फिलिप्पी1
1ख्रिस्त ईसुउ साकर्या पौलुस आन तिमथ्या, यांआं तरफ रोत, आखा देवोअ माअहोंअ नावसे, जें ख्रिस्त ईसुमेहें ओत कोइत फिलीप्पीमेहें रोतेहें, डाया सेवकहों आन मदत कोअनाराअरी मिलता सलाम; फिलिप्पी होयर2आपाअ देव आब्हा आन प्रभु ईसु ख्रिस्ताअहीं रोत तुमुहूं मेरवानी आन होक मिलतु रोअहूं जोवे.3जाहां जाहां आंय तुमाआं ओर कोअहो, ताहां ताहां आपाअ देवोअ धन्यवाद कोअहो;4आन जाहां बी आंय तुमा आखाआ कोअते प्रार्थना कोअहो, ताहां सादाज खुसीवाअहीं प्रार्थना कोअहो.5याअकाजे के तुमू पेल्ले दिहे रोत आज जाआं हाजी बातमी कोत आपीइलामेहें माआं मदत कोअयीही, तियाहा काजे आंय देवोअ धन्यवाद कोअहो.6माहूं यी गोठीइ भरिवसू होये के जिये देवे तुमाआं विसमेहें हाजा कामोओं सुरुवात कोअयिही, तोज ईसु ख्रिस्ताआ दिही आवे ताअहूं जाआं पुरो कोए.7खोरी गोठ होय एहलोहो माहूं लागेहे के आंय तुमा आखाआ काजेहे एहलुज विसार कोओ, काहाके तुमू माआं मोनोम आवित बोठेहे, आन ओंमे आंय जेलेम होय, तेबी हाजी बातमीइ काजेहे उत्तर, आन पुरावू आपिइलाम तुमू आखे माअरी मेरवानीमेहें हाती बोणित रोयेहे.8यामेहें देव माआं साक्शीदार होय के, आंय ईसु ख्रिस्ताआ होसर्यीइ मेर कोइत तुमा आखाआ काजे जास्ती इश्शा कोअहो.9आंय एज प्रार्थना कोअहो के तुमाआं मेर जाअखी जाअखी वोदुहूं जोवे आन खोरो ज्ञान आन खोरी ओकल फाश्यीइ बी वादती जाअहूं जोवे,10याअकाजे तुमू हाजाम हाजी गोठीहीं पसन कोअहूं जोवे, आन ख्रिस्ताआ वापिस आवीइलोअ दिही आवे ताअहूं जाआं खोरे आन निर्दुस बोणित रोअहूं जोवे.11आन ईसु ख्रिस्तावाअहीं जोड़ताहा तियां सतीपणोअ गुणोवाअहीं पोआते जावा, जिहीं वाअहीं देवोअ महिमा आन भक्ती ओवया कोअहूं जोवे.12माआं पाव्हीइला, माहूं जे वित्यीही, तिहीं वाअहीं हाजी बातमीइ काम वाद्योहो ओं तुमू जांइत लेअहूं जोवे एहेलोह माहूं लागेहे.13तेतोज नाहां पोन पुरा राजवाड़ाआ आखी सैनिकोअ तुकड़ीही आन बाकी आखा माहुंहूं ओं मुंदू होय के, आंय ख्रिस्ताआ वाखरी जेलेम होय;14आन प्रभुमेहें जे पाही होय, तियांमेहें रोत वारुज जोंअ आंय तोआलु काजे, पुरु भरिवसू मिकीत विणबियेज देवोअ वसन कोअलोअ हिम्मत कोअयिही.15थोड़ाक ताम खोद्राय आन भान्गड़्यी कोइली कोत ख्रिस्ताआ परसार कोअताहा, आन थोड़हा हाजी इश्शा वाअहीं कोअताहा.16ते हाजी बातमीइ काजे उत्तर आपिलोअ आवनारो होय, ओं जांइत कोइत मेरेवाईं परसार कोअताहा.17आन थोड़हा ताम हाजलायी वाईं नाहां, पोन विरोदो वाअहीं ख्रिस्ताआ काईं कोत आपताहा, ते माहूं जेलेमेहें जाअखु तारास उत्पन्न ओवुहूं जोवे या विसारोवाईं कोअताहा.18ताहां कि ओवो? बोणावटी गोठी वाअहीं नेत खोरा मोनो वाअहीं, पोन ख्रिस्ताआ काईं परसार ओवेहे ओंज, आन आंय यी गोठी वाअहीं खुस होय आन खुस बी रोहींज.19काहाके माहूं मुंदू होय के, तुमाआं प्रार्थना वाअहीं, आन ईसु ख्रिस्ताआ आत्मा वाअहीं माआं तारण ओवे.20आंय ताम ओज वादार आहरु कोअहो आन आशा मिकोहो के आंय कोड्ली गोठीम ने लाजवाओ, पोन माआं वातड़ी हिम्मतोअ वाईं पेल ओवेहे तेहें कोइत ओमे जिवतु रोहीं तेन मोइत जाहीं ते, ख्रिस्ताआ महिमा माआं शरीरोवाअहीं सादा ओवती रोय.21ताहां ओं जिवन कि होय? काहाके माआं काजे ताम जिवता रोअलो ख्रिस्त होय, आन मोइत जाअलो फायदू होय.22पोन जर डिलोमेहें जिवता रोअलोज माआं काजे फायदाआ होय, ताहां कोड्लो निवड़ो तोंज माहूं नाहां समजाअतो.23काहाके आंय बेनुउं विसमेहें ओदर टांगाअयुहू. जिवम ताम एहलोहो लागेहे के जिव सोड़ीत ख्रिस्ताअरी जातु रोंव, काहाके ओं ते जास्ती हाजो होय.24पोन आंय जिवतु रोहीं, ताहां ओं तुमाआं काजे हाजो होय.25यीज गोठी वाअहीं माहूं भरिवसू होय के आंय जिवतु रोहीं, आन तुमा आखाअरी रोहीं, जिहीं वाअहीं तुमू विश्वासोमेहें मजबुत ओवते जाहा आन तियामेहें खुस रोहा;26आन जे वोडाय तुमू माआं बाप्तिमेहें कोअतेहे, ते आंय फाशुउ आविहीं ताहां ख्रिस्त ईसुमेहें जाअखे वादते जाहा.27फक्त एतोज कोआ के तुमाआं उठिइलो बोहीइलो ख्रिस्ताआ हाजी बातमीइ लायक मिका, ताहां आंय तुमुहूं आवित देखो, नेत ने बी देखो, पोन तुमाआं बाप्तिमेहें माहूं ओंज उनाअहूं जोड़े के तुमू एक्कुज आत्माम रोत कोइत विश्वासोम टिकीत होय, आन एक मोन ओत कोइत हाजी बातमीइ काजे मेहेंनत कोअते रोतेहे.28आन कोड्लीज गोठीमेहें विरोध कोअनाराहां नाहां बिते. पोन कायम हिम्मत कोइत रोतेहे, ए तियांआं काजे नुकसानोअ पोन तुमाआं काजेहे तारणोअ हुद्दी निशाणी होय, आन ए देवोअ तरफ से होय.29काहाके ख्रिस्ताआ वाखरी तुमापोअ ए मेरवानी ओवीही के, निस्ते विश्वास एतेज मा मिकहा, पोन तियाआ वाखरी दुख बी वेठा;30आन जेहेंकोइत तुमू माहूं कोअत्लू देख्युहू, तेहेंज कोइत मेहेंनत कोआ, आन ओमें तुमू बी उनाअतेहे के आंय तेहेंज कोअहो.
The Word for the World International