گریند32
1روبنؔ تہٕ جدؔ قبیلہٕ کیٚن لوٗکن نِش ٲسؠ واریاہ چو چاروٲے۔ تِمو وُچھ زِ یعزیرؔ شہرس نکھٕ دریاے یردن کہ مشرق طرفہٕ جِلعادؔ علاقہٕ چُھ چاروٲے رچھنہٕ باپتھ اصل جاے۔2یِتھ کنؠ آے تہنٛدؠ قٲید الِیعزرؔس، لوٗکن ہنٛدیٚن سردارن تہٕ موسیٰؔ ہس نِش۔ تِمو ووٚن،3"یہ چُھ تِمن جاین ہُنٛد فہرست یِمن جاین ہُنٛد اسہِ مُشاہدٕ کۅر: عطارات، دیبون، یعزیرؔ، نمرہؔ، حسبون، الیعالی، شبام، نبوؔ تہٕ بعُونؔ۔4یہُوواہنؔ دیُت اسہِ اسرائیل ین اکِس تِژھِ زمینہِ پٮ۪ٹھ قبضہٕ کرنُک موقہٕ یۅسہ چاروٲے رچھنہٕ باپتھ سیٹھاہ بہتر چھےٚ۔ یعنی عطارات، دیبون، یعزیر، نمرہؔ، حسبون، الیعالی، شبام، نبُو تہٕ بعُونؔ شہرن انٛدؠ پٔکؠ۔5اگر یہ توٚہہ اصل باسہِ تہٕ أسؠ رٹہو دریاے یردنس اپٲرمہِ انٛدچہِ زمینہ بجایہ پننہِ باپتھ یہےَ زمین۔6موسیٰؔ ہن دیُت روبن تہٕ جد قبیلہٕ کیٚن سردارن جواب، "مگر تُہنٛدین اسرائیلی سٲتھیَن باپتھ چُھنہٕ یہ ٹھیک زِ تِم گژھن جنگ کرنہِ تہٕ توٚہؠ روزیٚو یتؠ۔7اگر توٚہؠ تہِ کٔریٚو تہٕ توٚہؠ بٔنیٚو باقی اسرائیل ین باپتھ حوصلہٕ شِکنی ہنٛدؠ بٲعِث تہٕ تِم گژھن نہٕ دریاے یردن پار کٔرِتھ تتھ ملکس منٛز یُس یہُوواہؔ تِمن دِوان چُھ۔8سانیٚو جدٕ اجدادو تہِ اوس یی کۅرمُت۔ مےٚ سوزؠ تِم قادِس برنِیع پٮ۪ٹھٕ یمہِ باپتھ زِ تِم وچُھن کنعانُک ملک کیٚوتھ چُھ۔9تِم گے اِسکال وادی تام، مگر ییٚلہِ تِمو ملکس منٛز بٔڈؠ بٔڈؠ لوٗکھ وُچھ تہٕ تِم پھیرؠ واپس تہٕ اسرائیل کیٚن دِتُکھ یہ ؤنِتھ حوصلہٕ زِ اسہِ پزِ نہٕ تتھ ملکس منٛز دٲخٕل سپدنٕچ کوشش کرٕنؠ یتھ متعلق یہُوواہنؔ ووٚن بہٕ چُھسو یہ توٚہہ دِوان۔ 10پتہٕ سپُد تِمن پٮ۪ٹھ یہُوواہؔ سُنٛد غضب تہٕ تٔمؠ کۅر یمہِ کتھِ ہُنٛد اعلان،11تِمو تمام لوٗکو منٛزٕ یمہٕ مِصرٕ منٛزٕ دراے، صرف آسن تِم یم کمس کم وُوہہ ؤہرؠ آسن یِم سۅ زمین وچُھن یمیُک مےٚ ابرہامسؔ، اضحاقسؔ تہٕ یعقوبسؔ دِنُک وعدہ چُھ کۅرمُت، تِم چھِ یفُنہؔ سُنٛد نیٚچو کالِبؔ تہٕ نون سُنٛد نیٚچو یسوع، تکیازِ تِمو کۅر مےٚ پٮ۪ٹھ پوٗرٕ بھروسہٕ۔ دویمیٚن لوٗکن منٛز یمہٕ مِصرٕ منٛزٕ دراے تِمو منٛزٕ وچھنہٕ کانٛہہ تہِ سۅ سرِ زمین۔ تکیازِ تِمو کۅر نہٕ میانس طاقتس پٮ۪ٹھ مکمل یقین۔13یتھ کنؠ سپُد یہُوواہؔ سُنٛد قہر اسرائیلی لوٗکن پٮ۪ٹھ تہٕ تٔمؠ کٔرؠ أسؠ ژتجہَن ؤرین ریگِستانن منٛز پھیرنس پٮ۪ٹھ مجبوٗر۔ ٲخٕر کار سپدؠ تِم سٲری لُکھاکہِ اکہِ فوت یم یہُوواہسؔ پٮ۪ٹھ بھروسہٕ ترٲوِتھ تمؠ سنٛز نافرمٲنی کران ٲسؠ۔14تہٕ توٚہؠ چُھو پننٮ۪ن جدٕ اجدادن ہنٛدؠ پٲٹھؠ کٲم کران! توٚہؠ گناہ گار اسرائیلی لوٗکھ کٔرؠ وون یہُوواہؔ تمہِ کھۅتہٕ زیادٕ ناراض یوٗتاہ سُہ سانیٚن جدٕ اجدادن پٮ۪ٹھ اوس۔15اگر توٚہؠ یہُوواہسؔ پٮ۪ٹھ بھروسہٕ کرُن ترٲیو تہٕ سُہ تھایو توٚہہ تہٕ تُہنٛدین تمام اسرائیلی سٲتھین واریہس کالس ریگِستانن منٛز تہٕ توٚہہ سارنی نِش تُلہٕ ناوِ تھف۔16پتہٕ ووٚن موسیٰؔ ہس روبنؔ تہٕ جد قبیلہٕ کیٚو مردو، "گۅڈٕ بناوو أسؠ پننیٚو چاروایو باپتھ ہڈر تہٕ بیٚیہِ بناوو یتہِ پننہِ عیالہٕ باپتھ شہر۔17پتہٕ ہیٚکن سٲنؠ عیال مضبوط شہرن منٛز روزِتھ یِمن ژۅپٲرؠ دیوار آسن تہٕ تِم روزن یتھ ملکس منٛز روزن والیٚن لوٗکو نِش محفوظ۔ پتہٕ ہیٚکو أسؠ جنٛگ کرنہٕ باپتھ تیار گٔژھِتھ۔ أسؠ ہیٚکو باقی اسرائیل ین دریاوٕ اپارِ زمین حٲصِل کرنس منٛز مدد کٔرِتھ۔18یۅتام نہٕ پرٛتھ اکِس اسرائیل یس کینٛہہ زمین میلہِ تۅتام گژھو نہٕ أسؠ پننٮ۪ن گرن واپس۔19یردن درؠ یاوس مغرب طرفہٕ رٹو نہٕ أسؠ کانٛہہ تہِ زمین تکیازِ سٲنؠ زمین چھےٚ یتی مشرق انٛدٕ۔20پتہٕ ووٚن موسیٰؔ ہن تِمن، "بہٕ ونو توٚہہِ زِ توٚہہِ کیاہ چُھ کرُن۔ توٚہہِ چُھ یہُوواہؔ سنٛدِ باپتھ جنٛگہٕ خٲطرٕ تیار روزُن۔21توٚہہِ چُھ پنٕنؠ ہتھیار ہیٚتھ یردن درؠ یاوس اپور ترُن۔22ییٚلہِ یہُوواہؔ سۅ زمین تِمن لوٗکن نِش حٲصِل کرنَس منٛز اسہِ مدد کرِ یمہٕ تتہِ روزان چھِ، تیٚلہ آسہ توٚہہِ پننٮ۪ن گرن واپس گژھنُک اجازت۔ توٚہہ یُس وعدہ یہُوواہسؔ تہٕ تہنٛدؠ اسرائیلی سٲتھی لوٗکن سٟتؠ کۅرو سُہ کٔریٚو پوٗرٕ تہٕ توٚہؠ ہیٚکوون یہ ملک یُس یردن دریاوکہِ مشرقہٕ طرفہٕ چُھ، پنُن ملکِیت بنٲوِتھ یُس یہُوواہنؔ توٚہہِ دیُتمُت چُھ۔23وۅنؠ اگر نہٕ توٚہؠ یہ کٲم کٔریٚو تہٕ توٚہؠ ہِییُو یہُوواہؔ سنٛدؠ گناہ، تہٕ سُہ دییہِ توٚہہِ یمن گُنہَن ہُنٛد سزا۔24وۅنؠ ہکیٚو توٚہؠ پننہِ عیالہٕ باپتھ شہر تہٕ چارواین باپتھ ہڈر بنٲوِتھ مگر یہ کرنہٕ پتہٕ پزِ توٚہہِ تی کرُن یمیُک توٚہہِ وعدہ کۅرو۔25جدؔ تہٕ روبنؔ سنٛدیو قبیلن ہنٛدیٚو سردارو دیُت موسیٰؔ ہس جواب، "أسؠ کرو تی یہ کینٛژھا توٚہہِ اسہِ کرُن ونُو، تکیازِ توٚہی چُھو سٲنؠ قٲید۔26سانہِ گرٕ واجنہِ، سٲنؠ بچہٕ، سانہِ گٲوٕ تہٕ تیٖر ژھاوٕلؠ روزن یتؠ جلعادؔ علاقہٕ کیٚن شہرن منٛز۔27مگر أسؠ کرو جنٛگس نیرنٕچ تیاری۔ أسؠ ترو پنٕنؠ ہتھیار ہیٚتھ یردن درؠ یاوس اپور تہٕ لڑو یہُوواہؔ سنٛدِ باپتھ، یتھ کنؠ توٚہہِ یعنی سٲنؠ سردارن ووٚن۔"28چناچہ موسیٰؔ ہن دِتؠ الِیعزرؔس، یشُوعؔس تہٕ اسرائیلی قبیلہٕ کیٚن سردارن یِمن متعلق ہِدایت۔29موسیٰؔ ہن ووٚن تِمن، "اگر زن جدؔ تہٕ روبن قبیلٕکؠ نفر جنٛگہٕ خٲطرٕ تیار گٔژھتھ توٚہہِ سٟتؠ یردن درؠ یاوٕ اپور ترن تاکہ تِم کرن توٚہہِ یہُوواہؔ سنٛز خٲہِش تہٕ تتھ ملکس پٮ۪ٹھ قبضہٕ کرنس منٛز توٚہہِ مدد۔ توٚہؠ دِیو تِمن جلعادؔ علاقہٕ وراثتس منٛز۔30وۅنؠ اگر تِم پنٕنؠ ہتھیار تُلِتھ جنٛگہٕ باپتھ توٚہہِ سٟتؠ نیرن نہٕ، تِم ہیٚکن نہٕ تیٚلہ یہ زمین رٔٹِتھ، تِمن پزِ تیلہِ کنعان جایہ یردن درؠ یاوٕ کہِ اپٲرمہِ پاسہٕ کینٛہہ زمین رٹٕنؠ، یتھ کنؠ توٚہہِ منٛزٕ باقی کرن۔"31جدؔ تہٕ روبنؔ قبیلہٕ کیٚو سردارو ووٚن در جواب، "أسؠ کرو تی یہ توٚہہِ وُنو تہٕ یہُوواہنؔ فرموو۔32أسؠ ترو یردن درؠ یاوس اپور تہٕ واتو کنعانؔ ملکس منٛز تہٕ کرو تہِ یہ یہُوواہؔ یژھان آسہ، روزیٚو جنٛگہٕ باپتھ تیار۔ مگر سٲنؠ زمین آسہ یردن درؠ یاوٕ اپارِ مشرق انٛدے۔"33چناچہِ موسیٰؔ اوس سۅ زمین جدؔ، روبنؔ تہٕ نیصف یوسفؔ سنٛدِس نیٚچوؠ منسیؔ سنٛدین قبیلہٕ درن دِنُک خٲہِش منٛد۔ یہ ٲس سۅ سرِزمین یتہِ گۅڈٕ عمورؔ قبیلُک بادشاہ سیحونؔ حکومت کران اوس، تہٕ یہ چھےٚ سۅ سرِ زمین یمہِ کیٚن شہرن تہٕ انٛدؠ پٔکؠ زمینس پٮ۪ٹھ بسنؔ علاقک بادشاہ عوجؔ حکومت کران اوس۔34جدؔ قبیلہٕ کیٚو لوٗکو کٔرؠ دیبونؔ، عطاراتؔ، عروعیرؔ،35عطراتشوفانؔ، یعزیرؔ، یُگبِہاؔ،36بیت نمرہؔ تہٕ بیت ہارنؔ شہر آباد۔ یمن شہرن انٛدؠ پٔکؠ ٲسؠ مضبوط دیوار۔ تہٕ تِمو بنٲوؠ پننیٚو تیٖرو باپتھ ہڈر تہِ۔37روبنؔ قبیلہٕ کیٚو لوٗکو بسٲوؠ حسبونؔ، الیعالی، قریتؔ یائمؔ،38نبوؔ، بعلؔ معُونؔ تہٕ سبمہؔ شہر۔ ییٚلہِ تِمو نبوؔ، بعلؔ معُونؔ دبارٕ آباد کٔرؠ تِمو دِتؠ تِمن شہرن نٔوؠ ناو۔39منسیؔ سنٛدِس نیٚچوؠ مکِیر سنٛدؠ اولاد گے جلعادؔ ناوٕ کِس علاقس منٛز تہٕ سُہ نیوکھ عمور سنٛزِ جمٲژ نشہٕ۔40موسیٰؔ ہن دیُت منسیؔ سنٛدِس نیٚچوِس مکِیر سنٛدِس خاندانس جلعادؔ علاقہٕ تہٕ تِمو لوگ تٔتی بسُن۔41یائیرؔ تہِ اوس منسیؔ سنٛدیو اولادو منٛزٕ سُتہ گو تہٕ لوگُن تِمے علاقہٕ کیٚن لۅکٹٮ۪ن شہرن پٮ۪ٹھ قبضہٕ کرُن تہٕ تٔمؠ تھوو تِمن 'یائیرؔ سنٛدؠ قصبہٕ' ناو۔ 42نوبعؔ ناوٕکؠ أکؠ نفرن کۅر قناتؔ شہرس تہٕ تتھ انٛدؠ پٔکؠ قصبن پٮ۪ٹھ قبضہٕ تہٕ کۅرُن سُہ سورےٕ علاقہٕ پننِس ناوس سٟتؠ منسوٗب۔
Bridge Connectivity Solutions Pvt. Ltd.