OL SAM140
1Hae God.Plis yu tekemaot milong han blong ol man nogud.Plis yu blokem ol man blong faetoli no kam long mi,mo yu lukaot gud long mi.2Oltaem olgeta ya oli stap mekem planblong mekem ol rabis fasin,mo oltaem oli stap traem blong statem rao.3Maot blong olgeta i sap tumas,olsem tut blong rabis snek,mo ol tok blong olgetai olsem posen blong snek.4Hae God.Ol man nogud ya oli man blong faet,mo oli stap mekem planblong mekem mi mi foldaon.Plis yu tekemaot mi long paoa blong olgeta,mo yu blokemgud mi.5Ol praod man oli putum trap finisblong kasem mi,oli pulum ol net blong olgetaoli stap rere,mo oli taetem ol sling long rod blong mi,blong holem mi.6Hae God, yu yu Masta* blong mi.Oltaem mi stap talem se,“Yu yu God blong mi.”Plis yu harem prea blong mi.Yu nao yu stap blokemgud milong paoa blong yu,mo yu stap lukaot gud long milong taem blong faet.Ol samting ya we ol man nogud oli wantem,plis yu no givim long olgeta.Plis yu no letem plan blong olgeta i kamtruolsem we oli wantem.9Plis yu no letemol enemi blong mi oli winim mi,yu mekemwe ol strong tok blong olgetai kasem olgeta bakegen.10Mi wantem we faea i foldaon long olgeta,i bonem olgeta.Plis yu sakem olgeta i go insaed long wan holwe neva oli save kamaot bakegen.11Mi wantemse ol man we oli stap mekem giaman toktokblong spolem nem blong narafala man,bambae oli no save win.Plis yu letemol samting nogud i kasem ol man blong faet,i spolemgud olgeta wantaem nomo.12Hae God.Mi save we yu yu stap givhanlong ol puamanlong ol trabol blong olgeta,mo yu stap mekemwe olgeta oli kasem ol samtingwe oli gat raet blong kasem.13I tru,ol stret man bambae oli stap wetem yu,mo oltaem bambae oli stap presem yu.
Bible Society of the South Pacific