Тун.кал15
1[Ушан-влакымат шыде пытара.]Тыматле вашмут сырымашым кораҥда,а торжа шомак шыде тулым ылыжта.2Мунло еҥын йылмыже сай шинчымашым пуа,а ушдымын умшаж гыч орадылык тӱргалт лектеш.3Господьын шинчаже чыла вере:тудо осал-влакымат, поро-влакымат ужеш.4Лыпландарыше шомак илышым конда,а осал чоя мут шӱм-чоным темда.5Ушдымо йоча ачажын туныктымыжым кӱлдымыш луктеш,а кӧ шылталымым колыштеш, тудо ушан.[Чыным ыштымаш шукемеш гын, тиде – кугу вий,а осал еҥ-влак мландымбач пытарыме лийыт.]6Чын ыштышын пӧртыштыжӧ поянлык шуко,а осал еҥын парышыже ойгым конда.7Мунло еҥын йылмыже шинчымашым шара,а ушдымо-влак тыге огыт ыште.8Осал еҥын надырже – Господьлан йырнык,а чын ыштышын кумалмыже Тудлан келша.9Осал еҥын корныжо – Господьлан йырнык,а чын ышташ тыршышым Тудо йӧрата.10Чын корно гыч кораҥше еҥ чот наказатлыме лиеш,кӧ шылталымым чытен ок керт – пыта.11Вес тӱня ден колымашат Господьлан шылтыме огытыл гын,айдеме шӱм нергенже мом ойлаш!12Намысдыме еҥ шылталымым ок йӧрате,мунло-влак деке тудо ок кай.13Куаныше шӱм чурийым веселаҥда,а ойгырышо – чоным темда.14Ушан айдеме кычалеш шинчымашым,а ушдымо-влакым окмаклык пукша.15Нужна еҥын чыла кечыже неле,а куаныше шӱмын эре пайрем.16Кугу поянлык дене тургыжланен илымешке,лучо шагал поган лияш да Господь деч лӱдын илаш.17Ӧрдыктарыме ӱшкыж шылым ужмышудымаш дене кочмешке,лучо пакчасаскам йӧратымаш дене кочкаш.18Вашке шыдешкыше еҥ луктеш келшыдымашым,а чытышан еҥ ӱчашымашлан мучашым пышта.19Йолагайын корныштыжо иман вондер кушкын,а чын ыштышын корныжо тӧр.20Ушан эрге ачажым куандара,а ушдымо шке аважым ок шотло.21Ушдымылык – окмак еҥын куанже,а ушан айдеме тура корно дене кая.22Шонен пыштыме паша каҥаш деч посна ок воране,а каҥашым пуышо шуко гын, шукталтеш.23Кӱлеш годым вашмутым муаш – тиде куан,да могай сай шке жапыштыже каласыме шомак!24Ушан еҥ илыш корно дене кӱшкӧ кӱза,ӱлнӧ улшо вес тӱня деч тудо утаралт кодеш.25Шкем кӱшкӧ шындыше-влакын пӧртыштым Господь шалата,но тулык ватын межажым Тудо арален кода.26Осал шонымаш Господьлан йырнык,а поро мут Тудлан келша.27Опкын еҥ шке суртышкыжо ойгым конда,а кӧ взятке дек ужмышудымо – илаш тӱҥалеш.28Чын ыштыше айдеме вашмутым шонен пуа,а осал еҥын умшаж гыч осаллык тӱргалт лектеш.[Чын ыштыше-влакын корнышт Господьлан келша,нунын гоч тушман-влакат лийыт йолташ.]29Осал еҥ-шамыч деч Господь умбалне,а чын ыштыше-влакын кумалмыштым Тудо колеш.30Волгыдо шинчаончалтыш шӱмым куандара,сай увер капкыллан вийым пуа.31Кӧ ушан-шотан шылталымым колыштеш,мунло еҥ-влак коклаште шинчаш тӱҥалеш.32Кӧ туныктымым шотыш ок нал – шке илышыжым ок акле,а кӧ шылталымым колыштеш – уш-акылым пога.33Господь деч лӱдмаш мунло лияш туныкта,а чап деч ончыч ӱҥышылык толеш.
Institute for Bible Translation, Finland