Mark15
1ตอฺห์ลัฮ รู กะลัฮ ผืด โม คูบา+ โม อึงเคา หนะ โม อาจาน ซอฺน กด+ค็อฺง โมเซ ติง โม กูย กะฉุมผีกะนา+ติงฉิม โหรม อึนดัว ดะ แพน จิง กแจด พระเยซู. หนาว แอ โซ เซอ พระเยซู กะถูย ดัว แหลว ดึง จี ออฺน ปีลาต.2ลาต หม็อฺฮ พระเยซู ปาย “หมวง เกิด ซะดัจ ค็อฺง เฉียด ยิว แหมน เถ?” พระเยซู ตอฺบ “ก็ หมวง หวาว ไกร แหลว.”3โม คูบา หวาว อึนโถฮ พระเยซู เถิน ดาล ยาง.4นะขัย ปีลาต หม็อฺฮ พระเยซู เถิน ปาย “เหนีย แต ปุ หวาว? ซ็อฺง เถ หนาว พอฺง หมวง ดาล หรืง แหลว?”5แต พระเยซู ปุ หวาวหนอฺ หมูย มนาย ก็ หวัว ออฺน ปีลาต หงึด กะฮอฺม ดาล.6หวีห์ จา โหรม ตไง กโฮดจีเล็ย+ ขู กะมอฺ พูวา เขย ปรอฮ กูยโถด หมูย หนะ เทาะ โวยโซะ เถียร.7หลึง เหวเหลีย ขัย เกิด กูย อึนถรุฮ หมูย หนะ กะหมึฮ บารับบัซ ไกร ขุก กู เกิด กูย กเบ็อด เทาะ กแจด กูย หลึง เหวเหลีย กเบ็อด ขัย น็อฺง.8เกิด โวยโซะ ยัง ดาล เจา เถียร ปีลาต ออฺน ปรอฮ กูยโถด นะเขย.9ปีลาต หม็อฺฮ ปาย “ออฺน ไฮ ปรอฮ ซะดัจ ค็อฺง เฉียด ยิว ออฺน หมวง เถ?”10ปีลาต ดิง ออฺ ปาย โมหมวง กอบ พระเยซู ฉูน เจา เพราะ ลือใจ.11แต โม คูบา ยุ โวยโซะ ออฺน เถียร ปีลาต ปรอฮ บารับบัซ แถน.12ปีลาต หม็อฺฮ ฉำ เถิน ปาย “คัน นะขัย จิง ออฺน ไฮ หวัว นะเหนีย หลึง กูย เทาะ โมหมวง กเหยีย ปาย ซะดัจ ค็อฺง เฉียด ยิว แหน?”13หนาว ดิง อึนดัว เตรห์ “แอจี เค็อง หลึง อะหลวง กางเคน เล็ย!”14ปีลาต หม็อฺฮ ปาย “เพราะ หนอฺ? หนาว หวัว หลอฮ หนอฺ ลัฮ?” แต โวยโซะ อึงเฮ็ง เตรห์ คลัง ซ็อฺฮ เซ็อด เซง ปาย “แอจี เค็อง!”15ปีลาต ยัก จิง แอกะฮอฺม โวยโซะ ก็ ปรอฮ บารับบัซ จี แหลว ซัง ออฺน ตำ พระเยซู. ตำ แหลว ก็ หมวบ ออฺน แอจี เค็อง ดัวะ หลึง อะหลวง กางเคน.16แหลว โม ทะฮาน ดึงพระเยซู หมูดจี เถริง ดุง ค็อฺง พูวา (ขือ ไพรโทเรียน) แหลว กเหฺยีย ติง กอง ออฺน เจา แหม.17แหลว แอ ฮับผืด ซีพักปัง เซอ ออฺน พระเยซู แอ แหมห์ กเหลีย เจา ตาญ หวัว กะจอม ขือ นะ อึมเบียฮ ถรู เถิห์ ปลอฺ ออฺน พระเยซู.18หนาว อึมผาฮ กะหลัย แกล พระเยซู หวาว ปาย “เถียร ซะดัจ ค็อฺง เฉียด ยิว ออฺน กู กะออฺบ แบร็ฮ บืน เดอ!”19เกิด กูย หนืจ แอ อะหลวง ตำ ปลอฺ พระเยซู กโจ็ด เดียะหวี เซอ หนาว จัดกอล แซง หญวง กะหลัย แกล.20อีล พระเยซู ผัวกะฮอฺม แหลว ก็ ต็อฺฮ ฮับผืด ซีพักปัง ขัย หล็อฺฮ แอ ฮับ เดล ค็อฺง พระเยซู เจา เซอ ออฺน แหลว ดึง แอ พระเยซู หล็อฺฮ จี จิง เค็อง ดัวะ หลึง อะหลวง กางเคน.21โตน กะนา หนาว เผิห์ กูย อึนถรุฮ หมูย กะหมึฮ ซีโมน กูย หมืง ไซรีน เกิด อาหนุ ค็อฺง อเล็กซานเดอ หนะ รูฟัซ. ซีโมน เจา รู โซะ กราว จิง หมูดจี หลึง หมืง. โม ทะฮาน ก็ บังคับ ซีโมน ออฺน ดอล อะหลวง กางเคน แถน พระเยซู.22หนาว ดึง พระเยซู จี ปา บวน หมูย กะหมึฮ “กลโกทา” (แปล ปาย “บวน อึงฮาง ปลอฺ”).23หนาว แอ บล็อฺง องุน เหญาะ กะซม หลึง ฉาร อะตัง ออฺน พระเยซู หววจ แต พระเยซู ปุ ญอฺม หงวจ.24โมหนาว แอ พระเยซู เค็อง ดัวะ หลึง อะหลวง กางเคน แหลว แอ ฮับ อึนฉิจ พระเยซู จูจ ซะลัก อึนแจห์ อึนดัว.25เหวเหลีย ขัย มเหนียง หลิจ โถห์ อะหลวง.26หนาว แอ มนาย คีน ดัวะ ปาย “ซะดัจ ค็อฺง เฉียด ยิว” เจา เต็อด ดัวะ กู ปอฺง ปลอฺ พระเยซู.27หนาว แอ จอน อเบีย หนะ เค็อง ดัวะ หลึง พระเยซู นา ซางคาง นาแปห์ หมูย นาตำ หมูย.28หนาว แอ จอน อเบีย หนะ เค็อง ดัวะ หลึง พระเยซู นา ซางคาง นาแปห์ หมูย นาตำ หมูย.29โวยโซะ เทาะ พาน จีเจา ก็ อีล พระเยซู หวาว ดูทูก ปาย “อีล หมัย เทาะ จิง หลือ แซ็ม+แซง แหลว หวัว ซ็อฺฮ กไม หลึง อไป ตไง!30ฉูย จะเอง ออฺน แซงเจา รู กางเคน หวัย วะ!”31โม คูบา หนะ โม อาจาน ซอฺน กด ค็อฺง โมเซ ก็ หวาว กะจัง พระเยซู ปาย “หนาว ฉูย กูย กะน็อฺฮ บืน เหนีย จะเอง แต ฉูย ปุ บืน?32ออฺน พระคริซ+ ซะดัจ ค็อฺง เฉียด อิซราเอล แซงเจา รู กางเคน หวัย. คัน เผิห์ ไฮ จิง ฉือ หนาว!” แหลว จอน เทาะ ไกร เค็อง กู หนะ พระเยซู ก็ หวาว อึมเผรอะ เซอ นะอึนดัว น็อฺง.33ตอฺห์ เผน ถู หมืง กเวห์ กู จน ตอฺห์ มเหนียง หลีง.34เหวเหลีย ขัย เอง พระเยซู เตรห์ เซง ยัง คลัง ปาย “เอโลอี เอโลอี ลามาซะบักทานี” แปล ปาย “พระเจ้า ค็อฺง ไฮ พระเจ้า ค็อฺงไฮ เหนีย แต ตัฮ บ็อฺฮ ไฮ?”35กูย หนืจ เทาะ กเย็อง แหม กู บวน ขัย หวาว ปาย “ขัย หนาว กเหฺยีย เอลียา.”36เกิด กูย หมูย เผียว อึมปรอญ จี แอ อะหลวง กอ็ฮ เจา ฉุบ บล็อฺง องุน เหญาะ ๆ อึงกีบ เซอ อะหลวง อึมลาว เซอ กะนอฮ ออฺน พระเยซู อึนหฺยับ หงวจ แหลวก็ หวาว ปาย “จำ แหม เอลียา จิง เจา ฉูย แอ หนาว แซง เถ.”37แหลว พระเยซู เตรห์ เซง ยังคลัง เถิน หมูย ดวง แหลว เซ็อด ตเง็อฮ แหล็ฮ.38มีปลัฮ ขัย อึนฉิจ หวัง หลึง แซ็ม เถ็อด อึนดี ตังรู นา ปอฺง จน ตอฺห์ นา กเดิบ.39เกิด เหนียย ทะฮาน เทาะ กเย็อง กู นา มแหนห์ อะหลวง กางเคน เผิห์ พระเยซู แหล็ฮ นะขัย ก็ หวาว ปาย “ กูย แหน เกิด กอฺน หมูย ค็อฺง พระเจ้ หมัดเหม็ย!”40เกิด โม กูย กไป หนืจ เทาะ หนาว แหม กู รู อึงฮาย เกิด มารีอา กูย โซะ มักดาลา มารีอา เหมห์ ค็อฺง ยากอบ แกด หนะ โยเซฟ หนะ ซะโลเม.41โม กูย กไป แหน บืน โตน พระเยซู เจา รู ปา เทิน กาลิลี เขย ฉูย พระเยซู เกิด กูย กไป กะน็อฺฮ เถิน ดาล หนะ เทาะ โตน พระเยซู ซ็อฺฮ จี หมืง เยรูซาเล็ม กู บวน ขัย น็อฺง.42กะบือ แหลว โยเซฟ กูย โซะ อาริมาเทีย จี ตอฺห์ บวน ขัย. โยเซฟ กูย แหน เกิด กูย เทาะ โม กะฉุมผีกะนา หลึง อึนดัว นับทือ ดาล. โยเซฟ เกิด กูย เทาะ จำ พระเจ้า เจา เกิด ซะดัจ ขุม. ตไง เทาะ พระเยซู แหล็ฮ ขัย เกิด ตไง หมีน หวีห์ จา โหรม ขือ หญูง ตไงฉาว+ หมูยตไง. ซาแหน โยเซฟ ฮาน หมูดจี บวย พูวา ปีลาต เถียร จะ ค็อฺง พระเยซู.43กะบือ แหลว โยเซฟ กูย โซะ อาริมาเทีย จี ตอฺห์ บวน ขัย. โยเซฟ กูย แหน เกิด กูย เทาะ โม กะฉุมผีกะนา หลึง อึนดัว นับทือ ดาล. โยเซฟ เกิด กูย เทาะ จำ พระเจ้า เจา เกิด ซะดัจ ขุม. ตไง เทาะ พระเยซู แหล็ฮ ขัย เกิด ตไง หมีน หวีห์ จา โหรม ขือ หญูง ตไงฉาว+ หมูยตไง. ซาแหน โยเซฟ ฮาน หมูดจี บวย พูวา ปีลาต เถียร จะ ค็อฺง พระเยซู.44ลาต หงึด กะฮอฺม เทาะ ดิง ปาย พระเยซู แหล็ฮ แหลว. ปีลาต กเหฺยีย เหนียย ทะฮาน เจา หม็อฺฮ แหม.45ดิง แหลว ปีลาต ก็ ญอฺม ออฺน โยเซฟ แอ จะ จี บืน.46โยเซฟ จี โตล อึนฉิจเทด บัวะ ต็อฺฮ แอ จะ พระเยซู แซง รู กางเคน แอ อึนฉิจ ขัย เจา โตม แหลว แอจี ตบ ดัวะ หลึง ปรง เทาะ เจาะ หมูดจี หลึง บรู. แหลว ๆ ก็ กะมีล กเมา กอน ผืด จี อึนถัล ปรง ดัวะ.47มารีอา กูย โซะ มักดาลา หนะ มารีอา เหมห์ ค็อฺง โยเซฟ ก็ เจา จำ แหม น็อฺง ปาย หนาว ตบ จะ ค็อฺง พระเยซู ดัวะ บวน เหนีย.
Empower Asia Bible Translation Movement