2 Corinthians5
1सचमुच में, हम ई जानऽ ही कि हमर देह जे ई धरती पर हे मर जाय। ई ऊ डेरा के जईसन घर हे जेकरा लोग नाश कर दे हे। जबकि, परमेश्वर हमनी के अईसन नया देह देतन जे हमेशा लागी जिन्दा रहत। ऊ, ऊ महल के जईसन होत जेकर निर्माण परमेश्वर स्वर्ग स्थान में करऽ हथन। 2सचमुच में, जईसे हमनी ई देह में रहऽ ही ओकरा से हमनी शोक करऽ ही। हमर ललसा हे कि परमेश्वर हमरा अईसन नया देह देतन, जईसे कि मानऽ ऊ हमनी के नया कपड़ा पेहना रहलन हे। नया देह ऊ महल के जईसन होत जे परमेश्वर हमनी के स्वर्ग से देलन हे।3जब कभी हम अपन ऊ नया देह के ग्रहण करम, तऽ ऊ पोशाक के जईसन होत जे हमनी के नंगा होवे से बचावऽ हे। 4एकरा से भी, आगे जबकि हमहीं ही भीर जे ई देह के डेरा के समान नाश होवे वाला हे, तऽ हमनी शोक करऽ ही, आउर ई देह के जिनगी बितावे लागी मुश्किल बना दे ही। ऊ चलते, अईसन नऽ हे कि हम बिन देह के रहे लागी चाहऽ ही, जे कि बिन कपड़ा के होवे के जईसन हे। बलुक, हम अईसन नया देह के प्राप्त करे ला चाहऽ ही, जे कि नया कपड़ा पेहने के जईसन होत। ऊ रीति से हम मरे के उम्मीद करे के बदले हमेशा तक जिन्दा रहम।5ऊ परमेश्वर ही हथन जे हमनी के ई नया देह लागी तईयार करऽ हथन। ऊ हमनी के पवित्र आत्मा देलन जे ई बात के देखावे हे कि ओही हमरा ऊ सभे कुछ भी देतन जेकरा ऊ वादा करलन हे।6तऽ फिन, परमेश्वर हमनी के जे भी देतन ओकर बारे में हम हर समय निफिकिर ही। एकर अलावे, हम जानऽ ही कि जब हमरा भीर ई देह हे, तऽ हम प्रभु यीशु के जौरे नऽ ही।7सचमुच में, हमनी जे करऽ ही ओईसन येहिगुने नऽ करऽ ही काहेकि हम उनका हम देखऽ ही जे जिनगी हे, बलुक येहिगुने करऽ ही काहेकि हम प्रभु यीशु पर विश्वास चलऽ ही।8जईसे कि हम कहली कि परमेश्वर हमरा जे भी देतन ओकर बारे में, हम आश्वस्त रहऽ ही। एकर अलावे, हम अपन देह के बिना प्रभु यीशु के जौरे रहे लागी चुन ले।9तऽ फिनो, चाहे हम उनका जौरे रहम चाहे नऽ रहम हम प्रभु यीशु के खुश करे के कोशिश करऽ ही।10हम अईसन येहिगुने करऽ ही काहेकि हमनी सभे के मसीह के न्याय-आसन सामने मौजूद रहे ला होत आउर ओही ई बात के फईसला लेतन कि हमनी में से हर एक आदमी बढ़ियाँ काम करलन हे कि गलत काम करलन हे। तऽ, मसीह हमनी के ऊ चीज प्रदान करतन जेकर हमनी के लायक, ऊ काम के तुलना में जे हमनी ई देह में रहे घड़ी करली हल। 11तऽ फिन, काहेकि हम ई बात के अनुभव करऽ ही कि प्रभु यीशु के डर माने के मतलब कौची हे, येहिगुने हम दोसर के भी उनकर भय माने लागी राजी करऽ ही। परमेश्वर जानऽ हथन कि हमर उम्मीद हे, आउर हम चाहऽ ही कि तोहनी के विवेक भी ई बात के जान लऽ कि हम भरोसेमंद ही।12हम तोहनी के भीर ई बात के दोसरका बार साबित नऽ कर रहली हे कि हम भरोसेमंद ही। बाकि हम तोहनी के अपना बारे में अच्छा बात बोले के लायक बना रहली हे। ऊ रीति से, तूँ अईसे कोई भी अादमी के जबाब दे सकलऽ हे जे ई बारे में बड़ी अच्छा बात कहऽ हे, कि हम लोग बाहर से कईसे दिखऽ ही, नऽ कि एकर बारे में कि सचमुच में ऊ लोग मन के भीतरे से कौन हथन।13येहिगुने, जखनी हम पागल देखाई देवऽ ही, तऽ हम परमेश्वर के सेवा करते रहऽ ही। जखनी हम साधारण रूप सोचे वाला देखाई दे ही तऽ हम तोहनी के सेवा कर रहल होवऽ ही।14ऊ बात येहिगुने सच हे कि मसीह हमनी से प्रेम करऽ हथन, आउर ई बात ई तरीका से काम करे के तरफ हमर फईसला आउर मार्गदर्शन करऽ हे। एकर बारे में हम जईसन सोचऽ ही ऊ ई हे, एगो अादमी मतलब कि मसीह हमनी सभे लोगवन के बचावे लागी मरलन। ओही चलते अईसन लगऽ हे कि मानऽ हमनी सभे मर गेली।15एकर अलावे, ई कारण हे कि ऊ सभे लोगवन के बचावे लागी मर गेलन ऊ रीति से जे आत्मिक रूप से जिनगी बिता रहलन हे, ओखनी आगे ई काम के नऽ करतन जेकरा ओखनी करे ला चाहऽ हथन। बजाय एकर, ओखनी ओही करतन जे मसीह चाहऽ हथन, येहिगुने ऊ ओखनी के बचावे लागी मर गेलन आउर परमेश्वर उनका फिनो से जिन्दा कर देलन।16ऊ सभे बात के चलते, हम अब केकरो बारे में खाली शारीरिक ढंग से नऽ सोचऽ ही। सचमुच में, जबकि एक समय में हम मसीह के बारे में खाली सांसारिक तरीका से सोचऽ हली, बाकि अखनी हम उनका बारे में ऊ तरीका से नऽ सोचऽ ही।17येहिगुने फिन, जब भी परमेश्वर लोगवन के मसीह के जौरे एकजूट करऽ हथन, तऽ ऊ ओखनी के नया लोग बनावऽ हथन। जे ऊ हलन ऊ अखनी खतम हो गेल हे। देखऽ, ई घड़ी ऊ जे हे, ऊ कुछ नया हथन! 18ऊ परमेश्वर ही हथन जे हमनी के ई सभे चीज दे हथन। मसीह के जरिये काम कर के, ऊ हमनी के उनका जौरे मेल-मिलाप काबिल बनईलन। एकर अलावे, परमेश्वर हमनी के सेवा के काम करे में मजबूत बनावऽ हथन जेकरा से दोसर लोग भी ओकर साथ दे सकतन।19ई जईसे काम करऽ हे ऊ ई हे परमेश्वर मसीह के द्वारा संसार के उनका जौरे मेल-मिलाप के लायक बनावे के काम करऽ हथन। अईसन करे में, ऊ लोग के उनकर द्वारा करल गेल पाप के काम ला मांफ करऽ हथन। एकर अलावे, ऊ हमनी के दोसर लोग के ई बतावे लागी आदेश दे हथन कि ओखनी परमेश्वर के जौरे कईसे रह सकऽ हथन।20काहेकि परमेश्वर हमनी के आदेश देलन हे, येहिगुने हमनी मसीह के प्रतिनिधित्व करऽ ही। येहिगुने, परमेश्वर हमनी के द्वारा दोसर लोगवन के विनती करऽ हथन। जब हम तोरा से शुभ संदेश पर विश्वास करे लागी कहऽ ही। ताकि तोहूँ परमेश्वर के जौरे मेल-मिलाप से रह सकवऽ तऽ हम मसीह लागी बोलऽ ही। 21यीशु पाप नऽ करलन हल। ओकर बावजूद, हमनी लागी परमेश्वर उनका जौरे अईसन बर्ताव करलन जईसे कि मानऽ ऊ पाप करलन हल। एकर फलस्वरूप, परमेश्वर हमनी के यीशु के जौरे एकजूट कर के धर्मी बनावऽ हथन।
Bridge Connectivity Solutions Pvt. Ltd.