OL SAM141
1Hae God.Mi mi stap krae i kam long yu.Plis yu kwik, yu givhan long mi.Mi stap krae i kam long yu,plis yu lesin long mi.2Plis yu letem prea blong mi i kam long yuolsem smok blong insens*we man i bonem i kam long yu.Taem mi leftemap han blong miblong prea long yu,plis yu glad long miolsem we yu glad long ol sakrefaes yawe pris* i stap bonem long sapa.3Hae God, plis yu blokem miblong mi no stap talem ol rabis tok,Plis yu givhan long miblong mi no save tok nogud long ol man.4Plis yu lukaot long miblong mi no mekem ol samting we i rong,mo blong mi no go joen wetem ol man nogudlong ol rabis fasin blong olgeta.Mi wantemse neva bambae mi go joen long ol lafet blong olgeta.5Mi mi save letem gudfala man i kilim mino i tok strong long mi,blong stretem mi.Be ol man nogud,oltaem mi stap preablong yu blokem ol rabis fasin blong olgeta,mo from samting ya,mi no save letemolgeta oli leftemap nem blong mi.6Nao taem yu sakem ol haeman blong olgetaoli godaon long klif,bambae ol man oli luksavese ol tok blong mi i tru.7Bambae yu sakem ol bun blong olgetaolbaot long beregraon,olsem wud we man i splitim,i katkatem long ol smosmol pis.8Hae God, yu yu God blong mi,mo mi mi stap trastem yu oltaem.Mi wantem tumasblong yu yu stap lukaot gud long mi.Plis yu no letem mi mi ded.9Plis yu blokem miblong mi no foldaon long ol holwe ol man nogud oli digim blong kasem mi,mo blong mi no fas long ol slingwe olgeta oli putum.10Plis yu letemolgeta oli foldaon bakegenlong ol trap blong olgeta,be yu letem mi mi wokbaot i go,we i no gat wan samting i spolem mi.
Bible Society of the South Pacific