फिलिप्पी2
1ताहरोअ, जर ख्रिस्तामेहें थोड़ुक होक, मेरेवाईं हिम्मत, आत्माआं संगती, थोड़ीक माया आन दया होय,2ताहां तुमू एक मोन्ये रोवा, आन एक्कुज मेर, एक्कुज जिव आन एक्कुज दिहान मिका, आन एहें कोइत तुमू माआं ए खुसी पुरी कोआ.3आन विरोध नेत फालतु वोडायीइ काजे किज मा कोअहा, पोन नम्रता वाअहीं एकमेकाहा सोताप रोत जाअखे हाजे समजा.4हारेक जोओं सोताआ एतीज कालजी नाहां, पोन बिहीराआ हाजाआ काजे बी कालजी कोआ.5जेहलुहू ख्रिस्ताआ सोभाव ओतू, तेहलुहू तुमाआं बी सोभाव रोअहूं जोवे;6जो देवोअ रुप ओत बी देवोअ होस रोअलोअलाभ होये एहेलोह ने समज्यू.7पोन सोताहा एतुहू हानू बोणावी देदू,आन तो मोनवीइ ओवतार लेत कोइत,नौकरोअ होस बोणीत गोयू.8आन तो माहुंउं रुपोम बोणीत कोइत सोताहा नम्र बोण्यू, आन एतोहो जाआं आदेश पालन कोअयो के,मोत, होव, क्रुस खांबोपोर्योअ मोत बी वेठीत लेदो.9तियाहाज काजे देवे बी तियाहा आखाम रोत बी वोडु बोणायू,आन तियाहा एहलोहो नाव आप्यो, जों आक्खा नावोम रोत बी वोडो होय.10याअ काजे के जें होरगाम, धरतीपोअआन धरतीइ निसे होय,तें आक्खे ईसुउ नावोम टोसणे टेकवुंहूं जोवे;11आन देव बाह्हाअ महिमाआं काजेहे हारेक जिब मानित लेअहूं जोवे के,ईसु ख्रिस्त ओज प्रभु होय.12तियाहाज कोत ए माआं मेराला, जेहेंकोइत तुमू सादाज गोठी मानते आयेहे, तेहेंज कोइत ओंमे बी माअरी रोहा ताहां एतोज नाहां, पोन खास कोइत मारोत सेटे रोत कोइत बी, बिते आन कापते जात जिवज्योअ तारणोअ काम पुरो कोअते जावा;13काहाके देवुज होय जो तियाआ राजीखुसी वाअहीं तुमाआं मोनोमेहें इश्शा आन काम, बेनू गोठी कोइलाअ जोर आपेहे.14आखे कामें बिगर टुटण्येज आन विण दाती कोअयेज कोआ.15याअ काजेहे के तुमू निर्दुस आन भोले ओत कोइत वाकड़ा आन रोवा कोअनारा माअहुंउं विसमेहें देवोअ निर्दुस पोर्ये बोणीत रोवा, जियांआं विसमेहें तुमू जिवनोअ वसन लेत कोइत दुन्यामेहें पेटाअत्ला दिवाआ होस देखाअतेहे.16जिवनोअ वसनोहों वातड़ो तोइत रोवा, एहें कोअहा ताहां, माहूं ख्रिस्ताआ दिहोअ दिही वोडाय कोअहूं जागू जोड़े, आन माआं गुगदीइलो मेहेंनत वाया ने जाय.17जर माहूं तुमाआं विश्वास रुप गाराहा आन सेवाअरी माआं रक्त बी वोहाड़ुंहूं पोड़े तेबी आंय खुस होय, आन तुमाआं आखाअरी खुसी कोअहो;18तेहेंज कोइत तुमू बी खुस ओत जावा आन माअरी खुसी कोआ.19प्रभु ईसुमेहें आशा होय के आंय तिमथ्याहा तुमाआं जागे तुरतुज मोकलिहीं, याअकाजे के तुमाआं दशा उनाइत कोइत माहूं बी होक आवे.20काहाके सोका मोनोवाईं तुमाआं कालजी कोए एहेलोह कोडो माआं जागे कायनाहां.21काहाके आखे बी ईसु ख्रिस्ताआ काजे नाहां पोन जिवज्योअ काजे एतेज दिहान देतेहे.22पोन तियाहा तुमू फारकीत लेदुहू आन जांइत बी लेदुहू के जेहलुहू आब्हाअरी बेटुह्हू कोअहे, तेहेंज कोइत तिये बी माअरी हाजी बातमी पोताड़ीलोअ काजे मेहेंनत कोअयी.23आन जेहेंज माहूं मुंदू पोड़े के माआं कि ओवे, तेहेंज आंय तियाहा तुरतुज मोकली देहीं एहलिही आंय आशा कोअहो.24आन प्रभुमेहें माहूं भरिवसू होय के आंय सोताहा वेगुज आविहीं.25पोन जो माआं पाही आन हेंगाती, तुमाआं हाती सैनिक आन खबर पोताड़नारु, आन गरज पोड़े तेहेलाम माहूं मदत कोअनारु एपाप्रदित याहा तुमाआं जागे मोकलीइलोअ माहूं गोम्यो.26काहाके तियाआ मोन तुमा आखामेहें लागीत रोयोतो, तिहींवाईं तो सिंताम रोतुतो, काहाके तुमू तियाआ बिमारीइ खबर उनाअयेते.27खोरीज बिमार ते पोड़्युतो, एतुहू बिमारी ओतू के मोइत जातुमे, पोन देवे तियापोअ दया कोअयी, फक्त तियापोअ एतीज नाहां, पोन माहूं तारासोपोअ तारास ने पोड़ुहूं जोवे कोत मापोअ बी कोअयी.28तियाहा कोत आंय तियाहा मोकलीइलोअ जास्ती तावणी कोअयी, काहाके तुमू तियाहा मिलीत खुस ओत जाअहूं जोवे, आन माआं बी तारास ओल्कू जाअहूं जोवे.29तिहींवाईं तुमू तियाहा विश्वासी कोत प्रभुमेहें जास्ती खुसीवाईं मिलजा, एहला माहुंउं आदर कोअते रोजा.30काहाके ख्रिस्ताआ कामोंअ काजे तुमाआं कसर पोड़्यी, तिहींवाईं तों काम कोइलोअ काजे तिये सोताआ जिवोहो अड़सनीम टाकीत मोअतु मोअतुज वासाअयु.
The Word for the World International