2 Krungchakuüa4
1Mang Sawlawmawn dow kri hown thawp phuchuara lowk khai. Nami phuchuara dow areng klang 20 muk, adowng phia 20 muk hai aluk kro 20 muk chekhai.2Nami kung kowi dow natowla tui kownkow kri hown tuipam aiukma Sawlawmawn thawp lowk khai. Nami tuipam dow mami uer hownia atengma paimi uer mowr khaiah hanow hamüt muk chekhai. Abüp dow tanga muk, now aiuk dow 30 muk chekhai.3Nami tuipam uat pra dow auer dakchow kowi tapat lut kri hown kowh thawpah mih uih rup uowi pre tan chekhai. Naiawngün uih rup dow pamuk e taruk klüng ngia chi thawpah khai. Naiawngün uih rup dow klaiah khe hownia aiawng uowi mih chekhai.4Now nami tuipam dow kri hown kowh thawpah mih chiala laipre pum mih luk kowi chowmah khai. Naiawngün chiala dow tawngphak pra dang sum pum, satkup pra dang sum pum, mrawkphak pra dang sum pum, now satlawt pra dang sum pum chekhai.5Nami tuipam tat dow tali met chekhai. Nami tuipam mowr dow bia chah mowr iawng chekhai, now lili pau powm iawng uat prakowi awr talown khai. Nami tuipam kowi tui takowi mih dow 1,800 mawn ngia chekhai.6Aia dow thawp biatum hamüt klüng khai. Nami biatum dow Thurai chup kim mrawkphak prakowi tanga klüng, now tawngphak prakowi tanga klüng aia towah khai. Nami biatum dow tikah mih uanap sau müa chekhai. Tawkche uamowuüa saula rut khawk mih dow tuipam tui hown chekhai.7Mang Sawlawmawn mih kuh hown thawp maibu towng hamüt klüng khai. Nami maibu towng dow Thurai chup kim kowi kowh towklak lang iuk mih kowi mrawkphak prakowi tanga klüng, now tawngphak prakowi tanga klüng aia towah khai.8Nami klen kowi aia dow thawp pawitang hamüt klüng khai. Nami pawitang dow Thurai chup kim kowi kowh towklak lang iuk mih mrawkphak prakowi tanga klüng, now tawngphak prakowi tanga klüng aia towah khai. Now bia paw kuh hown aia thawp 100 klüng khai.9Aia dow uamowuüa vüi thawp viadawng pre buk khai. Nami viadawng dow aiukma lowk, now asowmchow lowk aia thawpah khai. Nami viadawng vüi aia thawp pe aplawt hanow kri hown aia sowah khai.10Now Thurai chup kim mrawkphak pra hai satlawt pra kowh nui kowi dow tuipam aiukma mih aia towah khai.11Nami klen kowi Sawlawmawn kowh uanh thawp sara Hiram mih maivia towk rah puh ün, uaibak ün hai bia ün thawpla khai. Naiawng hai Hiram mih mang Sawlawmawn vüi Thurai chup kim kowi kowh lup maten uownah mih dow churta khai bowt.12Mang Sawlawmawn thawpah mih uanh dow kri hown kowh kimchüng pre buk, kimchüng luk kowi kowh chowmah mih alumpuma mih alu pre buk, alu pre buk mih kowi kowh umah mih kri leng pre rüa,13naiawngün kri leng kowi natanah pre tan kown mih dalim uih 400 klüng,14tawkpla, tawkpla luk kowi kowh chowmah kown mih biatum,15tuipam aiukma mih, tuipam aiukma mih chowm müa kri hown kowh chiala laipre buk,16plawi kuak müa puh, plawi vür müa uaibak hai tawncher vi towng müa biatum ün chekhai.
Thurai chup kim vüi kowi kowh kri hown Hiram thawpah mih uanh maten dow tawk pluplup chekhai. Naiawngün uanh maten dow mang Sawlawmawn ana pek iawng Hiram thawpah mih kangowh chekhai.17Naiawngün uanh maten dow Jawrdan lawngrawi re-e kowh Sukawt hai Jerethan marow takra kowi bawnnai kowi klai pe kri kowh mang Sawlawmawn pe thawpah mih kangowh chekhai.18Naiawngün uanh dow hu lai bowt kowh mang Sawlawmawn khaiah dowi bowt chekhai. Naiawng rakowi naiawngün kri uanh dow mün khowt chow adik uowi mih tukah dowi chekhai.19Thurai chup kim vüi kowi kowh mang Sawlawmawn thawpah mih uanh dow kuh hown kowh phuchuara, chimsaima mih kawm towk rah hai kuh hown kowh pawitang,20kuh achangma mih hown kowh thawpah mih maibu towngh ün chekhai. Naiawngün maibu towngh dow lang chimsai mih arah pur kowi aia towah khai.21Nami klen kowi kuh hown kowh thawpah mih pau, bia hai kep,22kuh achangma mih hown kowh thawpah mih bia chah, bawthi kep müa kaingkep, nam iungma mih maikhük towk müa biatum, uaibak hai mairing towk müa puh, Lang Chimsai Mih Towklak hai Thurai chup kim kowi kowh towklak lang iuk mih kimplawt klia müa kuh hown kowh akli ün paw aia thawpla khai.
Thurai chup kim vüi kowi kowh kri hown Hiram thawpah mih uanh maten dow tawk pluplup chekhai. Naiawngün uanh maten dow mang Sawlawmawn ana pek iawng Hiram thawpah mih kangowh chekhai.17Naiawngün uanh maten dow Jawrdan lawngrawi re-e kowh Sukawt hai Jerethan marow takra kowi bawnnai kowi klai pe kri kowh mang Sawlawmawn pe thawpah mih kangowh chekhai.18Naiawngün uanh dow hu lai bowt kowh mang Sawlawmawn khaiah dowi bowt chekhai. Naiawng rakowi naiawngün kri uanh dow mün khowt chow adik uowi mih tukah dowi chekhai.19Thurai chup kim vüi kowi kowh mang Sawlawmawn thawpah mih uanh dow kuh hown kowh phuchuara, chimsaima mih kawm towk rah hai kuh hown kowh pawitang,20kuh achangma mih hown kowh thawpah mih maibu towngh ün chekhai. Naiawngün maibu towngh dow lang chimsai mih arah pur kowi aia towah khai.21Nami klen kowi kuh hown kowh thawpah mih pau, bia hai kep,22kuh achangma mih hown kowh thawpah mih bia chah, bawthi kep müa kaingkep, nam iungma mih maikhük towk müa biatum, uaibak hai mairing towk müa puh, Lang Chimsai Mih Towklak hai Thurai chup kim kowi kowh towklak lang iuk mih kimplawt klia müa kuh hown kowh akli ün paw aia thawpla khai.
The Seed Company