Ам4
1Колыштса тиде шомакым,Самарий курыкышто улшо Васан ушкал-влак,те, йорлым шыгыремдылше, незерым темдыше,шке марийланда тыге ойлышо-влак:«Мыланна йошкар аракам йӱаш кондо!»2Господь Юмо шке святой улмыж дене товатлен каласен:«Жап шуэш, кунам тендам сагыле дене,а кодшо-влакым эҥыр дене наҥгаят.3Тендан кокла гыч кажныже пырдыж рож гоч вик лектеш,да те Хармоныш наҥгайыме лийыда, –ойла Господь. –4Кайыза Вефильыш да сулыкым ыштыза,кайыза Галгалыш да осал пашадам шукемдыза!Кажне эрдене надырым,кум кечылан ик гана луымшо ужашым кондыза!5Тауштымо надыр шотеш шушо руаш гыч кӱэштмым йӱлалтыза,шке кумылын кондымо надырда нерген чот кычкырыза,вет чыла тидым те, израиль эрге-влак, ышташ йӧратеда, –ойла Господь Юмо. –6Садлан Мый тендан чыла олашкыда шужымашым,чыла илыме верышкыда кинде ситыдымашым колтенам.Но те Мый декем пӧртылын огыдал, –ойла Господь Юмо. –7Кунам тӱредме жап марте кум тылзе кодын, Мый йӱрым пуэн омыл. Тудым ик олашке йоктаренам, а вес олашке колтен омыл. Ик пасу ӱмбалне йӱр йӱрын, а весе тудын деч посна кошкен.8Вӱдым йӱашлан еҥ-влак ик ола гыч весыш коштыныт, но йӱын темын огытыл. Но тунамат те Мый декем пӧртылын огыдал, – ойла Господь Юмо.9Мый шуко гана тендан лектышдамкогартыше мардеж да шемуржа дене пытаренам.Сад ден виноград аҥадам,смоква ден олив пушеҥгыдам шукш кочкын,но те Мый декем пӧртылын огыдал, –ойла Господь Юмо. –10Мый тендан ӱмбакеЕгипетыште лийше шучко черым колтенам,самырык пӧръеҥда-влакым керде дене пуштынам,имньыдам тушман-шамыч наҥгаеныт.Стан гычда лекше йыгыжге ӱпш денеМый неррождам теменам,но те Мый декем пӧртылын огыдал, – ойла Господь. –11Ала-кунам Содом ден Гоморрам пытарыме семынМый тендан кокла гыч южыжым пытаренам.Те тул гыч руалтен лукмо тулвуй гай лийында,но Мый декем садак пӧртылын огыдал, – ойла Господь. –12Сандене тый денет тыге ыштем, Израиль!Тугеже, тидым тый денет ыштем гын,шке Юметым вашлияш ямдылалт, Израиль!»13Теве Тудо, Кӧ курыклам шочыкта, мардежым ышта,мом ышташ шонымыжым айдемылан увертара,эр волгыдым пычкемышыш савыра,курык вуй-влак деч кӱшнӧ коштеш!Тудын лӱмжӧ – Господь Юмо Саваоф!
Institute for Bible Translation, Finland