Numbers34
1यहोवा मूसा से कहलन,2इस्राएली लोग के घराना के आज्ञा दऽ आउर ओखनी से कहिहऽ, कि जहिया तूँ कनान देश में ढूँकवऽ, तऽ जे जमीन मतलब कि कनान देश आउर ओकर सीमा तोर हो जईतो।3तोर दक्खिनवारी सीमा सीन के जंगलवा से एदोम के सीमा से सटल हे। दक्खिनवारी सीमा के पुरवारी छोर एक छोर पर होत, जे खारा सागर के दक्खिनबारी छोर पर खतम होवऽ हे।4तोर सिवाना अक्रब्बीम के पहाड़ से दक्खिन दने मुड़त आउर सीन के जंगल से होके जईतई। उहाँ से, ई कादेशबर्ने शहर के दक्खिन में चलतई हसरद्दार शहर आउर आगे अस्मोन तक।5उहाँ से सीमा अस्मोन से मिस्र के नाला दने मुड़त आउर समुद्र तक ओकर पीछे हो लेतई। 6पश्चिम सीमा महासागर के किनारे होत। ई तोर पच्छिमी सिवाना होत।7तोर उत्तरवारी सिवाना एगो छोर दने बढ़त, जेकरा से तोरा बड़का समुद्र से होर पहाड़ तक,8तब होर पहाड़ से लेबो हमात तक, फिन सदाद तक चिन्हित करे पड़त।9तऽ ऊ सीमा जीप्रोन तक बढ़ते रहत, आउर हसरेनान पर खतम होत। ई तोर उत्तरी सिवाना होत।10तब तोर अपन पूरवारी सिवाना हसरेनान से दक्खिन में शपाम तक बांधे के चाही।11तब पूरवारी सिवाना शपाम से रिबला तक जायत, जौन ऐन के पूरब दने हे। किन्नेरेत सागर के पूरब दने बढ़ते जायत।12तब सिवाना यरदन नदी के साथे दक्खिन में खारा समुद्र के पूर्वी सिवाना तक चलते रहत। ई तोर देश होत जौन चारो दने से एकर सीमा के पीछे रहत।13तब मूसा इस्राएल लोग के ई आज्ञा देलन, कि ई ऊ देश हे जेकरा यहोवा चिट्ठी डाल के लेवे के आज्ञा देलन हे, जेकरा यहोवा नौ गो गोत्र आउर आधा गोत्र के देवे के आज्ञा देलन हे।14रुबेन के वंश के गोत्र के गोत्र के सभे लोग जौन अपन पुरखा के गोत्र के सम्पति ठहरावल गेल हल, आउर गाद के वंश के गोत्र के सभे लोग आउर मनश्शे के आधा गोत्र के सभे लोग के अपन जमीन मिलल हे।15आउर दुन्नो गोत्रवन यरदन नदी के पार यरीहो शहर के पार पूरब दने सूरज उगे दने अपन हिस्सा लेलन हे।16यहोवा मूसा से कहलन,17जौन आदमी तोर इस्राएल के लोगवन अपन हिस्सा लागी देश के बाँटतन उनकर नाम ई हे: याजक एलीआजर आउर नून के बेटा यहोशू।18तोरा सभे परिवार के झुण्ड में से एगो अगुवा चुने के चाही, जौन अपन कुल के जमीन के बंटवारा करतन।19ऊ लोग के नाम ई हे: यहूदा के गोत्र के प्रधान से यपुन्ने के बेटा कालेब।20शिमोन के वंश के गोत्र में से अम्मीहूद के बेटा शमूएल।21बिन्यामीन के गोत्र में से किसलोन के बेटा एलीदाद।22दान के वंश के गोत्र में से एगो अगुवा योग्ली के बेटा बुक्की,23यूसुफ के वंश में से मनश्शे के गोत्र में से एगो प्रधान आउर एपोद के बेटा हन्नीएल।24एप्रैम के वंश के गोत्र में से एगो अगुवा, जौन शिप्तान के बेटा कमूएल हल।25जबूलून के वंश के गोत्र में से एगो अगुवा पर्नाक के बेटा एलीसापान।26इस्साकार के वंश के गोत्र में से एगो अगुवा अज्जान के बेटा पलतीएल।27आशेर के वंश के गोत्र में से एगो अगुवा शलोमी के बेटा अहीहूद।28नप्ताली के वंश के गोत्र में से अम्मीहूद के बेटा पदहेल एगो अगुवा हल।29यहोवा एखनी सभे लोग के आज्ञा देलन, कि कनान देश के बाँट लेतन आउर इस्राएल के हरेक गोत्रवन के प्रधान के उनकर हिस्सा दे देतन।
Bridge Connectivity Solutions Pvt. Ltd.