2 Heleuhha4
1Cipaureu de Hegwangpei Solomon hetageu gu recabam ge teilu; petie cai cubit ngkai, nah pedi cai cubit ngkai. Pe hu cai cubit kerei.2Pa hetageu duibau kenggwa ge de teilu, petu penggwa cubit kerei. Pehu cubit mengei, nah duibau twagwa kecu cubit camrei.3Duibau mungleu twagwa kebam de kangga hetumseu miedung bam, cubit kerei ge, duibau de tei kecudau duibau cide ncüt eh kedeu keluge.4Mabung kedi “Jaaidi” de eh qu kelude de ketumseu kereiehkena reu gage kailu, kecum tingtünle pie bam, nah kecum naimiak kenlütle pie bam, kecum tingbangle pie bam, nah kecum naimiak kepetle pie bam. “Jaaidi” de penui reu gage kai pwa bam, nah penui caile pelane de pelung lambie bam.5“Jaaidi” de au badeu siu ge, nah cide mungleu au hepiak mungleu nzwa teilu, teizuine pa kebam nzwa. “Jaaidi” de dui baths cangcum bam lula.6Pa mahui kerane duibung kerei de teilu; pa mengei tingbangle ge kailu, nah mengei tingtünle; keru reca tei kerane teu kecudung cidung gade huila. Duibung kedi “Jaaidi” de qu kelade cai cingkumedung penuide hui kemci ga teula.7Pa kecak mitaubungbam kerei, cidungde tei lulo kebeu rehi gade teilu; pa cidungde kerecaki gage kailu, zetle bie ge mengei, nah hile bie ge mengei.8Pa mabam kerei teilu delwe kerecaki gage cidungde kailu, zetle bie ge mengei, nah hile bie ge mengei. Pa kecak kwak haige teilu.9Pecaide pa cingkumedung kigu ge teilu, nah tutiakbam kedi ge nah tutiakbam ziemne kikamdung nah kikam cidungde hetageu le kemai lu.10Pa duibung “Jaaidi” de qu kelade tingbangle nreu eh kerecaki naimiak kepetle tu gage kailu.11Huram lidung, peitwakdung, nah hekwakdung teilu.
Iciu eh Huram hegeuta ketei mpaube Tinggwang ki ga Hegwangpei Solomon ziemne heta tei kecude tei canglu:12tsiapum kenade, makwak-kenzwa peukang tsiapum kenade peu ga kebamde, nah tsiapum kenade peu ga makwak-kenzwa peukang kena kebamde gum kerane hegeuria pwa kenzeu kenade.13Pa hegeuria pwa kenzeu kenade ziemne kuraletsi hai mdai teilu: kuraletsi ria na hegeuria ket ziemne makwak-kenzwa peukang kena de tsiapum peu ga kebamde gum kerane.14Pa kedungbam de nah duibungdung kedungbam gage kaikera de teilu;15duibau ge nah cide kangga ketumseu kereiehkena,16lidung, peitwakdung, hetei litia de, nah ma keda niadung pelane Huram-Abi Hegwangpei Solomon ziemne, RAMPAUBE ki ziemne hetageu kemci le teilu. 17Hegwangpei cidungde Jordan langkam gade teilu, Succoth penai Zarethan namceudung kakga lidei deu gade.18Cinzwa eh Solomon li aidung pelane kiee süt eh teilu; kesang, hetageu perüt daikieege bi cicang gailak di.19Solomon Tinggwang ki ga kebam mania pelane teilu, kecak recabam de de, nah Tinggwang de reca kebeu tangku kai kera kekaibamdung de;20mitaubung bamdung nah pe mitaubung, helungle kibung dwaga mtau kerane tei kelude—aidungde kecak kemcile teilu;21nah mapadung, mitaubungdung, nah kensieptiedung, kecak gu, kecak kemcibe.22Mitaubung tei kemmüttiedung, lidung, hepiaktiadung, nah kehengui kerunet dungde de si eh pelane kecak kemcile teilu. Kilung kenlüt ga cai, kilung heni mcitu ga kelüt kikamdung nah kerecaki kenlüt kikamdung decai, kecak le teikap lu.
Iciu eh Huram hegeuta ketei mpaube Tinggwang ki ga Hegwangpei Solomon ziemne heta tei kecude tei canglu:12tsiapum kenade, makwak-kenzwa peukang tsiapum kenade peu ga kebamde, nah tsiapum kenade peu ga makwak-kenzwa peukang kena kebamde gum kerane hegeuria pwa kenzeu kenade.13Pa hegeuria pwa kenzeu kenade ziemne kuraletsi hai mdai teilu: kuraletsi ria na hegeuria ket ziemne makwak-kenzwa peukang kena de tsiapum peu ga kebamde gum kerane.14Pa kedungbam de nah duibungdung kedungbam gage kaikera de teilu;15duibau ge nah cide kangga ketumseu kereiehkena,16lidung, peitwakdung, hetei litia de, nah ma keda niadung pelane Huram-Abi Hegwangpei Solomon ziemne, RAMPAUBE ki ziemne hetageu kemci le teilu. 17Hegwangpei cidungde Jordan langkam gade teilu, Succoth penai Zarethan namceudung kakga lidei deu gade.18Cinzwa eh Solomon li aidung pelane kiee süt eh teilu; kesang, hetageu perüt daikieege bi cicang gailak di.19Solomon Tinggwang ki ga kebam mania pelane teilu, kecak recabam de de, nah Tinggwang de reca kebeu tangku kai kera kekaibamdung de;20mitaubung bamdung nah pe mitaubung, helungle kibung dwaga mtau kerane tei kelude—aidungde kecak kemcile teilu;21nah mapadung, mitaubungdung, nah kensieptiedung, kecak gu, kecak kemcibe.22Mitaubung tei kemmüttiedung, lidung, hepiaktiadung, nah kehengui kerunet dungde de si eh pelane kecak kemcile teilu. Kilung kenlüt ga cai, kilung heni mcitu ga kelüt kikamdung nah kerecaki kenlüt kikamdung decai, kecak le teikap lu.
Bridge Connectivity Solutions Pvt. Ltd.