানসিয়া গাওনি ফংবায় কিন্বা বিনানাওনি নাংগৌখৌ নুনানৈবৗ অন্নায় গৈয়াব্লা, ঈশ্বৗরনি অন্নায়য়া মাব্রৈ বিনিয়াও থানৗ হাগৌ?18আংনি আংগৗ বিসাফৗর, জৗংনি অন্নায়া সৗদৗবজৗং বান কিন্বা খৗথা বুংনায়জৗংবান জানৗ নাঙা, নাথায় নৗংছৗরৗ নংথারগৌ হাবা মাওনায়জৗং অনজ্লাই।19বেজৗংনৗ জৗং গাও গাওনি নংথারগৌয়াও দং হৗন্নানৈ মিথিনাংনায়, আরৗ বিনি সিগাঙাও জৗঙৗ মাব্রৈ গৗসৗয়াও শান্তিয়ৈ বিনি উপস্হিতিয়াও গছংনায়।20যদি জৗংনি গৗসৗয়া জৗংখৌ দোষী খৗলামৗ, জৗঙৗ মিথিগৌ যে ঈশ্বৗরা জৗংনি গৗসৗনি মহানসিন আরৗ বিয়ৗ গাছেনখৌবৗ মিথিগৌ।21আংগৗ লৗগৗফৗর, জৗংনি গৗসৗয়া যদি জৗংখৌ দোষী খৗলামাব্লা অব্লা ঈশ্বৗরনি সিগাঙাও জৗংহা ভরসা দং।22আরৗ জেখৌ জৗঙৗ বিয়ৗ বেখৌ মৗন্নৗ, মানৗনা জৗঙৗ বিনি আদেশফৗরখৌ মানিয়ৗ আরৗ বিখৌ খুশি খৗলামৗ।23আরৗ বেয়ৗ বিনি আদেশ, বিনি বিসাজ্লা যীশু খ্রীষ্টনি মুঙৈ ফৗথাই, আরৗ খ্রীষ্টআ জৗংখৌ থৗন্নায় বাদি গাওজৗং গাও অনজ্লাই।24জাইফ্রা ঈশ্বৗরনি আদেশফৗরখৌ মানিয়ৗ বিছৗরৗ বিনিয়াও থায়ৗ, আরৗ বিয়ৗ বিছৗরনিয়াও থায়ৗ। আরৗ যে জিউখৌ জৗংনৗ হৗবায় বেয়ৗ দিন্ঠিয়ৗ বিয়ৗ জৗংনিয়াও থায়ৗ।
The Seed Company