Numbers32
1रुबेन आउर गाद के वंसजवन भीर ढेर जानवर हल। जखनी ओखनी याजेर आउर गिलाद के इलाका के देखलन, तऽ ऊ जगह जनावर लागी निमन जगह हल।2तब गाद आउर रुबेन के वंसज आके मूसा, याजक एलीआजर आउर झुंड के मुखिया से बात कईलन। ओखनी कहलन,3"ई ऊ जगह के सूची हे जेकरा हम जांच-पड़ताल कईली हे: अतरोत, दीबोन, याजेर, निम्रा, हेशबोन, एलाले, सबाम, नबो, आउर बोन नगरवन के नामित शहर देश हे।4ई सभे ऊ देश हे जेकरा पर यहोवा इस्राएली लोग के सामने चढ़ाई कईलन, आउर ऊ सभे जानवर लागी ठीक जगह हल। हमनी, तोर सेवक भीर ढेर मनी जनावर हे।5ओखनी कहलन, जदि हमरा पर तोर अनुग्रह होवे, तऽ ई देश तोर दास के साथे, हमर अधिकार में देवल जाय। हमरा यरदन पार करे लागी बेबस मत करऽ।6तब मूसा गाद आउर रुबेन के वंसज से कहलन, का तोहनी के सभे इस्राएली भाई के लड़ाई करे ला जाय के चाही, जबकि तूँ ईहाँ बस गेलऽ हे?7जदि तूँ अईसन करव, तऽ तूँ अन्य इस्राएलियन के निराश करव, जेकर नतीजा ऊ यरदन नदी के पार कर के ऊ देश में नऽ जायम जौन यहोवा ओखनी के देलन हे।8तोर बाप-दादा भी अईसहीं कईलन हल जखनी हम उनका कादेशबर्ने देश के जाँच-पड़ताल करे लागी भेजली हल।9ऊ एशकोल के घाटी तक गेलन। ओखनी ऊ देश के देखलन, आउर तब इस्राएली लोग के मन के अईसन निराश कईलन कि ओखनी ऊ देश में ढूँके से इनकार कर देलन जौन यहोवा ओखनी के देलन हल। 10ओही दिन से यहोवा के गोस्सा भड़क उठल। ऊ किरिया खईलन आउर कहलन,11पक्का जौन आदमी मिस्र में बीस वरिस आउर ओकरा से जादे उमर के हलन, ओखनी में से जौन आदमी मिस्र से निकललन हल, ऊ देश के जेकर बारे में हम अब्राहम, इसहाक आउर याकूब से किरिया खा के कहली हल, ओकरा नऽ देख पईतन, काहेकि ओखनी हमर पीछा बढ़ियाँ से नऽ कईलन, एकर बदले12यपुन्ने कनजी के बेटा कालेब, आउर नून के बेटा यहोशू। खाली कालेब आउर यहोशू पूरा तरह से यहोवा के पीछा कईलन हे।13अईसे कर के यहोवा के गोस्सा इस्राएल पर भड़क गेल। यहोवा ओखनी के चालीस बरिस तक जंगल में ईहाँ-ऊहाँ भटकते रहे देलन, जहिया तक सउँसे पीढ़ी जे उनकर नजर में बुराई कईलन हल, नाश नऽ हो गेलन।14देखऽ, तूँ अपन पुरखावन के जगह में अईसन पापी आदमी के समान उठ खड़ा होलऽ हे, कि इस्राएल के परति यहोवा के भड़के वाला गोस्सा भड़क गेल।15जदि तूँ यहोवा के पीछे चले ला छोड़ देवऽ, तऽ यहोवा इस्राएल के फिन से जंगल में छोड़ देतन, आउर तूँ ई सभे लोग के नाश कर देबऽ।16येहिसे रुबेन आउर गाद गोत्र के आदमियन मूसा भीर अईलन आउर कहलन, "हमर अपन जानवर के झुंड लागी बाड़ा आउर अपन घराना लागी नगर बनावे दऽ।17बाकि हम खुदे इस्राएल के सेना के साथे जाय लागी तइयार आउर हथियार के साथे रहतन, जब ला कि हम उनका उनकर जगह पर नऽ ले जा ही। बाकि हमर परिवार गढ़ वाला नगर में रहतन काहेकि दूसरा लोग अखनियो ई जमीन में रहऽ हथिन।18हमनी तहिया तक अपन घर में नऽ लौटम जहिया तक सभे लोग इस्राएल में अपन जमीन के हिस्सा नऽ ले लेतन।19हम यरदन के ऊ पट्टी ऊ देश के अधिकारी नऽ होयम, काहेकि हमर अपन हिस्सा यरदन के पूरब दने हे।20मूसा उनका से कहलन, जदि तूँ अपन कहे के मोताबिक चलबऽ, आउर लड़ाय करे ला यहोवा के सामने हथियार बान्धवऽ।21तऽ तोर सभे हथियारबंद लोग यरदन पार होके यहोवा के सामने से पार हो जईतन, जहिया तक कि ऊ तोर दुश्मन के तोर सामने से निकाल नऽ देतन।22आउर देश उनकर सामने दबा देवल गेल हे। फिन ओकर बाद तूँ लौट सकऽ। तूँ यहोवा आउर इस्राएल के परति बेकसूर ठहरवऽ। ई देश पर यहोवा के सामने तोर अधिकार होत।23बाकि तूँ अईसन नऽ करबऽ तऽ देखऽ, तूँ यहोवा के खिलाफ पाप कईलऽ हे। बेफिकीर रहऽ कि तोर पाप तोरा खोज के निकाल लेतन।24अपन घराना लागी नगर आउर अपन भेड़-बकरियन लागी भेड़शाला बनावऽ;25गाद आउर रुबेन के गोत्रवन के मालिक मूसा उत्तर देलन, जे कुछ तूँ हमरा से कहल हे हम ओही करम, काहेकि तूँ हमर मालिक हऽ।26हमर बाल-बच्चा, हमर मेहरारू, भेड़-बकरी आउर हमर सभे जानवर उहाँ गिलाद के नगर में रहत।27तईयो, हम, तोर दास जौन लड़ाई लागी हथियारवंद हे, ऊ सभे आदमी जौन हमर के ई मालिक के ई वाणी हे, लड़ाई करे लागी यहोवा के सामने पार करम।28तब मूसा एलीआजर याजक, नून के बेटा यहोशू, आउर इस्राएली लोग के गोत्र के कुल के प्रधान के आज्ञा देलन।29मूसा उनका से कहलन, जदि गाद आउर रुबेन के वंश के लोग तोर साथे यरदन नदी पार जईतन, आउर जेतना आदमी यहोवा के सामने लड़ाई करे लागी हे, आउर ऊ देश तोर सामने दब जायत, तऽ तूँ उनका गिलाद देश के सामने अधिकार में कर दिहऽ।30बाकि जदि ऊ ओखनी सभे हथियारबंद होके तोरा साथे यरदन नदी के पार नऽ जईतन, तऽ कनान देश में तोर बीच में अपन सम्पत्ति के पा लेतन।31गाद आउर रुबेन के वंसज जबाब दे के कहलन, "जइसन यहोवा हमरा से कहलन हे, तोर सेवक, हम ओही करम।32हम हथियारबंद होके यहोवा के सामने से कनान देश में ढूँकम, बाकि हमर अपन हिस्सा यरदन नदी के ई तरप हमरा भीर रहत।33तब मूसा गाद आउर रुबेन के वंश के, आउर यूसुफ के बेटा मनश्शे के आधा गोत्र के भी, मूसा एमोरियन के राजा सीहोन, आउर बाशान के राजा ओग के राज देलन। ऊ उनका जमीन देलन, आउर उनकर सभे नगर के उनकर सिवाना के साथे ओकर चारो दने के नगर में बाँट देलन।34तब गाद कि वंसज दीबोन, अतारोत, अरोएर के फिन बनईलन,35अत्रौत, शोपान, याजेर, योगबहा,36बेतनिम्रा, आउर बेत-हारन नगर के मजबूत कईलन, आउर ओकरा में भेड़-बकरियन के झुण्ड लागी भेड़शाला बनईलन हे।37रुबेन के वंसज हेशबोन, एलाले, किर्यातैम,38फिन नबो, आउर बालमोन, बाद में ओकर नाम बदल देवल गेल, आउर सिबमा। ओखनी सभे नगर के दूसरा नाम देलन जेकरा ओखनी फिन से बनईलन हल।39मनश्शे के बेटा माकीर के वंसज गिलाद के इलाका गेलन आउर ओकरा में से एमोरी लोग के निकास देलन।40तब मूसा गिलाद के मनश्शे के बेटा माकीर के दे देलन, आउर ओकर प्रजा ऊँहे बस गेलन।41मनश्शे के बेटा याईर जा के ऊ नगर के अपन काबू में कर लेलन आउर ओकर नाम हव्वोत्याईर रखलन। 42तब नोबह जा के कनात शहर आउर ओकर गाँव के ले लेलन, आउर ऊ ओकर नाम नोबह रखलन।
Bridge Connectivity Solutions Pvt. Ltd.