یُوناہ4
1یونس نہِ کِنؠ اوس یہِ انتہٲیی غلط زِ خداین کوٚر نہٕ نینوہؔ شہرس تلُک پٮ۪ٹھ۔ اتھ پٮ۪ٹھ کھوٚت تمِس سخ شرارت۔2تٔمؠ مونٛگ یہُوواہسؔ، "ہے یہُوواہؔ یہِ گو سراسر تی یہِ مےٚ گرِ تراونہٕ برونٛہہ ونیاو زِ یی سپدِ۔ مےٚ چھےٚ خبر زِ ژٕ چھُکھ سُہ خدا یُس پرٮ۪تھ کٲنٛسہِ پٮ۪ٹھ رحیم تہٕ مہربان چُھ۔ ژٕ چھُکھ نہٕ ؤلؠ ؤلؠ تِمن لوٗک پٮ۪ٹھ ناراض گژھان یِم وُچاپہٕ کامہِ کران چھِ۔ ژٕ چھُکھ لوٗکن سٮ۪ٹھا لول بران تہٕ چھُکھ پسنٛد کران لوٗکن پٮ۪ٹھ رحم کرُن بجایہ کانٛہہ سزا دیُن۔ میانہِ گرِ ترسیس شہرس کُن ژلنُک وجہہ اوس یہِ زِ بہٕ اوسُس نہٕ یہِ سپدُن یژھان تکیازِ بہٕ اوسُس یژھان زِ ژٕ دِکھ نینوہؔ کٮ۪ن لوٗکن سزا۔3تہٕ وۅنؠ مہربٲنی کٔرِتھ مار تہٕ مےٚ۔ بہٕ چُھس زنٛدٕ روزنہٕ بدلہٕ مرُن یژھان۔ یوٚدوے ژٕ نینوہؔ کٮ۪ن لوٗکن سزا دِکھ نہٕ"4یہُوواہنؔ ووٚنُس، "یہِ چھا چانہِ باپتھ جان زِ ژےٚ کھٔسی شرارت اتھ پٮ۪ٹھ کہِ مےٚ کوٚر نہٕ نینوہؔ بُرباد؟"5یونسن دیُتُس نہٕ کانٛہہ جواب بلکہِ دراو شہرٕ منٛزٕ تہٕ بیوٹھ دوٗر پہن شہرکِس مشرقس کُن۔ اتہِ بنوو أمؠ تاپہٕ نِشہ بچنہٕ باپتھ اکھ چھج۔ سُہ بیوٹھ چھجَس تل انتظارس زِ وُچھِو شہرس کیا بنہِ۔6یہُوواہؔ خداین کھول اکھ کُل ؤلؠ ؤلؠ یونسُن کلہٕ تاپہٕ ژنٛجہِ منٛزٕ شیہلِس رٹنہٕ باپتھ۔ یہُوواہنؔ کوٚر یہ تاکہِ یونس بدلاوِ پنُن وطیرٕ۔ یونس سپُد تاپہٕ ژنٛجہِ منٛزٕ امہِ شیہلؠ کُلہِ سٟتؠ سٮ۪ٹھا خوش۔7امہِ پتہٕ دوٚیمہِ دوٚہہ کوٚر خداین اتھ کُلِس کوٗرنہٕ باپتھ اکھ کیٚوم تیار تاکہِ یہِ کُل ییہِ ہوٚکھِتھ۔8آفتاب کھسنہٕ پتہٕ کمےٕ کٲلؠ تُل مشرقہٕ انٛدٕ خداین سخ واو۔ آفتاب سپُد سخ تیز یونس سٕنٛدِس کلس پٮ۪ٹھ تہٕ یونس ہیٚوتُن وٮ۪سرِتھ پیوٚن۔ سُہ اوس مرُن یژھان تہٕ تٔمؠ ووٚن یہِ روِ بہتر میانہِ باپتھ زنٛدٕ روزنہٕ نِشہ۔9خداین ووٚن یونسس، "یہِ چھا چانہِ باپتھ رُت زِ سپدکھ ناراض زِ یتھ کُلس کیا گو:" یونسن ووٚنُس، "آ۔ یہِ چُھ میانہِ باپتھ رُت زِ بہٕ روزٕ ناراض۔ بہٕ چُھس یوٗتاہ ناراض زِ بہٕ گژھٕ وۅنؠ مرُن:"10ادٕ ووٚن یہُوواہنؔ یونسس، "ژٕ سپدکھ پانہٕ دۅکھٕ زد زِ یہِ کُل کیازِ ہوٚکھ یوٚدوے زن ژٕ اتھ رٲچھ کرکھ کانٛہہ عمل کٔرِتھ نہٕ نہ کرتھ امکہِ پھبنہٕ باپتھ۔ یہِ کھوٚت أکِس رٲژ منٛزے تہٕ دوٚیمہِ رٲژم ہنٛدِس انٛدس سپدیاو۔11یتھے پٲٹھؠ، مگر امہِ کھۅتہٕ ژۅرے پہن، چُھ میانہِ باپتھ صحیح نینوہؔ شہر برباد کرُنس متعلق دۅکھ محسوس کرُن۔ اتہِ چھِ اکھ لچھ وُہ ساس کھۅتہٕ ژٔرؠ لوٗکھ یِمن نہٕ صحی غلطُک تمیز چُھ۔ اتہِ چھِ بیٚیہِ واریاہ جانور۔ یِم مےٚ تخلیق کٔرؠ، تہٕ یہِ چُھ میانہِ باپتھ یِمن ہُنٛد وسہِ آسُن تہِ رُت۔
Bridge Connectivity Solutions Pvt. Ltd.