Uown Thawp39
1Akung kowi dow Ismael kun chang miuüa mih Aigupta pren kowi Josef kowi kowpawla khai. Now amatni dow aia kowi Pawtifar tut-e kowsumah khai. Pawtifar dow Faraw kowh chintak mih chekhai. Aia dow Faraw kangchawng miuüa kowh aluchow chekhai.2CHAKRAMANG dow Josef tut-e tawi uowi reng chekhai. Naiawng rakowi Josef changah mih lup srui dow aiungma uang phaw khai. Aia kowi dow Aigupta maru Pawtifar kim kowi towah khai.3Pawtifar dow Josef changah mih srui aiungma uang phaw mih hawt khi pe khai. Now aia dow Josef tut-e CHAKRAMANG tawi uowi reng pami tuk khai bowt.4Naiawng hai Pawtifar dow Josef kowi aiungma mih maru padow tuk khai. Josef kowi dow aiamat kowh chintak mih kowi towah khai. Aia dow aia kowh kim üa hai dawngthawnguan naming nakhet kown mih kurdik Josef kowi peah khai.5Naiawngün kurdik Josef kowi Pawtifar ap pe kung kowi CHAKRAMANG dow Josef rakowi Pawtifar kowh uowi mih uanh srui luk kowi peah prasi khai. CHAKRAMANG dow Pawtifar kowh üa hai laih kowi kowh ru mih srui kowi paw peah prasi khai.6Naiawng phaw mih khi hanow Pawtifar dow aia kowh uowi mih maten naming nakhet kown mih kurdik Josef kowi pe pe khai. Aia dow hawm chak kan chak klen kowi tawng iawng mih lup paw tawi tuak dowi bowt chekhai.
Josef dow kow ru hai apowm klangiungma chekhai.7Now akung kowi dow Pawtifar kowh masi mih Josef kowi naukhita khai. Akat khe Pawtifar kowh masi tek pe Josef mih, “Ang hown uang tawi taiua mawk diah,” pakhai.8Nachenganchepaw Josef dow nau pe dowi. Josef tek pe mih, “Mü diah, mami kim kowi ang uang uowi rakowi ang kowh kim iah mih tawngpaw tawi tuak dowi bowt. Aia kowh uowi mih maten naming nakhet kownkow ang luk kowi peta ang kurdik khai bowt.9Mami kim kowi naming nakhet kown mih maru dow ang luk kowi miapaw uowi dowi bowt. Now en dow aia kowh masi chekhai, aia dow en klen kowi akeng mih maru-uüa kowi dow ang dak kowi towah khai. Naiawng rakowi en luk kowi naiawng mih suiiai kaniaima mih lup ngak ang ia chang dowi tham. Naiawng che ang chang hanow Thurai kowi ang kingküa mih chekhai,” pakhai.10Nachenganchepaw Pawtifar kowh masi dow nami laiklow ni towng tek pe khai. Naiawng tek pe rengreng chepaw Josef dow tawi mawk pe dowi. Nami klen kowi aia hown atawnchow kowtawi taiua uowi kown mih khowm nau pe dowi chekhai.11Now akat khe dow aia kowh lup nakrawi chang kownkow kim lak kowi Josef kowkup khai. Nami khin khe kim lak kowi Pawtifar kowh masi klen kowi miapaw uowi dowi chekhai.12Nakhowk khe Pawtifar kowh masi mih Josef kowh khupdip tawngklai kowi dowk pe now küngah khai. Now Josef kowi tek pe mih, “Ang hown uang tawi taiua mawk diah,” pakhai. Nachenganchepaw Josef dow aia kowh khupdip tawngklai thuala now prang kowi lawtta pe khai.13Naiawng hai Josef dow thuala khupdip tawngklai now Pawtifar kowh masi hownia prang kowi lawt khai.14Nakhowk khe Pawtifar kowh masi mih kim kowi kowh uowi mih aia kowh naruüa kowi hawah khai. Now aia tek pe mih, “Mü madiah, Hebrai maru kowh kowrmow! Nape a-i rukrai kownkow aia kowi ang hua uang pawla mih chekhai. Aia dow napiak ang siri kownkow ang kim lak kowi uang kup chowdiah, nakhe atünma ang awr hek pe khai.15Aia dow ang hek klow kowi kram kowh thuala khupdip tawngklai now prang kowi lawt khai,” pakhai.16Now Pawtifar kowh masi mih ahua uang mang dowi mowr nami khupdip tawngklai aia tut-e towah khai.17Now akung kowi ahua uang mang mih khin khe naiawngün lawnguan mih ahua kowi aia hawt lawp pe khai. Aia tek pe mih, “En uang pawla mih Hebrai maru napiak ang siri kownkow ang kim lak kowi uang kup chowdiah.18Nakhowk khe atünma ang hek pe khai, now ang hek klow kowi kram kowh aia dow thuala khupdip tawngklai now prang kowi lawt khai,” pape khai.19Pawtifar dow amasi hawt tek pe mih laiklow tata hanow Josef luk kowi lainowmma kunmarau khai.20Naiawng rakowi Pawtifar mih Josef kowi Faraw ransu-uüa kowh thawngrum kowi phangah khai. Now Josef dow nakowi tawi uowi khai bowt.21Nachenganchepaw CHAKRAMANG dow Josef tut-e tawi uowi reng chekhai. Aia dow Josef kowi aia kowh achur uowi dowi mih sakraura tüng pe khai. Naiawng rakowi thawngrum chawng mih aluchow kowi Josef kowi naukhi-ah iawng CHAKRAMANG changah khai.22Now thawngrum chawng mih aluchow dow thawngrum lak kowi kowh uowi mih maru-uüa kowi naming nakhet kown mih kurdik Josef kowi peah khai. Now thawngrum kowi uowi miuüa dow Josef tek iawng chang khai bowt.23Naiawng rakowi thawngrum chawng mih aluchow dow Josef kowi peta kurdik khowk mih luk kowi mingkhet tawi takla dowi bowt. Tawngplawng kowchow panow CHAKRAMANG dow Josef tut-e tawi uowi reng chekhai. Naiawng rakowi Josef changah mih lup maten dow CHAKRAMANG pe phawah reng chekhai.
Josef dow kow ru hai apowm klangiungma chekhai.7Now akung kowi dow Pawtifar kowh masi mih Josef kowi naukhita khai. Akat khe Pawtifar kowh masi tek pe Josef mih, “Ang hown uang tawi taiua mawk diah,” pakhai.8Nachenganchepaw Josef dow nau pe dowi. Josef tek pe mih, “Mü diah, mami kim kowi ang uang uowi rakowi ang kowh kim iah mih tawngpaw tawi tuak dowi bowt. Aia kowh uowi mih maten naming nakhet kownkow ang luk kowi peta ang kurdik khai bowt.9Mami kim kowi naming nakhet kown mih maru dow ang luk kowi miapaw uowi dowi bowt. Now en dow aia kowh masi chekhai, aia dow en klen kowi akeng mih maru-uüa kowi dow ang dak kowi towah khai. Naiawng rakowi en luk kowi naiawng mih suiiai kaniaima mih lup ngak ang ia chang dowi tham. Naiawng che ang chang hanow Thurai kowi ang kingküa mih chekhai,” pakhai.10Nachenganchepaw Pawtifar kowh masi dow nami laiklow ni towng tek pe khai. Naiawng tek pe rengreng chepaw Josef dow tawi mawk pe dowi. Nami klen kowi aia hown atawnchow kowtawi taiua uowi kown mih khowm nau pe dowi chekhai.11Now akat khe dow aia kowh lup nakrawi chang kownkow kim lak kowi Josef kowkup khai. Nami khin khe kim lak kowi Pawtifar kowh masi klen kowi miapaw uowi dowi chekhai.12Nakhowk khe Pawtifar kowh masi mih Josef kowh khupdip tawngklai kowi dowk pe now küngah khai. Now Josef kowi tek pe mih, “Ang hown uang tawi taiua mawk diah,” pakhai. Nachenganchepaw Josef dow aia kowh khupdip tawngklai thuala now prang kowi lawtta pe khai.13Naiawng hai Josef dow thuala khupdip tawngklai now Pawtifar kowh masi hownia prang kowi lawt khai.14Nakhowk khe Pawtifar kowh masi mih kim kowi kowh uowi mih aia kowh naruüa kowi hawah khai. Now aia tek pe mih, “Mü madiah, Hebrai maru kowh kowrmow! Nape a-i rukrai kownkow aia kowi ang hua uang pawla mih chekhai. Aia dow napiak ang siri kownkow ang kim lak kowi uang kup chowdiah, nakhe atünma ang awr hek pe khai.15Aia dow ang hek klow kowi kram kowh thuala khupdip tawngklai now prang kowi lawt khai,” pakhai.16Now Pawtifar kowh masi mih ahua uang mang dowi mowr nami khupdip tawngklai aia tut-e towah khai.17Now akung kowi ahua uang mang mih khin khe naiawngün lawnguan mih ahua kowi aia hawt lawp pe khai. Aia tek pe mih, “En uang pawla mih Hebrai maru napiak ang siri kownkow ang kim lak kowi uang kup chowdiah.18Nakhowk khe atünma ang hek pe khai, now ang hek klow kowi kram kowh aia dow thuala khupdip tawngklai now prang kowi lawt khai,” pape khai.19Pawtifar dow amasi hawt tek pe mih laiklow tata hanow Josef luk kowi lainowmma kunmarau khai.20Naiawng rakowi Pawtifar mih Josef kowi Faraw ransu-uüa kowh thawngrum kowi phangah khai. Now Josef dow nakowi tawi uowi khai bowt.21Nachenganchepaw CHAKRAMANG dow Josef tut-e tawi uowi reng chekhai. Aia dow Josef kowi aia kowh achur uowi dowi mih sakraura tüng pe khai. Naiawng rakowi thawngrum chawng mih aluchow kowi Josef kowi naukhi-ah iawng CHAKRAMANG changah khai.22Now thawngrum chawng mih aluchow dow thawngrum lak kowi kowh uowi mih maru-uüa kowi naming nakhet kown mih kurdik Josef kowi peah khai. Now thawngrum kowi uowi miuüa dow Josef tek iawng chang khai bowt.23Naiawng rakowi thawngrum chawng mih aluchow dow Josef kowi peta kurdik khowk mih luk kowi mingkhet tawi takla dowi bowt. Tawngplawng kowchow panow CHAKRAMANG dow Josef tut-e tawi uowi reng chekhai. Naiawng rakowi Josef changah mih lup maten dow CHAKRAMANG pe phawah reng chekhai.
The Seed Company