2 Corinthians4
1ऊ बात के चलते, काहेकि परमेश्वर दया कर के हमनी के ई नया वाचा के तरफ से सेवा करे लागी सक्षम करलन येहिगुने हम हार नऽ मानऽ ही।2बलुक हम अईसन कुछ भी करे से मनाही करऽ ही जेकरा से हमनी के लज्जा भरल होवे के चलते छिपावे पड़त। हम दोसरा के धोखा देवे के कोशिश नऽ करऽ ही, आउर परमेश्वर दने से आयेल संदेश में बदलाव नऽ करऽ ही। बदले एकर, हम ऊ सच्चा संदेश के प्रचार करऽ ही जेकरा में जिनगी हे, आउर सभे लोगवन पर ई बात के साबित करऽ ही कि परमेश्वर के सामने हरेक आदमी के विवेक में अपन भलाई बईठावऽ हथन।3सचमुच में खाली ओही लोग जे ऊ शुभ संदेश के नऽ समझ हथन जेकर हम प्रचार करऽ ही अईसन लोग हथन जे मरल हथन।4संसार पर प्रभुता करे वाला शैतान ई युग ई अविश्वाश करे वाला लोगवन के समझ पावे से रोक के रखले हे। ओईसहीं तेजोमय मसीह जे परमेश्वर के प्रतिरूप के बारे में शुभ संदेश, ई बात के प्रकट करऽ हे कि परमेश्वर कईसन हथन, ओखनी के नऽ बदल पावऽ हे। 5शुभ संदेश मसीह के बारे में ही हे ई बात के हम येहिगुने कहऽ ही काहेकि हम दोसर लोगवन के अपना बारे में नऽ बतावऽ ही। बलुक, हम ओखनी के यीशु मसीह, जे प्रभु हथन उनकर बारे में प्रचार करऽ ही, आउर एकरा में भी बतावऽ ही कि उनका चलते कईसे हम तोहनी के सेवक सेवा करऽ ही।6हम अईसन येहिगुने कहऽ ही काहेकि ऊ परमेश्वर हथन जे ई वचन कहलन हे: “जे अंधार हे ऊ इंजोर हो जायेत।” ऊ हमनी के ई सच बात के कि ऊ केतना तेजोमय हथन ई मन में समझे में अईसन सक्षम करलन हे, जईसे कि मानऽ कि ऊ हमनी पर कोई इंजोर चमकल हे। यीशु मसीह में होके परमेश्वर ई सभे बात के प्रकट करलन हे। 7बाकि ई धन हमरा भीर मट्टी के घईला में रखल हे, कि ई सामर्थ हमरा दने से नऽ, बाकि परमेश्वर दने से होवे;8हम बड़ी सा मोसीबत भरल बात के झेलऽ ही। लोगवन हमरा सतावऽ तऽ हे, बाकि ऊ हमरा पर हावी नऽ हो पावऽ हे। हम ई बात लागी निश्चित तऽ नऽ ही कि का करम बाकि हम हार नऽ मानम।9लोगवन हमरा हानि पहुँचावे के कोशिश तऽ करऽ हे, बाकि परमेश्वर हमरा अकेले नऽ छोड़ऽ हथन। लोगवन हमर विरोध में काम तऽ करऽ हे, बाकि ऊ हमरा हरा नऽ पावऽ हे।10हम लगातार शारीरिक रूप से ओईसहीं दुःखी होवऽ ही, जईसे यीशु होवऽ हलन। ओही रीति से, परमेश्वर हमनी के फिनो से जिन्दा करतन। जईसे ऊ यीशु के फिन से जिन्दा करलन हल11सच में, जहिया तक हमनी सेवा लागी जिन्दा ही, परमेश्वर हमनी के यीशु के वजह से नाश होवे वाला देह में लगातार दुःख उठावे दे हथन। ऊ रीति से, भले ही हमनी मर जायेम, तईयो परमेश्वर हमनी के भी फिन से ओईसहीं जिन्दा करतन, जईसे ऊ यीशु के फिन से जिन्दा करलन हल।12जईसन कि तूँ देख सकलऽ हऽ कि परमेश्वर हमनी के दुःख उठावे दे हथन, बाकि ऊ तोरा जिन्दा करतन।13अखनी हमनी अईसन लोग ही जे परमेश्वर पर विश्वास के आत्मा रखऽ ही, ठीक ओही अादमी के जईसन जे भजन संहिता में लिखलन हे, “काहेकि हम परमेश्वर पर विश्वास रखली, येहिगुने हम बोलली।” काहेकि हमहूँ भी परमेश्वर पर विश्वास रखऽ ही, येहिगुने हमहूँ बोलऽ ही। 14हम अईसन येहिगुने करऽ ही काहेकि हम जानऽ ही कि परमेश्वर ही प्रभु यीशु के फिन से जिन्दा करलन हल, येहिगुने ऊ हमनी के फिनो से जिन्दा करतन। तऽ हम यीशु के जौरे आउर तोहनी के जौरे परमेश्वर के सामने मौजूद होयेम।15हम ऊ सभे कामवन के तोर मदत करे लागी करऽ ही। ऊ रीति से, परमेश्वर अनुग्रहकारी होके जादे से जादे लोगवन के प्रति काम करतन। तऽ, लोग भी परमेश्वर के जादे से जादे धन्यवाद, प्रशंसा करतन, जेकरा से कि परमेश्वर के सम्मान मिलत।16येहिगुने, हम हार नऽ मानऽ ही। बदले एकर, भले ही लोगवन के देखाई देवे वाला हमर भाग खतम हो जा हे, तईयो परमेश्वर सभे दिन हमनी के ऊ भाग के मजबूत कर रहलन हे जेकरा लोग देख नऽ सकलन हे।17हम हार येहिगुने नऽ मानऽ ही काहेकि जखनी हम अस्थिर आउर महत्वहीन तरीका से दुःखी होवऽ ही, तऽ ई हमनी के हमेशा लागी आउर खास तरीका से महिमा करते रहत, जे अईसन तरीका हे जेकरा हम सोच भी नऽ सकली हे।18येहिगुने, हम जे देखली हे ओकरा पर धियान देवे के बजाय, हम ओकरा पर धियान दे ही जे हम नऽ देखली ही। अईसन येहिगुने हे काहेकि जे हम नऽ देखली हे ऊ हमेशा ला बनल रहत, बाकि जे हम देखली हे ऊ सभे मिट जायेत।
Bridge Connectivity Solutions Pvt. Ltd.