มาระโก /16

1เม่อ​วัน​สะ‌บา‌โต​ล้ำไป​แล้ว มา‌รีย์​จาว​มัก‌ดา‌ลา มา‌รีย์แม่​ของ​ยา‌กอบ​และ​นาง​สะ‌โล‌เม ซื้อ​เครื่อง​หอม​มา​เปื่อ​จะ​ไป​ฮดศพ​ของ​พระ‍องค์2เวลา​เจ้ามืด วัน​ต้น​สัป‌ดาห์​บะกองตะวัน​ขึ้น เขา​ก่อมา​แผวอุโมงค์3และ​เขา​อู้​กัน​อยู่​ว่า “ไผ​จะ​จ้วย​กลิ้ง​ก้อน​หิน​ออก​จาก​ปาก​อุโมงค์”4เมื่อ​เขา​ผ่อ​ก่อหัน​ก้อน​หิน​นั้น กลิ้ง​ออก​แล้ว เพราะ​เป๋น​ก้อน​หิน​ใหญ่ขนาด5เม่อ​เขา​เข้า​ไป​ใน​อุโมงค์​แล้ว ได้​หัน​หนุ่ม​คน​หนึ่ง​นุ่ง​ห่ม​ผ้า​ยาว​สีขาว​นั่ง​อยู่​ตาง​ขวา แม่ยิงนั้น​ก่อสะดุ้งสะเด็น6ตาง​คน​หนุ่ม​นั้น​บอก​เขา​ว่า “จะไปสะดุ้งสะเด็นเลย หมู่เจ้า​ตึง‍หลาย​มา​หา​พระ‍เยซู​จาว​นา‌ซา‌เร็ธ​ตี้​ต้อง​ตรึง​ไว้​ตี้​กาง​เขน พระ‍องค์​ทรง​เป๋น​ขึ้น​มา​แล้ว​ก่อบะได้อยู่​ตี้​นี่ หื้อผ่อตี้ตี้​เขา​ได้​ตำ​ศพ​ของ​พระ‍องค์​เตอะ7แต่หื้อ​ไป​บอก​หมู่​สา‌วก​ของ​พระ‍องค์​ตึง​เป‌โตร​เตอะ​ว่า พระ‍องค์ได้​ไป​ตี้แคว้น​กา‌ลิลี​ก่อน​เจ้า​ตึง‍หลาย และ​เจ้า​ตึง‍หลาย​จะหัน​พระ‍องค์​ตี้​หั่น เหมือน​พระ‍องค์​อู้​ไว้​กับ​หมู่​เจ้า​แล้ว”8แม่ยิงเหล่า​นั้น​ก็​ออก​จาก​อุโมงค์ฟ้าว​หนี​ไป เพราะ​พิศ‌วง​ตก​ใจ​จ๋น​โต๋​สั่น และ​บะได้​อู้​กับไผ​เพราะ​เขา​กลัว[๋9เม่อถึง​เจ้า​วัน​ตุ้น​สัป‌ดาห์ เม่อ​พระ‍องค์​ทรง​เป๋น​ขึ้น​มา​แล้ว พระ‍องค์​ทรง​สำ‌แดง​พระ‍องค์​หื้อปรา‌กฏ​กับ​มา‌รีย์​ชาว​มัก‌ดา‌ลา​ก่อน คือ​มา‌รีย์​คน​ตี้​พระ‍องค์​ได้​ไล่​ผี​ออก​เจ็ด​ผี10มา‌รีย์เลย​ไป​บอก​หมู่​คน​ตี้​เกย​อยู่​กับ​พระ‍องค์​แต่​ก่อน เขา​กำ‌ลังไห้​เป็น​ตุกอยู่11เมื่อ​เขา​ได้​ยิน​ว่า​พระ‍องค์​มีจีวิตอยู่ และ​มา‌รีย์​ได้หัน​พระ‍องค์​แล้ว เขา​ก่อบะ​เจื่อ12กำลุน​พระ‍องค์​ทรง​ปรา‌กฏ​พระ‍กายแหมอย่างนึง กับ​ศิษย์​สอง​คน เมื่อ​เขา​กำ‌ลัง​เดิน​ทาง​ออก​ไป​บ้าน​นอก13ศิษย์​สอง​คน​นั้นเลยไป​บอก​ศิษย์​อื่นๆ แต่​เขา​บะ​ได้​เจื่อ14ภาย‍หลัง​พระ‍องค์​ทรง​ปรา‌กฏกับ​สา‌วก​สิบ‍เอ็ด​คน​นั้น​เอง เมื่อ​เขา​นั่ง​กิ๋นข้าว​อยู่ พระ‍องค์​ทรง​ติ​เขา​เพราะ​เขา​สง‌สัย​และ​ใจ​ดื้อ​ดึง ด้วย​เหตุ​ที่​เขา​บะได้​เจื่อ​คน​ตี้ได้​หัน​พระ‍องค์ เมื่อ​พระ‍องค์​ทรง​เป๋น​ขึ้น​มา​แล้ว15ฝ่าย​พระ‍องค์​จึง​อู้​สั่ง​พวก​สา‌วก​ว่า “เจ้า​ทั้ง‍หลาย​จง​ออก​ไป​ทั่ว​โลก ประ‌กาศ​ข่าว​ประ‌เสริฐ​แก่​มนุษย์​กุ้​คน16ไผเจื่อ​และ​ฮับ​บัพ‌ติศ‌มา​แล้ว​ผู้​นั้น​อิ​รอด แต่​ไผ​บะ​เจื่อ​จะ​ต้องฮับโตด17มี​คน​เจื่อ​ตี้​ไหน​หมาย​สำ‌คัญ​เหล่า​นี้​จะ​เกิด​ขึ้น​ตี้หั้น คือ​เขา​จะ​ไล่​ผี​ออก​โดยจื่อของ​เฮา เขา​จะ​อู้ภา‌ษา​แปลกๆ18เขา​จะ​ยับ​งู​ได้ ถ้า​เขา​กิน​ยา​ปิดจะใด จะ​ไม่​เป๋น​อัน‌ตราย​กับ​เขา และ​เขา​จะ​วาง​มือ​บน​คน​ไข้​คน​ป่วย แล้ว​คน​เหล่า​นั้น​จะ​หาย​โรค”
19เม่อ​พระ‍เยซู‍เจ้า​อู่เอ่ย​เขา​แล้ว พระ‍เจ้า​ก็​ทรงฮับ​พระ‍องค์หื้อ​ขึ้น​สู่​ฟ้า​สวรรค์ ประ‌ทับ​ตาง​ขวา​มือของ​พระ‍เจ้า20หมู่​สา‌วก​เหล่า​นั้นเลย​ออก​ไป​เทศ‌นา​สั่ง​สอน​กุ้แห่ง​กุ้​ตำ‌บล และ​พระ‍เป็น​เจ้า​ทรง​ฮ่วม​งาน​กับ​เขา​และ​ทรง​สนับ​สนุน​กำ​สอน​ของ​เขา โดย​หมาย​สำ‌คัญ​ตี้​ประ‌กอบ​นั้น] 

Empower Asia Bible Translation Movement

https://app.library.bible/content/cdd906738dc14f8f