گریند33
1یہ چُھ تِمن جاین ہُنٛد فہرست یوٚت اسرائیلی ہارونؔ تہٕ موسیٰؔ سنٛزِ رہنمٲئی منٛز مِصرٕ منٛزٕ نیرتھ وٲتؠ۔2یہُوواہنؔ دیُت موسیٰؔ ہس حکم زِ سُہ لیکھِ دستاویزن منٛز تِمن جاین ہنٛدؠ ناو یوٚت تِم گے۔3ؤریکہِ گۅڈنکہِ ریتہٕ کہ پنٛداہمہِ تاریخہٕ یمہِ دوٚہہ تِمو فسح ۂچ تقریب منٲو دراے تمہٕ مِصر ترٲوِتھ رعمسیسؔ پٮ۪ٹھٕ دلاوری سان ییٚلہ مِصری فوج تِمن پتہٕ پتہٕ اوس۔4ییٚلہ تِم دراے، مِصرٕکؠ لوٗکھ ٲسؠ وۅنہِ پننٮ۪ن زِٹھیٚن شُریٚن ہنٛزٕ لاشہٕ دفناوٲنی۔ تمہٕ مٲرتھ اوس یہُوواہؔ یہ باور کرُن یژھان زِ مِصرٕکؠ لوٗکھ یمن دیوتاہن ہنٛز پوٗزا کران ٲسؠ تِم ٲسؠ اپٕزؠ دیوتا۔5رعمسیسؔ منٛزٕ نیرتھ وٲتؠ تِم گۅڈٕ سکات تہٕ لٲگِکھ تتہِ پنٕنؠ خٟمہٕ۔6پتہٕ دراے سکات منٛزٕ تہٕ وٲتؠ ایتام یُس بیابانن سٟتؠ رٔلِتھ چُھ تہٕ دتِکھ تتہِ پنٕنؠ خٟمہٕ۔7پتہٕ تُروو تِمو ایتام تہٕ وٲتؠ واپس بعلؔ صفون کِس مشرِکس منٛز فی ہخیروتؔ جایہ تہٕ دِتکھ مجدالسؔ نکھٕ پنٕنؠ خٟمہٕ۔8پتہٕ تُروو تِمو فی ہخِیروت تہٕ وٲتؠ تریٚن دوٚہُن ہنٛزِ سمندری وتہِ ایتام صحراوس منٛز تہٕ دِتُکھ مارہؔ جایہِ پنُن ٹھکانہٕ۔9مارہؔ ترٲوِتھ وٲتؠ تِم ایلیمؔ۔ تتہِ ٲسؠ باہ ناگ تہٕ ستتھ کٔھزر کُلؠ۔ تِمو لٲگؠ تتہِ پنٕنؠ خٟمہٕ۔10پتہٕ وٲتؠ تِم ایلیمؔ ترٲوِتھ بحرِ قُلزمسؔ نکھٕ تہٕ دتِکھ تتہِ پنٕنؠ خٟمہ۔11بحرِ قُلزمؔ کہ سمندری صحراوٕ منٛزٕ نیرتھ وٲتؠ تِم صیناؔ کیٚن بیابانن نکھٕ تہٕ ترُووُکھ تتہِ پنُن ڈھیرٕ۔12پتہٕ دراے صیناؔ کیٚو بیابانو منٛزٕ دُفقہؔ کُن تہٕ دِتِکھ تتہِ پنٕنؠ خٟمہ۔13دُفقہؔ منٛزٕ نیرتھ وٲتؠ تِم الوشؔ، رفِدیمؔ جایہ پنٕنؠ ڈھیرٕ دِنہِ۔14پتہٕ دراے تمہٕ الوشؔ منٛزٕ تہٕ دِتِکھ پنٕنؠ خٟمہٕ رفیدیمؔ ناوچہِ جایہ، یتہِ نہٕ تِمن چیٚنہٕ باپتھ آبےٕ اوس۔15پتہٕ ؤتھؠ تِم رفیدیمؔ منٛزٕ تہٕ وٲتؠ سینا کیٚن بیابانن منٛز تہٕ لٲگِکھ تتہِ پنٕنؠ خٟمہ۔16سینا کیٚو بیابانو منٛزٕ نیرتھ وٲتؠ تِم قبرُوت ہتّاوہؔ تہٕ ترُوُوکھ تتہِ ڈھیرٕ۔17پتہٕ دراے قبرُوت ہتّاوا ترٲوِتھ حصیراتؔ کُن پنٕنؠ خٟمہ دنہِ تہٕ دِتِکھ۔18پتہٕ وٲتؠ تِم حصیراتؔ ترٲوِتھ رِتمہؔ جایہ تہٕ دِتِکھ تتہِ پنٕنؠ خٟمہ۔19رِتمہؔ پٮ۪ٹھٕ نیرتھ وٲتؠ تِم رِمّون فارسؔ ناوچہ جایہ تہٕ دِتِکھ تتہ، پنٕنؠ خٟمہ۔20پتہٕ ترُوو تِمو رِمّون فارسؔ تہٕ وٲتؠ پنٕنؠ ڈیرٕ دنہٕ لِبناہؔ۔21پتہٕ دراے تِم لِبناہؔ منٛزٕ تہٕ وٲتؠ رسّہؔ تہٕ تتہِ دِتِکھ پنٕنؠ خٟمہ۔22رسّہؔ منٛزٕ نیرنہٕ پتہٕ وٲتؠ تِم ڈھیرٕ دنہِ باپتھ قہیلانہؔ۔23پتہٕ دراے تِم قہیلانہؔ منٛزٕ، تِم وٲتؠ سافرؔ کِس بالس پٮ۪ٹھ تہٕ دِتِکھ تتہِ پنٕنؠ خٟمہ۔24سافرؔ بالہٕ پٮ۪ٹھٕ نیرتھ گےَ تِم حرادہؔ پنٕنؠ خٟمہ دِنہٕ باپتھ۔25حرادہؔ تراوِتھ وٲتؠ تِم مقہِیلوتؔ تہٕ دِتِکھ تتہِ پنٕنؠ خٟمہ۔26پتہٕ دراے تِم مقہِیلوتؔ منٛزٕ تہٕ وٲتؠ تحتؔ تہٕ کٔرِکھ تتہِ پنٕنؠ خٟمہ کھڑا۔27پتہٕ ترُووکھ تحتؔ تہٕ ترُووُکھ تارحؔ ہس منٛز پنُن ڈھیرٕ۔28تارحؔ منٛزٕ نیرتھ وٲتؠ تِم مِتقہ تہٕ دِتِکھ تتہِ پنٕنؠ خٟمہ۔29امہ پتہٕ دراے مِتقہ منٛزٕ تہٕ وٲتؠ حشمونہؔ تہٕ لٲگِکھ تتہِ پنٕنؠ خٟمہ۔30پتہٕ دراے تِم حشمونہؔ منٛزٕ تہٕ وٲتؠ موسِیروؔت تہٕ ترووُکھ تتہِ ڈھیرٕ۔31موسِیروؔت منٛزٕ نیرتھ وٲتؠ تِم بنی یعقانؔ تہٕ دِتِکھ تتہِ پنٕنؠ خٟمہ۔32بنی یعقانؔ منٛزٕ نیرتھ گےَ تِم حورحجد جاد تہٕ لٲگِکھ تتہِ پنٕنؠ خٟمہٕ۔33پتہٕ دراے حورحجد جاد منٛزٕ تہٕ امہِ پتہٕ دِتِکھ پنٕنؠ خٟمہٕ یُوطباؔتہ جایہ۔34پتہٕ دراے یُوطباؔتہ پٮ۪ٹھٕ تہٕ وٲتؠ عبرُونؔہ پنٕنؠ خٟمہ دِنہِ۔35عبرُونؔہ منٛزٕ نیرتھ گےَ تِم عصیُونؔ جابر تہٕ دِتِکھ تتہِ پنٕنؠ خٟمہ۔36عصیُونؔ جابر منٛزٕ نیرتھ وٲتؠ تِم صِینؔ کیٚن بیابنن منٛز تہٕ دِتِکھ قادِس جایہ پنٕنؠ خٟمہ۔37پتہٕ دراے تِم قادِسؔ پٮ۪ٹھٕ ادومؔ کِس سرحدس کُن تہٕ وٲتؠ ہور پہاڑس پٮ۪ٹھ پنٕنؠ خٟمہ دِنہ۔38کاہن ہاروننؔ اوٚن یہُوواہؔ سُنٛد حکم بجا تہٕ کھوٚت پہاڑس پٮ۪ٹھ۔ تہٕ تٔتی کۅرُن اسرائیلی مِصرٕ منٛزٕ نیرنہٕ پتہٕ ژتجہی ؤہرؠ تہنٛدِ پانٛژمہِ ریتہٕ کہِ گۅڈنکہِ تٲریخہ وفات۔39ہارونؔ سنٛز وانٛس ٲس تمہِ وزِ 123 ؤری یمہ ساعتہٕ سُہ مود۔ 40یہ اوس سُہ زمانہٕ ییٚلہ عراد شہرٕکؠ بادشاہن بوز زِ بنی اسرائیلی چھِ پکان۔ عرادؔ اوس کنعان ملکہٕ کیٚن جنوبی صحراون منٛز یتہِ کنعانٕکؠ لوٗکھ روزان ٲسؠ۔41بنی اسرائیلی دراے کوہہِ ہورؔ تراوِتھ، وٲتؠ ضلمونؔہ تہٕ دِتِکھ تتہِ پنٕنؠ خٟمہ۔42پتہٕ ترُوو تِمو ضلمونؔہ تہٕ گےَ فونونؔ یتہِ تِمو پنٕنؠ خٟمہ دِتؠ۔43پتہٕ دراے فونونؔ منٛزٕ تہٕ وٲتؠ اوبوتؔ قیام کرنہٕ باتھ۔44اوبوتؔ منٛزٕ نیرتھ گےَ تِم عی عباریمؔ یُس موآبؔ علاقہٕ کِس سرحدس پٮ۪ٹھ اوس تہٕ ترووُکھ تتہِ پنُن ڈھیرٕ۔45پتہٕ دراے تِم عی عباریم پٮ۪ٹھٕ تہٕ وٲتؠ دیبونؔ جد دِتِکھ تتہِ پنٕنؠ خٟمہ۔46دیبون جد منٛزٕ نیرتھ وٲتؠ تِم علموؔن دبلہ تایم تہٕ لٲگِکھ تتہِ پنٕنؠ خٟمہ۔47پتہٕ دراے تِم علموؔن دبلہ تایم منٛزٕ تہٕ گےَ نبوؔ علاقس نکھٕ عباریم کیٚن پہاڑن پٮ۪ٹھ تہٕ دِتِکھ تتہِ پنٕنؠ خٟمہ۔48عباریم کیٚو پہاڑو پٮ۪ٹھٕ واپس یتھ گےَ تِم موآبؔ کیٚن مٲدانن منٛز یریحو اپور یردن درؠ یاوس نکھٕ۔49تِمو دِتؠ تتہِ موآبؔ کیٚن مٲدانن منٛز پنٕنؠ خٟمہ۔ تہنٛدؠ خٟمہ ٲسؠ بیت یسیموتؔ پٮ۪ٹھٕ ابیل سِطیمؔ تام واریہن کلو میٹرن پٮ۪ٹھ پھٲلِتھ۔50ییٚلہِ أسؠ یردن درؠ یاوس نکھٕ موآبؔ کیٚن مٲدانن منٛز یریحو اپارِ ٲسؠ تہٕ یہُوواہؔ سپُد موسیٰؔ ہس سٟتؠ ہمکلام۔ تٔمؠ ووٚن،51"اسرائیل کیٚن لوٗکن ون ژٕ، ییٚلہ توٚہؠ یردن درؠ یاو اپور تٔرِتھ کنعان کِس علاقس منٛز وٲتیٚو،52توٚہؠ کٔرزیٚوکھ تتہِ روزن وٲلؠ تمام لوٗکھ تتہِ نیرنہٕ خٲطرٕ مجبور۔ تہنٛدؠ تمام گٔرمٕتؠ نشانہٕ، دھاتن پٮ۪ٹھ بنٲوتھ تمام شبیہِ۔ تِم سارے جایہ کٔرؠ چیٚوکھ تباہ یتہِ تِم پننٮ۪ن بُتن پوٗزا کران چھِ۔53تِمن نِیو تہنٛز زمیٖن لوٗٹہٕ تہٕ تتھ پٮ۪ٹھ بٔسیٚو، تکیازِ مےٚ چھےٚ تِہنٛز زمیٖن توٚہہِ دِژمٕژ تہٕ توٚہؠ چُھو تتھ مٲلک'54چیرِ ترٲوِتھ بٲگراوؠ زیٚو زمین زِ کُس رقبہٕ کَس جمٲژ ییہِ۔ بڈؠ علاقہٕ دیزیٚو تِمن جمٲژن یمن زیادٕ نفر آسن، تہٕ لۅکٕٹؠ علاقہٕ دیزیٚو تتھ جمٲژ یتھ کم نفر آسن۔ پرٛتھ کُنہِ قبیلس میلہِ پنٕنؠ زمین۔55اگر توٚہؠ تمہِ کنعٲنؠ ملکٕکؠ روزن وٲلؠ تتہِ نیرنس پٮ۪ٹھ مجوٗر کٔرؠ ووکھ نہٕ تہٕ تِم کرن توٚہہِ مختلف پریشانیٚن منٛز مُبتلا توٚہؠ روزیٚو تِمن أچھ منٛز کِٹُر تہٕ تِم روزن توٚہہِ ژۅپٲرؠ کنٛڈین ہنٛدؠ پٲٹھؠ۔ تہٕ تِم انن توٚہہ تتھ جایہ مصیبت یتہِ توٚہؠ روزیٚو،56اگر نہٕ توٚہؠ تِمہٕ تتہِ کٔڑؠ وُکھ تہٕ پتہٕ دمہٕ بہٕ توٚہہِ سزا یتھ کنؠ مےٚ تِمن سزا دِنک منصوبہ بنومُت چُھ۔"
Bridge Connectivity Solutions Pvt. Ltd.