یُوناہ3
1پتہٕ کوٚر یہُوواہنؔ بیٚیہِ اکہِ لٹہِ یونسس سٟتؠ کلام۔ یہُوواہنؔ ووٚنُس یہ:2"گژھِ نیرنہٕ باپتھ کھڑا۔ نینوہؔ شہر گژھِ یۅسہ اسیریا مُلکٕچ رازدٲنؠ چھےٚ تہٕ واتناو تتہِ کٮ۪ن لوٗکن یہِ شیٚچھ یوس یہِ ژےٚ ؤنی تِمن واتناونہٕ باپتھ"3یمہِ پھرِ دراو یونس نینوہؔ نوؔہ شہرکُن یہِ زن تمِس یہُوواہنؔ ووٚن۔ نینوہؔ اوس اکھ سٮ۪ٹھہےٕ بوٚڈ شہر دُنیہکیٚو شہرو منٛزٕ ساروٕے بوٚڈ شہر۔ یہِ اوس تیوت بوڈ زِ أکِس انسانس لگہ ہن ترےٚ دوٚہہ امہِ منٛزؠ پکنس۔4ییٚلہِ یونس اور ووت سُہ پوٚک پوٗرٕ اکھ دوٚہہ شہرٕ منٛزؠ۔ پتہٕ کوٚر تٔمؠ شہرٕکٮ۪ن لوٗکن اعلان، "أزکہِ پٮ۪ٹھٕ ژتجی دوٚہؠ کرِ خدا نینوہؔ شہرس تباہ۔5نینوہؔ کیٚو لوٗکو کٔر خدایہِ سنٛزِ تَتھ شیٚچھہِ پٮ۪ٹھ پژھ یۅسہ تٔمؠ یونسس بوزنٲو۔ تِمو کوٚر فٲصلہٕ زِ پرٮ۪تھ کانٛہہ تھاوِ فاقہٕ تہٕ لاگن کھُرؠ دُرؠ پلو پننس جسمس پٮ۪ٹھ یہِ ہاونہٕ باپتھ زِ تِمن چُھ یچھ کامہِ کرنس پٮ۪ٹھ افسوس۔ اوے تہِ کوٚر شہرکیٚو ساروےٕ لوٗکو تِم اہم ٲسیا کنہٕ عام یی۔6ییٚلہِ نینوہؔ شہرٕکؠ بادشاہن امہِ شٮیٚچھِ ہُنٛد بوز یمچ تبلیغ یونسؔ کران اوس سُہ ووٚتھ پننہِ تختہٕ پٮ۪ٹھٕ تھوٚد۔ تٔمؠ کٔڈؠ پنٕنؠ شٲہی پلو نالہٕ تہٕ لٲگِن کھُرؠ دار پلو تہٕ بیٚوٹھ تٔرنِس بٔٹھِس پٮ۪ٹھ۔ تٔمؠ کۅر یہِ سورےٕ یہِ ہاونہٕ باپتھ زِ سُتہ چُھ شرمنٛدٕ پننٮ۪ن یچھ کامیٚن پٮ۪ٹھ۔7پتہٕ سوزؠ تٔمؠ شیٚچھ ہٮ۪تھ نینوہؔ کٮ۪ن لوٗکن منٛز یہِ تُرے دِنہِ، "بادشاہ تہٕ تسٕنٛدؠ مشیر چھِ یہِ اعلان کران زِ کانٛہہ تہِ شخص یا جانور کھیٚیہِ نہٕ کُنہِ قسُک غذا تہٕ بیٚیہِ چیٚینہٕ کانٛہہ تریش یا شربت۔ کانٛہہ گاو یا تیوٗر تہِ کھیٚیہِ نہٕ۔8پرٮ۪تھ کانٛہہ شخص تہٕ جانور روزِ کھُر دُر پلو لٲگِتھ۔ پٮرٮ۪تھ کانٛہہ شخص کرِ خدایس منٛگہٕ منٛگ۔ بیٚیہِ ہیٚیہِ پرٮ۪تھ کانٛہہ تِمو یچھ کامیٚو نِشہ پتھ تہٕ تِمو ظٲلمانہٕ حرکژو نِشہ روزن پتھ یِم تِم باقےٕ لوٗکن سٟتؠ کران رودؠ۔9یوٚدوے سٲرے یہےَ عمل کرن اِمکان چُھ خدا ما بدلاوِ پنُن فٲصلہٕ تہٕ روزِ اسہِ پٮ۪ٹھ مہربان۔ سُہ ما ہیٚیہِ پتھ اسہِ پٮ۪ٹھ ناراضگی نِش۔ تہٕ یتھٕ پٲٹھؠ بچو أسؠ مارٕ گژھنہٕ نِش۔10توے تہِ کٔر لوٗکو یِمن کتھن پٮ۪ٹھ عمل تہٕ تراوٮ۪کھ تِمہٕ یچھ کامہِ کرنہِ یِم لوٗکھ کران ٲسؠ۔ خداین وُچھ یہِ سورےٕ۔ توے تہِ کوٚرُن تِمن پٮ۪ٹھ رحم تہٕ کوٚرنکھ نہٕ ژکہِ پھیُر تہِ، یہِ زن تٔمؠ کرنُک ووٚنمُت اوس۔ یوٚدوے زن یہِ کرُن ووٚنمُت اوس مگر یہِ کوٚرُن نہٕ۔
Bridge Connectivity Solutions Pvt. Ltd.