2 Krungchakuüa3
1Akung kowi mang Sawlawmawn dow Jerusalem marow kowi kowh Moria hungh kowi CHAKRAMANG kim thawp tarowng khai bowt. A-pa David kowi CHAKRAMANG tüng pe mukmang mih dow nami Moria hungh kowi kowh Arauna te re-e chekhai. Arauna dow Jebus chenchap chekhai. David dow nami arah mih CHAKRAMANG kim chang müa vüi khowmah bowkah khai.2Mang Sawlawmawn uown tarowng CHAKRAMANG kim chang mih dow aia chowm mang mih tali ning nga kowi kowh pre la kowi kowh lacher pre ni khe chekhai.3Aia dow Thurai kim thawp müa auown khe kowh nowkta iawng areng klang 60 muk hai adowng phia 20 muk thawpah khai.4Now CHAKRAMANG kim pur kowi kowh kimpuk dow kim downg phia mowr 20 muk, now aluk kro 120 muk aia thawpah khai. Now alak kowi dow achangma mih kuh hown aia sowah khai.5Now towklak lang iuk mih kowi dow karpowng singh phen hown aia phaiah khai. Nami kung kowi dow nami kimbang kowi mih achangma mih kuh hown aia krawi sowah khai. Now nami kimbang kowi dow chekmarawng singh rup hai kri leng rup aia her pe khai.6Nami klen kowi nami kim dow asung khakma mih hua hown aia tawngah khai. Aia tawngah mih kuh dow Parvaim pren hownia kowh chekhai.7Kimbang kowi dow Cherup rup aia krawi her pe khai, now kim mawm, kimplawt mawm, kimbang hai kimbüng kowi dow kuh hown aia krawi sowah khai.8Nami kung kowi mang Sawlawmawn dow Lang Chimsai mih Arah thawp khai. Nami kim dow kim downg phia uowi mowr adowng phia 20 muk hai areng klang 20 muk aia thawpah khai. Now alak pra kowh kimbang kowi dow achangma mih kuh 585 mawn hown aia sowah khai.9Kuh hown kowh khir dik dow 650 gram chekhai. Now aluk krowng kowi kowh towklak bang kowi paw kuh hown aia krawi sowah khai.10Now nami Lang Chimsai mih Arah kowi dow aia thawp pe Cherup rup pre buk khai, now nami dow kuh hown aia sowah khai.11Naiawngün Cherup rup kowh dow alap uowi pre buk chi chekhai, now nami lap klang dow tanga muk chi chekhai. Cherup rup lowk mih kowh alap papra dow mapra kowh kimbang kowi takak khai, now alowk mih kowh alap paw papra mih dow alowk mih pra kowh kimbang kowi takak khai. Now akeng pra kowh lap dow lowkkowlowk alap chem takak khai. Nami Cherup rup kowh dow alap pre buk trui iangta hüah khe aklang 20 muk chekhai. Nami pre buk mih Cherup rup dow hing iowng hüah chekhai, now amatchi kowh lumowr dang mih dow towklak lang iuk mih prakowi chekhai.14Now mang Sawlawmawn dow aruama mih la, mintau pau rawng la, aringma mih la hai adipükchow mih la hown uaniang mih kawngah khai. Now nami uaniang kowi dow sawt pe Cherup rup khai.15CHAKRAMANG kim pur kowi dow aia thawpla pe kimchüng pre buk khai. Naiawngün kimchüng dow aklang 35 muk chi, now alu iuk dow tanga muk chi chekhai.16Now aia dow thawp pe lawngha leng hanow nami pre buk mih kimchüng lu kowi patah khai, now dalim uih iawng thawp pe 100 klüng hanow nami lawngha leng kowi krawi tanah khai.17Nami pre buk mih kimchüng dow CHAKRAMANG kim pur kowi mrawkphak prakowi lowk, now tawngphak prakowi lowk aia phükah khai. Mrawkphak prakowi kowh phükah mih kimchüng kowi dow Jachin pahai aia chap pe ming khai. (Jachin pami dow “Achowk miia” pami chekhai). Now tawngphak prakowi kowh chowkah mih kimchüng kowi dow Boaz pahai aia chap pe ming khai. (Boaz pami dow “Aia tut-e kür uowi” pami chekhai).
The Seed Company