Jawb27
1Now Jawb plan tek pe Bildad mih,2“Chet ang tara nowm dowi mih masing Thurai ming hown,lang kri lang kraing mih Thurai ming hown ang takham khowk.3Ang sing uowi sak uowi mowr,now Thurai pe ang mih kawli ang tut-e uowi mowr,4ang kowh nawr mih natek angak lai kown nadowi,now ang kowh dai paw nakuan kown mih laiklow natek kown nadowi.5Enni kowh laiklow dow na nowm pami katpaw ang natek kown nadowi;ang kowng dowi mowr dow ang kowh aprek uowi dowi pami ang natek reng kown.6Ang kowh angak uowi dowi pami dow ang natek reng kown;ang sing uowi mowr dow ang kowh aprek uowi dowi mih ang natuak reng kown.7“Ang kowh ransu-uüa dow maru ngakuüa iawng pacham ka ripra lah;kingküa ang miuüa dow chang lup ngak miuüa iawng pacham ka ripra lah.8Aia kowi ringkaw dowi miuüa kowi dow Thurai piakta reng chekhai;nakhowk khe amatni kowh dow tawng iawng mih sakowmra paw uowi dowi bowt chekhai.9Amatni luk kowi dow akrat pusara uang ting reng.Nakhowk khe amatni kowh kar klow mih Thurai sünta pe kown bow?10Nakhowk khe lang kri lang kraing mih hown amatni napiaw kown bow?Nakhowk khe atungma Thurai kowi haw büah tak bow?11“Thurai nowng changra lawnguan kowi ang natüngsang enni kown;lang kri lang kraing mih lawnguan kowi tawngpaw ang naitah kown nadowi.12Enni dow Thurai changah mih maten khi bowk khowk chekhai;naiawng e tawngplawng kowchow asung uowi dowi mih laiklow enni tek rengreng?13Maru ngakuüa kowi tawng chow Thurai nachangah kown mih ang natek enni kown,now amatni kowi tawng iawng chow Thurai naripah kown mih ang natek enni kown.14Nami dow amatni kowh chauüa akawmma chepaw tasenra kowi nakowng kown;now tawngbak mih dow chakkham khawr hown nakowng kown.15Nami kung kowi kowh ta sing mih ngeuüa dow makowng hawi hown nakowng kown;amatni vüi dow amatni kowh mamaimowuüa khowm nanguk nakar pe kown nadowi.16Maru ngakuüa dow dinchow iawng ahuma krüm tai chepaw,now klungchut iawng tahur prang krüm tawnguat büah chepaw17naiawngün tawnguat mih maru iunguüa chowtaih nata ka kown,now amatni kowh tai dow angak uowi dowi miuüa chowtaih nata taret kown.18Amatni kowh kim dow lingleng bai iawng anümchow naown kown,now amatni kowh kim dow laih kowi kowh kangchawngra kim iawng rawkachow naown kown.19Amatni dow müi kownkow mawk khe kurengma chepaw naia.Tawkche amatni awr thowr müi khe dow ngaraima naown büah kown.20Amatni tut-e dow tuikling mangma iawng kramra nauang ting kown,now amatni kowi dow uar-e khe liku nacham rownla kown.21Amatni kowi dow satlawt li mih nacham rownla ving kown,now amatni dow amatni kowh uowi rah kowi nauowi kown nadowi bowt.22Amatni kowi dow sanaah dowi matchang li nauang hutah kown;nakhowk khe amatni dow nami li kür hownia napowt kown mih nakrat kown.23Nakhowk khe amatni kowi dow khareah se maru naphek pe rut kown,amatni kowi dow hiu sürlür se maru nakhareah kown,” pakhai.
The Seed Company