EZEKIEL31
Sedar Ɔwɛ̃ Wɔ i Lebanon
1Iyi ɖeakatɔ̃ i kuwa tɛare i ikɔ iweoɖeakatɔ̃ ame ne, Bosate itɔ̃me ɔba me sɔ,2"Ɔturi awune ɔbi, ɣere Egipte Igarakpakpa gu ɔ̃ maturi ɔɖuɖu sɔ," 'Nna maawo ɔsu makateragu-ɔ ku fɔ ɔle?3Dzuĩ Asiria, ɔwi ɔwɛ̃ ne ɔɖe sedar i Lebanon,ku akpai wa nto alɛnyɔ gɔ aɣa afɔ ipo,kukɔlɛ kukpa kato,ne kɔ̃ kato ɔwe i ipo tikpiriã kato.4Ndu lotã kɔ̃ kuya kumɔ,ndu mɛ i karɔ̃ lotã kumɔ kukɔlɛ.Ndu mɛ i karɔ̃ kuworei ɔborekuki kulɔ kɔ̃ i karɔ̃.Ne kuworei ɔbore i kɔ̃ isosikɛlɛ adziri ɔɖuɖu wa i karɔ̃ iso.5Ne ɔso kukɔlɛ kukɛlɛ katokuɖo adziri ɔɖuɖu i karɔ̃ iso.Kɔ̃ akpa mɔmɔ ɔsi abuane kɔ̃ akpai ɔkarã,ne awarɛ afere ala ndu gbodzoo ɔso.6Ɔwiri ame kurodzai ɔɖuɖuɔbara arodzayo i kɔ̃ akpai ame.Kuputubɔi ɔɖuɖu sɛ kuɣeabi i kɔ̃ akpai kayirinɔ.Nɖebi siare ɔɖuɖuɔwe i kɔ̃ kusɔ kayirinɔ.7Kuwe kulɛ gbaã,ku kɔ̃ akpai wa lowarɛ afere.Ala kɔ̃ siɖu ɔkɛlɛ ndugbodzoo kɔrɛ i karɔ̃ ame ɔso.8Sedar adziri wa i Ɣaa kawĩ ameiibawo ɔwãrarã ku kɔ̃,ɣee besibe adziriiikategu kɔ̃ akpai,ɣee adziri siareiikategu kɔ̃ akpai -kudziri kukuwɛ̃ na i Ɣaa kawĩ amekukategu kɔ̃ kulɛ.9Mme lobara kɔ̃ kulɛku akpai gbodzoo.Kudziri biara i Edeni Ɣaa kawĩ ame ɔrɛtɛ anɔmi i kɔ̃ iso.10" 'Ne ɔso nnɛgbe i Bosate Wɔ Nsiguso to ɔɣɛ ne: Ala kukɔlɛ ta kato fiɛ kukɔlɛ kuɖo adziri mama wa ku ayata tikpirii fiɛ kute so ala kɔ̃ kukɔlɛ ɔso ne,11Losu kɔ̃ lopia i nɖebi ɔɖeisoi kɔrɔ̃ ame, sɔ ɔbara kɔ̃ i kɔ̃ ɔtile kanya. Loɖi kɔ̃ losɛ ise,12ne kafɔɖe ga mba ɔtile kaɖo i mafɔ nɖebi ame, ɔwɔra kɔ̃ fiɛ ɔrui ɔnyua kɔ̃. Kɔ̃ akpai ɔkpase asia i abe iso gu kugbolomi ɔɖuɖu ame, kɔ̃ akpai ɔfɛfɛ̃ i kuwɛlagbolomi ɔɖuɖu ame i karɔ̃ iso. Karɔ̃ iso nɖebi ɔɖuɖu ɔbɔrɛ i kɔ̃ kusɔ kayirinɔ ne marui manyua kɔ̃ ne.13Ɔwiri ame kurodzai ɔɖuɖu ɔsɛ i kudziri gɔ loɔrɔ̃ iso, ne karɔ̃ iso kuputubɔi ɔɖuɖu ɔwe i kɔ̃ akpai ndɛ̃.14Ne ɔso kudziri mama gɔ i ndu kɔrɛ iisibakɔlɛ so kato ku iteso, kukɔlɛ kɔ̃ kato i adziri mama iso ku ipo tikpiriã kato kuiyikuiyi. Ku adziri kuawɛ̃ wa lona ndu kukaakɔ iisibana kukɔlɛ gɔmɔ igbã kuiyikuiyi. Wã ɔɖuɖu aakpi ku kawirikɔ̃, akɛlɛ karɔ̃ ga i kayirinɔ ame i maturi awune ndɛ̃, ku ma nsɛ makɛlɛ iwo ame.15" 'Nnɛgbe i Bosate Wɔ Nsiguso to ɔɣɛ ne: Iyi nɛ makpadzɛ̃ kɔ̃ mabɔkarɔ̃ i ikpibiɔ ame ne, losu isoma i kɔ̃ iti lofu i ndu wodoroa iso. Losia kɔ̃ kuworei kɔrɔ̃ iso, ne kɔ̃ ndu gbodzoo ɔsɔ̃. Ne ɔso losu isoma lopia Lebanon, ne adziri ɔɖuɖu i karɔ̃ iso ɔɣɔ akpi.16Lotã nɖebi ɔti mikpakpa i kɔ̃ irɔ̃ kulu ku ɔwi wɔ lobɔ kɔ̃ i ikpibiɔ ame, ku mma nsɛ makɛlɛ iwo ame. Kere ne adziri ɔɖuɖu wa i Eden, nwa nlɛ aɖo i Lebanon, adziri ɔɖuɖu wa lona ndu kukaakɔ ne, mapia ma kɔrɔ̃ i kayiri i karɔ̃ kayirinɔ.17Mma losɛ i kɔ̃ kusɔ kayirinɔ, kɔ̃ isomaturi i nɖebi ndɛ̃, ɔɔkɛlɛ ikpibiɔ ame ku kɔ̃, mabua i mma maɖue i ipɛmi kanya iso.18" 'Mme kudziri i Eden maawo ɔsu ɔkateragu fɔ kulɛ gu ɔle? Ɣɛɛ fɔ wũ ne, mato maabɔ-ɔ karɔ̃ ku Eden adziri ikɛlɛ karɔ̃ kayirinɔ. Ato aarɛ i mma loitu sirɛrɛ̃ ndɛ̃, ku mma maɖue ku ipɛmi." 'Nnɛgbe nɖe Egipte Igarakpakpa gu ɔ̃ karana gu maturi ɔɖuɖu, ɔkpɛ ne, Bosate Wɔ Nsiguso nto ɔɣɛ.' "
The Seed Company