Numbers9
1इस्राएलियन के मिस्र छोड़े के एक साल बाद, दूसरा साल के पहला महीना में, जखनी ऊ सीनै के जंगल में हलन, यहोवा मूसा से कहलन,2"इस्राएलियन से कहऽ, कि ऊ नियत समय पर फसह के परव फिर से मनईहऽ। 3उनका ई काम एही महीना के चौदहवाँ दिन के साँझ के समय करे के चाही, आउर जौन आज्ञा हम तोरा पहिले से देवल हे ऊ सभे के पालन करे चाही।4येहिसे मूसा इस्राएलियन के बतईलन कि यहोवा फसह मनावे के बारे में का कहलन हल।5आउर इस्राएली लोग ऊहाँ सीनै के जंगल में महीना के चौदहवाँ दिन के साँझ के ई फसह के परव मनईलन, जइसन यहोवा मूसा के आज्ञा देलन हल।6बाकि कुछ इस्राएली लोगवन एगो लाश के छूए से अशुद्ध हल, आउर ई चलते ऊ फसह मनावे के लायक नऽ रहलन। येहिसे ऊ सब हारून आउर मूसा से पूछलन,7“ई सच हे कि हम एगो लाश के छूली हे आउर अशुद्ध ही। बाकि ई हमरा फसह के परव मनावे आउर हर कोई के तरह यहोवा के भेंट इस्राएलियन के साथे चढ़ावे से काहे रोके के चाही?”8मूसा उत्तर देलन, “जखनी तक हम पवित्र तम्बु में जा के नऽ जान लियई कि यहोवा एकर बारे में का कहऽ हथिन, तब तक इहाँ रहऽ।”9तऽ मूसा तम्बु में जा के यहोवा से कहलन कि उनकर लोगवन से का कहे के चाही, आउर यहोवा ई कहलन:10“इस्राएली लोगवन से कह: 'यदि तोरा में से कोई चाहे तोर वंशज कोई लाश के छुअ हे आउर अशुद्ध हे, या जदि तूँ फसह मनावे के समय लंबा यात्रा पर घरे से दूर हऽ, फिर भी एकरा यहोवा ला मनावे के अनुमति देवल जायत।11बाकि तोरा ठीक एक महीना वाद, ऊ महीना के चौदहवाँ दिन के साँझ के जल्दी मनावे के चाही। फसह के परव में मेम्ना के मांस बिना खमीर के रोटी के साथे खा, आउर कड़वा जड़ी-बूटी खा।12अगला भोरे तक ओकरा में से कुच्छो भी न छोड़िहऽ। आउर मेम्ना के कोई हड्डी नऽ तोड़ीहऽ। फसह मनावे के सभे विधि के पालन करिहऽ। 13बाकि जौन कोई शुद्ध हे, आउर यात्रा पर नऽ हे, बाकि फसह के नऽ माने, ऊ आदमी अपन लोग में से नाश कईल जाय, काहेकि ऊ ऊ बलिदान जेकरा लागी यहोवा चाहऽ हथन, साल के नियत समय पर नऽ चढ़ईतन। तऽ ऊ आदमी के अपन पाप ढोवे के होत।14जौन परदेशी तोर बिच में रहऽ हे, उनका भी फसह के परव यहोवा लागी मनावे के चाही, आउर ओकर वारे में देशी आउर परदेशी दुन्नो के हमर सभे आज्ञावन के पालन करे के चाही।”15जौन दिन पवित्र तम्बु के खड़ा करल गेल, ऊ दिन निवास मतलब वाचा के तम्बू के बादल छा लेलक। सांझ के बादल निवास पर छा गेल। भोरे तक अईसहीं महसूस होल समझऽ आग लग गेल हे।16ई एही तरह चलते रहल। बादल तम्बू के झाँक लेलक आउर रात में आग के तरह देखाई देलक।17जखनी बादल उठल आउर एगो नया जगह दने जाय लगल, तऽ इस्राएलियन उनकर अनुशरण कईलन। जखनी बादल रुक जा हल, तऽ इस्राएलियन ऊहें रुक जा हलन, आउर अपन तम्बू खड़ा करऽ हलन।18इस्राएलियन तखनी चलऽ हलन जखनी यहोवा ओखनी के चले लागी कहऽ हलन आउर जखनी यहोवा ओखनी के रुके ला कहऽ हलन तखनी ऊ बादल के हिलला या रुकला पर रुक जा हलन। जखनी बादल पवित्र तम्बू के उपरे ठहरऽ हल, तखनी इस्राएलियन ओही जगह पर ठहर जा हलन।19कहियो-कहियो बादल पवित्र तम्बू के उपरे बड़ी दिन तक रुकल रहऽ हल, येहिसे जखनी अईसन होवऽ हल, तऽ इस्राएलियन चलऽ नऽ हलन आउर यहोवा के आज्ञा मानऽ हलन।20कहियो-कहियो बादल खाली कुछ दिन लागी पवित्र तम्बू के उपरे रहऽ हल। यहोवा के आज्ञा के मुताबिक लोगवन रुकऽ हलन आउर अपन तम्बू के खड़ा करऽ हलन, आउर जखनी यहोवा उनका अईसन करे के आज्ञा देलन तऽ ऊ एगो नया जगह पर चल गेलन।21कहियो-कहियो बादल खाली एक दिन लागी एक ही जगह पर रुकल रहऽ हल। आउर दूसरा दिन भोर के जखनी आकाश में बादल छाल हल, तऽ लोगवन चले लगऽ हलन। जखनी भी बादल घूमऽ हल, दिन के दौरान या रात के दौरान, लोग चले लगऽ हलन।22जदि बादल पवित्र तम्बू पर दो दिन, या एक महीना, या एक साल तक छावल रहऽ हल, तऽ ऊ घड़ी लोगवन जहाँ हलन ऊहे रुक जा हलन। बाकि बादल आकाश में चढ़ गेल, तऽ ऊ चले लगलन।23जखनी यहोवा ओखनी के रुके आउर अपन तम्बू खड़ा करे के आज्ञा देलन, तऽ ओखनी ओईसहीं कईलन। जखनी ऊ उनका से हटेला कहलन तऽ ऊ हट गेलन। ओखनी ओही कईलन जौन यहोवा मूसा से कहलन हल कि उनका करे के चाही।
Bridge Connectivity Solutions Pvt. Ltd.