มาระโก /15
1พอต๋อนเช้า หมู่มหาปุโรหิตกับหมู่ผู้ใหญ่และหมู่ธรรมาจารย์ และบรรดาสมาชิกสภาได้ปรึกษากัน แล้วได้มัดพระเยซูปาไปหื้อไว้แก่ปีลาต2ปีลาตเลยถามพระองค์ว่า “ท่านเป๋นกษัตริย์ของหมู่ยิวกา” พระองค์อู้ตอบเขาว่า “ก็ท่านว่าแล้วลอ ”3ตางหมู่มหาปุโรหิตได้ฟ้องกล่าวโต๊ดพระองค์หลายข้อ4ปีลาตเลยถามพระองค์แหมว่า “ท่านบะตอบบะหยังกา ผ่อลอ เขาอู้ความใส่ท่านหลายประการขนาด”5แต่พระเยซูบะได้อู้ตอบบะหยังแหม ปีลาตแปลกใจ๋ขนาดหนัก6ในเทศกาลนั้นปีลาตเกยปล่อยนักโทษคนหนึ่งหื้อเขาตามที่เขาขอ7มีคนหนึ่งจื่อบารับบัส ซึ่งต้องฮับโต๊ดอยู่ในหมู่คนกบฏ ผู้ที่ได้ฆ่าคนในการกบฏหั้น8ประชาชนจึงได้ขึ้นไปขอปีลาตหื้อเยะตามตท่านเกยเยะหื้อเขานั้น9ปีลาตได้ถามเขาว่า “ท่านตึงหลายไค่จะหื้อเราปล่อยกษัตริย์ของหมู่ยิวกา”10เพราะท่านฮุ่อยู่แล้วว่า หมู่มหาปุโรหิตได้ยับพระองค์ไว้ด้วยความอิจฉา11แต่หมู่มหาปุโรหิตยุยงประชาชนหื้อขอปีลาต ปล่อยบารับบัสแตนพระเยซู12ตางปีลาตเลยถามเขาว่า “ท่านทั้งหลายจะหื้อเฮาเยะฮือกับคนนี้ ซึ่งท่านทั้งหลายฮ่องว่ากษัตริย์ของหมู่ยิว”13เขาตึงหลายฮ้องเอ๊กว่า “ตรึงเขาเหที่กางเขนเตอะ”14ปีลาตเลยถามว่า “ตรึงยะฮือ เขาได้ทำผิดบะหยัง” แต่ประชาชนซ่ำฮ้องว่า “ตรึงเขาเหตี้กางเขนเตอะ”15ปีลาตปรารถนาจะเอาใจประชาชน เลยปล่อยบารับบัสหื้อเขา และเมื่อได้หื้อตีพระเยซูแล้ว ก็มอบหื้อเขาเอาไปตรึงไว้ตี้กางเขน16หมู่ทหารเลยปาพระองค์ไปข้างในราชสำนัก (คือตี้ฮ่องว่าศาลปรีโทเรียม) แล้วฮ่องหมู่ทหารทั้งกองให้มาประชุมกัน17เขาเอาเสื้อสีม่วงมาใส่พระองค์ เอาหนามสานเป๋นมงกุฎใส่โหพระองค์18แล้วคำนับพระองค์อู้ว่า “กษัตริย์ของหมู่ยิวเจ้าข้า ขอทรงพระเจริญ”19แล้วเขาได้เอาไม้อ้อตีโหพระองค์ และได้ถุ่มน้ำลายฮดพระองค์ แล้วคุกเข่าลงนมัสการพระองค์20เมื่อเยาะเย้ยพระองค์แล้ว เขาแก้เสื้อสีม่วงนั้นออก แล้วเอาเสื้อผ้าพระองค์ใส่หื้อ และปาพระองค์ออกไปเปื่อจะตรึงเหตี้กางเขน21มีคนหนึ่งจื่อซีโมนจาวไซรีน เป็นป้อของอเล็กซานเดอร์และรูฟัส เตวมาจากบ้านนอกตามตางนั้น เขาก่อเกณฑ์ซีโมนหื้อแบกกางเขนของพระองค์ไป22เขาพาพระองค์มาถึงตำบลหนึ่งจื่อกลโกธา (แปลว่ากะโหลกศีรษะ)23แล้วเขาเอาเหล้าองุ่นคุนกับมดยอบหื้อพระองค์กิ๋น แต่พระองค์บะฮับ24เขาตรึงพระองค์ตี้กางเขน แล้วเขาก็เอาเสื้อผ้าพระองค์จ๊กเบอแบ่งปันกัน เพื่อจะฮู้ว่าไผจะได้บะหยัง25เมื่อเขาตรึงพระองค์ไว้หั้นเป๋นเวลาเช้าสามโมง26มีข้อหาตี้ลงโทษพระองค์เขียนไว้ว่า “กษัตริย์ของหมู่ยิว”27เขาเอาโจรสองคนตรึงไว้พร้อมกับพระองค์ ตางขวาคนหนึ่งตางซ้ายคนหนึ่ง [28ต้องสำเร็จตามพระคัมภีร์ตี้ว่า “ท่านถูกนับเข้ากับคนล่วงเกิน ”]29ฝ่ายคนตึงหมดที่เตวก๋ายไปมานั้นก่ออู้เหยียดหยามพระองค์ ส่ายโหเยาะเย้ยว่า “เฮ้ว เจ้าผู้จะทำลายพระวิหารและแป๋งขึ้นในสามวันน่ะ30หื้อจ้วยโต๋เก่าหื้อรอดและลงมาจากกางเขนเตอะ”31หมู่มหาปุโรหิตกับพวกธรรมาจารย์ก็เยาะเย้ยพระองค์ ในระหว่างหมู่เขาเองเหมือนกันว่า “เขาช่วยคนอื่นหื้อรอดได้ แต่จ้วยโต๋เก่าบะได้32หื้อเจ้าพระคริสต์กษัตริย์แห่งอิสราเอลลงมาจากกางเขนเดี๋ยวนี้เตอะ เปื่อเฮาจะได้หันและเจื่อ” และสองคนหั้นตี้ถูกตรึงไว้กับพระองค์ก็กล่าวคำหยาบช้าต่อพระองค์33เม่อเวลาเที่ยงก่อเกิดมืดมัวทั่วแผ่นดินจนถึงบ่ายสามโมง34พอบ่ายสามโมงแล้ว พระเยซูฮ้องเสียงดังว่า “เอโลอี เอโลอี ลามา สะบักธานี” แปลว่า “พระเจ้าของข้าพระองค์ พระเจ้าของข้าพระองค์ ยะฮือทรงละข้าพระองค์เสีย”35บางคนตี้จุกอยู่ตี้หั้นเมื่อได้ยินก็อู้ว่า “ผ่อเตอะเขาฮ้องเอลียาห์”36มีคนหนึ่งโล่นไปเอาฟองน้ำจุบเหล้าองุ่นสุ้มเสบปลายไม้อ้อ ส่งหื้อพระองค์กิ๋นแล้วว่า “หื้อเฮาถ้าผ่อว่า เอลียาห์จะมาจ้วยเขาลงก่อ”37ตางพระเยซูทรงฮ้องเสียงดังแล้วก็สิ้นใจ๋38ต๋อนนั้นม่านในพระวิหารก่อปุดออกเป็นสองต้อนตั้งแต่บุนตลอดลุ่ม39ส่วนนายร้อยตี้จุกอยู่ซื่อหน้าพระองค์ เมื่อหันว่าพระองค์สิ้นใจ๋อย่างอั้นแล้ว เลยอู้ว่า “แต้ๆแล้วท่านคนนี้เป๋นลูกของพระเจ้า”40มีหมู่แม่ยิงผ่ออยู่แต่ไก๋ ในหมู่แม่ยิงนั้นมีมารีย์จาวมักดาลา มารีย์แม่ของยากอบน้อยและของโยเสส และนางสะโลเม41แม่ยิงเหล่านั้นได้ตวยและฮับใจ้พระองค์ เมื่อพระองค์ยังอยู่ในแคว้นกาลิลี และแม่ยิงอื่นแหมหลายคนตี้ได้ขึ้นมายังกรุงเยรูซาเล็มกับพระองค์ ได้อยู่ตี้ฮั่น42เม่อถึงเวลาแหม๊ะค่ำ เหตุตี้วันนั้นเป็นวันเตม คือวันก่อนวันสะบาโต43โยเซฟเป๋นจาวบ้านอาริมาเธีย ตี้อยู่ในพวกสมาชิกสภาและเป็นตี้นับถือของคนทั้งปวง ทั้งกำลังถ้าแผ่นดินของพระเจ้าตวย เลยกล้าเข้าไปหาปีลาตขอพระศพพระเยซู44ปีลาตก่อประหลาดใจตี้พระเยซูสิ้นใจ๋แล้ว เลยฮ้องนายร้อยมาถามว่า ตายแล้วกา45เมื่อได้ฮู้เรื่องจากนายร้อยแล้ว ท่านเลยมอบศพให้แก่โยเซฟ46ฝ่ายโยเซฟได้ซื้อผ้าป่าน และเจิญศพลงมาเอาผ้าป่านพันหุ้มไว้ แล้วเจิญศพไปตั้งไว้ในอุโมงค์ตี้ได้สกัดไว้ในศิลา แล้วกลิ้งก้อนหินปิดปากอุโมงค์ไว้47ตางมารีย์ชาวมักดาลา และมารีย์มารดาของโยเสสได้หันตำบลตี้โยเซฟบรรจุศพไว้นั้น
Empower Asia Bible Translation Movement