Numbers5
1यहोवा मूसा से कहलन,2"इस्राएल के लोग से ई कहऽ: 'तोरा अपन झुण्ड से दूर चल जाय के चाही जहां तोर तम्बू हे, अईसन कोई भी आदमी चाहे औरत के, जेकरा कोढ़ी रोग हे आउर जेकर शरीर से कुछ पानी निकलऽ हे, आउर जौन कोई भी लाश के छुए के चलते परमेश्वर के कबूल नऽ होवऽ हे। 3तऽ ओकर झुण्ड के इलाका से दूर भेज दिहऽ ताकि लोग के नऽ अशुद्ध, जेज्जा हम तोर बीच में रह हियई आउर ऊ हमरा लागी कबूल नऽ हे।4त यहोवा, मूसा के इस्राएली लोग के यहोवा के आज्ञा के पालन करे के आज्ञा देलन।5यहोवा मूसा से कहलन,6इस्राएली लोग से ई कहऽ: 'जदि कोई दूसरा आदमी के खिलाफ पाप करऽ हे, तऽ हम समझऽ हियई कि ऊ आदमी यहोवा से विश्वासघात अईलक हे, ऊ आदमी दोषी हे,7लोग के सामने आदमी के ई कबूल करे के चाही कि ऊ दोसी हे, आउर ऊ आदमी के ओकरा भुगतान करे पड़तई जेकरा साथे ऊ गलत कईलन हल, जेकरा दोसरा लोग ओकरा लागी सही जुर्माना मानऽ हथन, आउर 20 प्रतिसत भुगतान करे पड़त ।8जौन आदमी के खिलाफ गलत काम करल गेल हे, जदि ओकर मौत हो जा हे आउर ओकर कोई भी कुटुम नऽ हे जेकरा बदला देवल जा सकऽ हे, तऽ ऊ धन यहोवा के हे, आउर एकरा याजक के देवल जाय के चाही। एकर अलावे, जौन गलत कईलन हे ओकरा याजक के बलि देवे लागी एगो मेढ़ा देवे के चाही जेकरा से ऊ आदमी के पछतावा करल जा सके।9इस्राएल के लोग हमरा जे भी पवित्र चढ़ावा चढ़ा के याजक भीर लावऽ हे, ऊ सभे याजक के होतई।10याजक ऊ सभे तोहफा के रख सकऽ हथन।11यहोवा ई बतिया मूसा से कहलन:12इस्राएली लोग के ई बतावऽ: 'मानऽ लऽ कि कोई एगो आदमी के मेहरारू बुरी चाल चल के विश्वासघात करे।13मान लऽ कि ऊ सोचऽ हे, कि ऊ कोई दूसरा आदमी के साथे रहल हे, बाकि ऊ ई नऽ जानऽ हे कि ई शुद्ध हे कि अशुद्ध, काहेकि ऊ ओकरा कहियो अईसन करते नऽ देखलक हे। ऊ ई काम में पकड़ल नऽ गेल हल, आउर ई बात हे कि ऊ अपन आदमी से अपन वादा तोड़लक हे, ई साबित नऽ हो सकल काहेकि कोई भी ओकरा अईसन काम करते नऽ देखलक हल।14बाकि जदि ऊ औरत के मरदाना के मन में जलन हे, कि ऊ व्यभिचार कईलक हे, आउर ऊ जाने ला चाहऽ हे कि ई सच हे कि नऽ, आउर येहिसे एगो जाँचेला हे कि का ऊ अशुद्ध हे।15ई जाँचे लागी कि का ऊ व्यभिचार कईलक हे, ओकरा अपन मेहरारू के अपन याजक भीर ले जाय के चाही। ओकरा दू लीटर जौ के अन्नबलि के भेंट के रूप में साथे ले जाय के चाही। याजक के ओकरा पर जैतून के तेल या लोबान नऽ डाले के चाही, काहेकि ई एगो अईसन चढ़ावा हे जेकरा आदमी लोग लइलन हे काहेकि ऊ इर्ष्या करऽ हथिन। ई पता लगावे लागी एगो पहल हे कि ऊ दोषी हे या नऽ।16तब याजक ऊ औरत यहोवा के मौजूदगी में वेदी के सामने खड़ा होवे लागी कहे के चाही।17याजक के मट्टी के वर्तन में कुछ पवित्र पानी के डाले के चाही। आउर फिन ओकरा पवित्र तम्बू के जमीन से पानी में कुछ मट्टी डाले के चाही।18याजक ऊ औरत के बाल यहोवा के सामने खड़ा कर के खोले के चाही। फिन उनका ओकर हंथवा में अन्नबलि चढ़ावे के होतई जौन ओकर जरंत मरदाना ई तय करे लागी पहल कर रहलन हे कि ऊ व्यभिचार कईलन हे कि नऽ। याजक के ऊ कटोरा पकड़े के चाही जेकरा में कड़वा पानी होवऽ हे जौन औरत के गलत होवे पर शापित होवे के कारण बनऽ हे।19याजक औरत के शपथ खिला के ओकरा से कहलन, जदि कोई आउर दूसरे आदमी तोरा अशुद्ध नऽ कईलन हे, आउर तूँ भटक के अशुद्ध काम नऽ कईलऽ होइ, तो तूँ ई कड़वा जल से जो श्राप ला सकता हे, छुड़ाए।20बाकि जदि तूँ कोई अशुद्ध आदमी के साथे रहलऽ हे, तऽ यहोवा श्राप देतन।21तब याजक ऊ औरत के अईसन किरिया खिलावे, जेकरा से ऊ श्रापित होवे, आउर फिर ऊ, ऊ औरत से कहित रहे, कि यहोवा तोरा अईसन श्राप देतन, जौन तोर पर प्रजा पर प्रकट होत। अईसन ई तब होत जब यहोवा तोर जांघ के नाश देतन आउर तोर पेट के फुला देतन।22ई पानी जौन श्राप लाव हे तोर पेट में जायत, आउर तोर पेट फुलइतक, आउर तोर जांघ सड़ जायत। औरत जबाब देत, हां जदि हम दोषी ही, तऽ अईसने होवे।23तऽ याजक के एगो किताब में स्याही से ई सभे श्राप के लिखे के चाही आउर फिन स्याही के कड़वा पानी में धोवे के चाही।24याजक के ऊ औरत के ऊ कड़वा पानी पिलावे के चाही जौन श्राप लाव हे। ऊ पानी जौन श्राप लाव हे, ओकरा में प्रवेश कर के कड़वा हो जायत।25याजक के औरत के हाथ से इर्ष्या के अन्नबलि लेवे के चाही। उनका अन्नबलि के यहोवा के आगे बढ़ावे के चाही आउर वेदी पर लावे के चाही।26याजक के एकर यादगार हिस्सा के बलिदान के रूप में जलावे। फिन औरत के कड़वा पानी पिये के चाही।27जदि औरत खाली अपन मरदाना के साथे वफादारी से रहे के बदले विश्वासघात कईलन हे, आउर अशुद्ध हो गेलन हे, तऽ पानी से ओकरा ढेर दिक्कत होत। ओकर पेट फुल जायत आउर ओकर गर्भ सिकुड़ जायत, आउर ऊ लईका के जनम देवे में योग्य नऽ होतन। आउर फिन ओकर हित कुटूम ओकरा श्राप देतन।28बाकी जदि ऊ शुद्ध हे, तऽ ओकर सरीर के कुच्छो नऽ होत, आउर ऊ अभी भी लइका के जनम देवे के लायक होतन तऽ ऊ अशुद्ध हे।29ई ऊ इर्ष्या काम हे जौन तखनी करे के चाही जखनी सादिसुदा औरत पाप कर के अशुद्ध होलन हे, ई ओकरा ला व्यवस्था हे।30जब एक आदमी जलन करऽ हे आउर सक करऽ हे कि ओकर औरत कोई दूसरा आदमी के साथे रहल हे। याजक के ऊ औरत से यहोवा के मौजूदगी में वेदी पर खड़ा होवे आउर ई सभे व्यवस्था के माने लागी कहे के चाही।31हियाँ तक कि जदि औरत ऊ कुछ नऽ कईलन हे जेकरा पर पती के सक हल, तौपर भी ओकरा अपन मेहरारू के याजक भीर लाके कुछ गलत करे लागी दण्डित नऽ करल जायत। बाकी ओकर मेहरारू दोषी हे, तऽ ऊ नतीजा के रूप में दुःख झेले परत।
Bridge Connectivity Solutions Pvt. Ltd.