2 Heleuhha3
1Pecai Solomon Moriah Deutu ga Jerusalem gage RAMPAUBE ki tei cuhdi, RAMPAUBE pe pei David de peu pecu ngaukegai ga. Pa David ne riempwa kebam heni de mteilu, Jebusme pei Ornan hecaipung gage.2Pa kei nabe kei langnane benai tei cuhdi, pa hegwang teikelu mmi mdaibe kum.3Cu pe bangdwabe petie pedi Tinggwang ki ziemne Solomon dwa kecu aidungde da. Ndaa cubit ndet kelade nzui eh petie cai cubit riakherok, nah pedi cai cubit ngkai. 4Ki dwaga kebam kigu de petie cubit ngkai, ki pedi de nzwakap. Pehu de cubit ngkai, nah Solomon pelungki de kecak kemci le kamlu.5Pa cypress tsing le kibung kedide zu teilu, cide pa kecak kemci le kemailu, nah pa cide gage palm bangdung nah hegeuria rehidung teigai.6Pa ki de tangtsu pemi kehungbe le tei hezuyi lu; kecak au Parvaim cuikui gade teugwang.7Pa hesumdung, kikamtsiadung, tangdeudung, nah kikamdung de kecak le kemai lu; pa tangdeudung gage cherubim mie teigailu. 8Pa heni mcitube de teilu. Cide petie ki di ge, cubit ngkai, nah pedi de cubit ngkai. Pa cide kecak kemci, talent hai herok mi ge le kemailu.9Gojaldung perüt kecak shekels riakngei . Pa kibung nreube dungde kecak le kemai lu.10Pa heni mcitube ziemne cherubim mie kena teilu; hebaciem keyime ci kenade kecak le kemai lu. 11Cherubim hesiudung pelane ncüt ge petie cubit ngkai; cherub ket hesiu cai petie cubit mengei , kibung tangdeu ga pet cang; pe hesiu kedade de cubit mengei, cherub kedabe hesiu tungcang.12Cherub kedabe hesiu de cai cubit mengei, kibung tangdeu ga pet cang; pe hesiu kedade de cubit mengei, cherub keraibe hesiu de tungcang ge.13Cherubim aipau kenade hesiudung pelane ge cubit ngkai nzang petlu. Cherubim penai pi ga saplu, penai zu kibung sum lambie nreulwe.14Pa kehezupai kemjai, gieremang, nah mamai kegie nah langcimpai keyibe le teilu, nah pa cide gage cherubim rehi teilu.15Solomon ki dwaga ziemne tsiapum kena gede teilu, kena nade pehu cubit camrei-mengei; cide kena peureu ga kebam peukang de pehu cubit mengei ge.16Pa tsiapum kenade ziemne hegeuriadung teilu nah cide hetsia kena peureu gage kailu; pa kuraletsi haige de teilu delwe hegeuriadung gage keu gailu.17Pa kerecaki dwa gage tsiapum kena sumlu, ket zetle bie nah kedabe hile bie; pa zetle kebam tsiapum de de Jakin lie qulu, nah hile kebam tsiapum de de Boaz lie qulu.
Bridge Connectivity Solutions Pvt. Ltd.