Numbers31
1यहोवा मूसा से बात कईलन आउर कहलन,2"मिद्यानी लोग से बदला लऽ, जौन ओखनी इस्राएली लोग के साथे कईलन हल। अईसन कइला के बाद तूँ मर जईबऽ आउर अपन लोग में जा मिलबऽ जौन अब नऽ रहलन।3येहिसे मूसा लोगवन से बात कईलन। ऊ कहलन, अपन कुछ आदमी के लड़ाई लागी हथियारबंद कर लऽ, कि ऊ मिद्यान के खिलाफ लड़तन, आउर ओकरा से यहोवा के बदला लेतन।4इस्राएल के समूचे गोत्रवन में से हरेक गोत्र के झुण्ड के लोग लड़ाई में एक हजार सिपाही भेजतन।5अईसे कर के इस्राएल के हजार गो आदमी में से सभे गोत्र में से एक हजार आदमी, मतलब कि बारह हजार आदमी लड़ाई ला नियुक्त कईल गेलन।6तब मूसा एक एगो गोत्र में से एक हजार आउर एलीआजर याजक के बेटा पिनहास आउर पवित्रस्थान से कुछ चीज आउर बजावे ला ओकरा भीर जे तुरहियन युद्ध के इशारा ला बजावऽ हलन, ऊ सभे के साथे एक एक गो गोत्र में से एक एक हजार के लड़ाई लड़े लागी भेज देलन।7ऊ सभे मिद्यानी सिपाही से लड़लन, जइसन यहोवा मूसा के आज्ञा के देलन हल। ओखनी सभे आदमी के मार देलन।8आउर मिद्यान के राजा लोग के आउर उनकर बचल के भी मार देलन, मतलब कि एवी, रेकेम, सूर, हूर, आउर रेबा, जौन मिद्यान के पांचगो राजा हलन। ऊ बोर के बेटा बिलाम के भी तलवार से मार देलन।9इस्राएल के फौज मिद्यान के सभे औरत, उनकर बाल-बच्चा, उनकर सभे जानवर, उनकर सभे भेड़-बकरी आउर उनकर समूचे धन-दौलत के बंदी बना लेलन। ओखनी ई सभे के लूट लेलन।10ऊ ओखनी के सभे नगर आउर उनकर सभे छावनी के जेकरा में ओखनी सभे रहऽ हलन, फूंक देलन।11ओखनी लूट आउर बंदी, दुन्नो लोग के आउर सभे जनावर के ले लेलन।12आउर ऊ सभे बंदी के ले अईलन, लूटपाट आउर पकड़ल गेल सामान के मूसा, याजक एलीआजर आउर इस्राएली लोग के मंडली के पास ले अईलन। ऊ ओखनी मोआब के अराबा में, यरीहो भीर यरदन नदी भीर छावनी में ले अईलन।13मूसा, याजक एलीआजर आउर समाज के सभे प्रधान छावनी के बहारसी उनका मिले ला गेलन।14बाकि मूसा सेना के हाकिम सब, सहस्रपति सब, आउर शतपति सब पर जे युद्ध से अईलन हल गोस्सा होलन।15मूसा उनका से कहलन, "का तूँ सभे औरतियन के जिन्दा छोड़ देलऽ हे?16देखऽ, ई सभे औरत बिलाम के सम्मति से इस्राएली लोग के पोर के विरोध में यहोवा कि खिलाफ पाप करे ला कहलन हे, जखनी यहोवा के मण्डली में मरी फैलल हल। 17येहिसे अखनी लईकमन में से सभे लईका के मार दऽ, आउर जेतना औरत कोई मरद के साथ रहलन हे, ओकरा भी मार दिहऽ।18बाकि ऊ सभे जवान लड़कियन के जे कोई मरद के साथे नऽ सूतल हे, अपना ला रख लऽ।19तोहनी के इस्राएल के छावनी के बहारसी सात दिन तक डेरा खड़ी करे के चाही। तोहनी सभे में से जौन कोई के हत्या कईलन हे आउर कोई मरल आदमी के छूलन हे, तोरा आउर तोर कैदी के तीसरा दिन आउर सातवाँ दिन अपने आप के शुद्ध करे के चाही।20तोहनी सब के कपड़ा आउर जनावर के खाल आउर बकरी के बाल, आउर लकड़ी के सभे चीज के शुद्ध करे के चाही।21तब एलीआजर याजक लड़ाई में जाय वाला फौज से कहलन, जौन व्यवस्था यहोवा मूसा के देलन हे, ऊ ई हे:।22सोना, चाँदी, पीतल, लोहा, टीना, आउर शीशा,23आउर जौन कुछ आग के सामना करऽ हे, ओकरा आग में डाले के चाही आउर ऊ शुद्ध हो जईतन। फिन ई सभे अशुद्ध चीज के शुद्ध कईल गेल जल से पवित्र करे के चाही। जौन कुछ आग में नऽ जल सकल हे, तोरा ओकरा जल से शुद्ध करे के चाही।24डेरा के बहारसी सातवाँ दिन अपन कपड़ा के धोवे के चाही आउर तऽ तूँ शुद्ध हो जईबऽ। एकर बाद तूँ इस्राएल के छावनी में आ सकलऽ हे।25तऽ यहोवा मूसा से कहलन,26"तूँ एलीआजर याजक, आउर समाज के पुरखा लोग के कुल के प्रधान के कहऽ कि ओखनी लड़ाई में मिद्यानियन से लूटल गेल हल सामान के, औरत लोग आउर जनावर के गिनती करतन।27लूट के दू हिस्सा में बाँट दऽ। एकरा ऊ सिपाहियन के बीच मे, जौन लड़ाई लड़े लागी बाहर गेलन हे आउर बाकि सभे समाज के लोग के बीच में बाँट दऽ।28फिन लड़ाई लड़े गेल सिपाही से यहोवा के लगान दिहऽ। ई लगान हरेक पांच सौ में से एगो होवे के चाही, चाहे आदमी, जनावर, गदहा, भेड़, चाहे बकरी के झुण्ड।29उनकर हिस्सा में से ई लगान लेलऽ आउर याजक एलीआजर के यहोवा लागी चढ़ावा के रूप में दे दऽ ताकि ऊ हमरा लागी भेंट चढ़ईतन।30आउर इस्राएल के आधा हिस्सा में से का आदमी, का गाय-बैल, का गदहा, का भेड़-बकरी के झुण्ड, सभे लोग पचास में से एक एगो ले लेवे। एकरा ऊ सभे लेवियन के दे दऽ जौन यहोवा के रहे वाला तंबू के रखवाली करऽ हे। 31अईसे कर के मूसा आउर एलीआजर याजक ओही कईलन जौन यहोवा मूसा के आज्ञा देलन हल।32आउर जे कुछ सिपहियन लूट लेलन हल, ओकरा में छः लाख पचहत्तर भेड़-बकरियन के झुण्ड रह गेल हल।33बहत्तर हजार बैल,34एकसठ हजार गदहा,35आउर बीस हजार जवान लड़की जे कोई मरद के साथे नऽ रहल हल।36जौन आधा भेड़वन सिपहियन लागी रखल गेल हल, ओकर गिनती तीन लाख तीन सौ सात हजार के एगो बड़का झुण्ड हल।37जेकरा से यहोवा के भेड़वन के हिस्सा छउ सौ पचहत्तर के झुण्ड हल।38ऊ सभे बैल छत्तीस हजार हल जेकरा में से यहोवा के हिस्सा बहत्तर हल।39गदहा तीन लाख पचास हजार हल, जेकरा में से यहोवा के हिस्सा एकसठ हल।40ऊ सभे लोग सोलह हजार औरतियन हलन, जेकरा में यहोवा के हिस्सा बत्तीस हल।41मूसा ऊ लगान लेलन जौन यहोवा के भेंट चढ़ावे के हल। ऊ ओकरा एलीआजर याजक के देलन, जइसे यहोवा मूसा के आज्ञा देलन हल।42इस्राएल के प्रजा के आधा भाग जौन मूसा लड़ाई में गेल सिपहियन से ले लेलन हल।43समाज के आधा हिस्सा तीन लाख सैतीस हजार पांच सौ भेड़वन के झुण्ड हल,44छत्तीस हजार बैल,45तीस हजार पांच सौ गदहवन,46आउर सोलह हजार औरतियन।47मूसा आधा इस्राएलियन में से हरेक पचास में से एगो आदमी आउर जानवर दूनो में से ले लेलन। आउर लेवियन के जौन यहोवा के रहे वाला तंबू के रखवाली करऽ हलन, उनका दे देलन, जईसे यहोवा उनका आज्ञा देलन हल।48तब सहस्रपति-शतपति सेना के सरदार, हजार आउर सौ के ऊपर ठहरावल मूसा भीर अईलन।49ऊ मूसा से कहलन, "तोर सेवक हमर अधीन सिपाहियन के गिनलन हे, आउर एक्कोगो आदमी नऽ घटल हे।50आउर हम यहोवा के भेंट जौन हरेक आदमी के मिलल हे, मतलब कि सोना के चीज, बाजूबंद आउर कंगन, मुख्ती के अंगूठी, कनबाली, आउर गलेहार ले अईलन हे, कि हम यहोवा के सामने पछतावा करम।51मूसा आउर याजक एलीआजर उनका से सोना आउर बूटी के कारीगरी करल सभे चीज ले लेलन।52आउर जौन भेंट ऊ यहोवा के देलन, मतलब कि सहसपति आउर शतपति के तरप से जे सोना भेंट ओखनी यहोवा के देलन, ओकर वजन सोलह हजार सात सौ पचास शेकेल हल। 53सभे सिपाही अपना-अपना ला लूटपाट कईलन हल। 54मूसा आउर याजक एलीआजर हजारो सिपाही के सहस्रपति सैकड़ो सिपाही के शतपति प्रधान से सोना ले लेलन। ऊ ओकरा मिलापवाला तम्बू में ले गेलन, जौन यहोवा ला इस्राएल के लोग के याद दिलावऽ हे।
Bridge Connectivity Solutions Pvt. Ltd.