Пс54
1Хор вуйлатышылан. Кылан семӱзгар дене. Давидын туныктымашыже.2Юмем, мыйын кумалмемым кол,сӧрвалымем деч ит шыл,3колышт мыйым да вашеште!Чонемым ойго туржеш,тушманын кычкырымыже,осал еҥын шыгыремдымыжемыйым аптыранымашыш пуртат.Нуно мыланем эҥгекым кондат,шыдышт дене ваштарешем тушманлат.5Шӱмем чытыра кӧргыштем,колымаш деч лӱдмаш мыйым авалтен.6Шучкылык ден ӧрткымаш мыйым темдалыныт,кугу лӱдмаш мыйым авалтен.7Каласышым тунам:«Пуат ыле гын мылам кӧгӧрченын гай шулдырым –чоҥештен каем да лыпланем ыле.8Торашке-торашке чоҥештем ыле,ир мландыште кодам ыле,9виян мардеж дечын, тӱтан мардеж дечынаралтышым муаш вашкем ыле».10Господь, ойыштым луген пытаре,вет олаште мый темдымаш ден шургымашым ужам –11йӱдшӧ-кечыже нуно ола йыр пырдыж дене коштыт,а ола кӧргыштӧ – осал паша, эҥгек.12Тушто – пытымаш,огыт кораҥ уремлаж гыч осал чоялык ден ондалымаш.13Мыйым тушман шӱктара гын,тидым чытем ыле,мыйым ужмышудымо еҥ ончылнем кугешна гын,тудын деч шылам ыле,14но тиде – тый, мый гаемак айдеме,мыйын йолташем да лишыл еҥем,15кӧн дене чон почын кутыренна,Юмын пӧртышкӧ пырля коштынна.16Тек нунын дек вучыдымын колымаш толеш,тек нуно илышынек вес тӱняшке волат,вет илыме верыштым осаллык авалтен.17А мый Юмым сӧрвален йодам,да мыйым Господь утара.18Кастене, эрдене да кечывалыммый сӧрвалаш да шортын йодаш тӱҥалам,да Тудо йӱкемым колеш:19ваштарешем кынелше-влак дечын,нуно шукын лийыт гынат,мыйым утарен кода да тынысым пуа.20Юмо колеш, акрет годсек Кугыжаланыше нуным колыштара, вет нуно огыт вашталт, Юмо дечын огыт лӱд.21Нунын дене келшен илыше ӱмбак кидыштым нӧлтат,ойпидышым пудыртат.22Ӱй деч пушкыдо шомакышт,а шӱмыштышт – ужмышудымаш,олив ӱй деч яклака нунын мутышт,но пӱсӧ керде гай нуно улыт.23Пу Господьлан шке тургыжланыметым –Тудо тыланет полша,чын ыштыше айдемылан тайнышташ нигунам ок пу.24Тый, Юмем, нуным эн келге вынемыш шуэт,вӱр йоктарыше ден шояче-влакпел ӱмырыштымат огыт шукто илен.А мый Тылат, [Господь,] ӱшанен илем.
Institute for Bible Translation, Finland