Wadaddiit Luúkaam18
1Bulis xagho illi Asiina girraahu haba wa asik Kurinsus gesa.2Wa diiba Yahudi Akiila la litbahal, diib Bundtus ittub rakba. Wa hitu misil issiitu Biriiskiila min Idtaalya min matsá ghirub waadi qala ajil Koludiyus ib digna killom la Yahud min Roma immur qala. Bulis igil ligaanxom gesa3wa jalliib sheghyaay kiyam kimsalehom qala xadra wa gorom shagha.4Sabitka diibba maqbad ajil attaghnaqotta Yahud la Yunaaniyiin naaghish qala.5Wa waan Siila wa Tiimusaawus min Maghiduniya matsáw, Bulis igil bashsharot ledta tfarragha igilla Yahud Yasoq la Masex kim tu inlishhid.6Laakiin la Yahud dol qaardawu wa ajáraw ittu, bilaayu kafkafa kim ishaarat nagot wa belayom, “Damkum raáskum baatsex tu! Ana masúlechche abtsaxako. Xagho illi asikka umammiyiin igil igiis tu.”7Xaghohu Bulis la maqbad xadga, asik Dtiidtus Yusdtus la qebdaay Rabbi la betu la maqbad guwirit gesa.8Wa Kiriisbus la riíssa maqbad wa killu dtewaahu ib Molaay amnaw wa bizxaam min sab Kurinsus la liíkat samqaw amnaw wa taqammadaw.9Laali xatte Molaay diib rúya Bulis tahaaga wa belayu, “Iitifrah! Mathaagaay iitátghaaric! Iitíizam10jallaab ana misilka halleko, oro igil lihjam itka wa igil limadriraka iiko sabab diib illa madiinat addaam bizxaam hallaw iyye.”11Jalliibu Bulis zaqat Rabbi inde laádarrissom sanat wa sar kalá.12Ghaaliyun xaakim Akaaíya waan qala la Yahud gats xid it Bulis hajmaw wa asik maxkamat amtsáwu.13Wa attajramawu wa belaw, “Illi inaas la shaqab laátámin halla Rabbi igil liqibadaw ib gabey la misilla shariiqat titqaarad.”14Bulis ghirub mathaagaay inintu, Ghaaliyun igilla Yahud belayom, “La shakwatkum ib qagab aw ib jariimat biyyin min taqale igil attansekum watwajjaba ichche.15Minnaata ajil misil saálaat zaqotaat wa asmaay wa shariiqatkum titsaabadt, noskum xilola. Ana illa tmassil ghadiyat yiífarrid.”16Wa asaru minna maxkamat dtardayom.17Wa xare killom it Sustaaniis riíssa maqbad wadghaw wa ghadamma maxkamat zaabadtawu. Ghaaliyun laata killu raásu iitxassara ibbu.18Bulis diib Kurinsus gale waghit kalá. Wa xaghohu la xaw xadga wa asik Surya abxara wa Biriiskiila wa Akiila taalawu. Ghadamu cigaru atlaadta diib Kankiriya, jallaab nazir naazir qala.19Afasus batsxaw wa diiba Bulis Biriiskiila wa Akiila xadga. Hitu di la maqbad ata wa la Yahud naaghasha.20Ziyaadat waghit igil litsnax baakom dolat dtalbaw minnu iighabla.21Laakiin inlissaarax minnom qidim wada wa bela, “Ib af Rabbi igil qaghbil tu.” Darbu min Afasus abxara.22Wa it Ghaysariiya tkarra wa kaniisat Orshaliim igil lizzaayar qaghlola wa xare asik Andtaakya darra.23Xagho gale maddat kalá diiba ssaarxa minna wa min akaan asik akaan saafara diib mandtighat Ghalaadtya wa Firiijiya killom la darasa inlaátxaadtidt.24Itta maddat laha Yahudi Abollus la litbahal diib Al Askandariya ittub asik Afasus matsá. Hitu inaas qillum wa la Kitaab amrat shaamlat la laámmir qala.25Gabey Molaay lighghun qala wa ib xamaas tirud kadtba wa ib Yasoq ib raateq adrasa, maqmudiyat Yuxanna ledta ma laámir min laqale.26Diibba maqbad qaddaxa tsaqda igil lithaage astabda. Waan Biriiskiila wa Akiila samqawu diib betom qazmawu wa gabey Rabbi ib baarih sharxaw ilu.27Dol Abollus asik Akaaíya igil ligiis xaza, la emnat atxaadtarawu wa itta darasa diib Akaaíya katbaw igil laárxibo ibbu. Waan batsxa igilla la ib fadil niqimat Rabbi amnaw sadayit libula yaqala,28jalliib la Yahud ib xiilat ib riúy simoq diib makxadda aazama wa minna Kitaab Yasoq la Masex kim tu asbata.
Summer Institute of Linguistics Ethiopia