Jawb26
1Bildad kowi Jawb klangah mih,2“En kowh laiklow dow kür uowi dowi mih kowi tawngpaw khowngah dowi;en kowh laiklow dow tawngpaw pe kür dowi chekhai.3En kowh prengia lai dow tawngpaw chanlaima thawp ang dowi;en kowh laiklow kowi dow chanlaira hai tukra uowi dowi chekhai.4Chanlaira lai natek kown mih mia chow sang enni?Amia nawr hownia kowh laiklow chow enni tek?5“Kowng miuüa kowh lümla mih kram kowh lainowmma chür khai;amatni dow krawng dawng kowi kowh tui kowi chürla kluk khai.6Tawkche Thurai dow makowng pren mih tuk bowk chekhai;makowng pren dow Thurai hownia nowngia tapet dowi.7Aia dow akuangma mih aluk prakowi mukuang mih towah khai,now akuangma mih adak prakowi dow lusa mih aia tarah khai.8Aia dow tui mih uangnim lak kowi nungta hüah khai.Tawkche nami tui dik hown uangnim mih tathek dowi chekhai.9Aia dow la pre khe kowh lama kowi khuah reng;nami lama luk kowi dow aia dau pe uangnim reng chekhai.10Aia dow sata luk kowi pren sünghi mih thawpah khai,nami rihi dow aiiu hai anowi takra kowi aia thawpah khai.11Mukuang chüng ün dow chü nurlur khai,now aia nangah hanow naiawngün dow kram kowh chürla nuk khai.12Aia dow aia kowh kür hown sata tui talowng phunglung mih rimta khai,now aia kowh nowng changra hown Rahab kowi mih dungta naknak khai.13Aia kowh kawli hown mukuang dow achimma aia changah khai,now powt mih rua kowi dow aia rut hown aia saiah khai.14Naiawngün dow aia kowh lup lawnguan kowi ditchow taih tak;naiawngün dow aia kowh kür uang tüng ditchow mih taih tak.Thurai dow mün khowt chow kri kraing khai mih miapaw tuk dowi chekhai,” pakhai.
The Seed Company