عبر11
1ییٚلہِ لوٗکھ خدایس پیٚٹھ بھروسہٕ کران چھِ، یہِ چُھ تِمن یقین دِوان زِ تِمن سپدِ تہِ حٲصل یہِ تِمن اعتماد سان امید چھِ۔ ییٚلہِ لوٗکن خدایس پیٚٹھ بھروسہٕ آسان چُھ، یہِ چُھ تِمن اندر تِمن چیزن متعلق یقین پٲدٕ کران یِم نہٕ تِم وُچھان چھِ۔2در حقیقت، اسرٲییٔلی لوٗکن ہندیو جدو کوٚر خدایس پیٚٹھ بھروسہٕ، تمؠ دِژ تِمن منظوری۔3تکیازِ اسہِ چُھ خدایس پیٚٹھ بھروسہٕ، اسہِ چُھ مولوم زِ ہر کانٛہہ چیز چُھ خداین کلام کرنہٕ دسؠ قٲیِم کوٚرمُت یہِ موجود چُھ۔ لہٰذا، تمی یِم چیز أسؠ وُچھان چھِ تِم چھِنہٕ باقی چیزو پیٚٹھٕ آمٕتؠ یِم أسؠ وُچھِتھ ہیکن چھِ ۔4تکیازِ تمؠ کوٚر خدایس پیٚٹھ بھروسہٕ، آدمؔ سنٛدؠ نیٚچِوؠ ہابیلنؔ کٔر پننِس بڈس بٲے قٲین سنٛدِ کھوٚتہٕ خدایس اکھ افضل قربٲنی پیش۔ تکیازِ تس اوس خدایس پیٚٹھ بھروسہٕ، خداین دِژ تس منظوری یمہِ خٲطرٕ تمؠ قربٲنی پیش کٔر تہٕ اعلان کوٚرن زِ تمؠ کوٚر تہِ یہِ سہی اوس۔ اگرچہ ہابلؔ مود، أسؠ ہیکو وننہِ تہِ ہیٚچھُتھ زِ تس کوتاہ اوس خدایس پیٚٹھ بھروسہٕ۔5تکیازِ حنوکسؔ اوس خدایس پیٚٹھ بھروسہٕ، خداین نیو سُہ آسمانس پیٚٹھ، لہٰذا سُہ مود نہٕ کینٛہہ۔ یتھٕ پٲٹھؠ موسیٰ ہن لیوکھ، "سُہ ہیوک نہٕ کٲنٛسہِ تہِ لٔبتھ۔ تکیازِ خداین نیو سُہ آسمانس پیٚٹھ" خداین کوٚر حنوکؔ آسمانس کُن ننہٕ برونٛہہ اعلان زِ حنوکؔن کوٚر سُہ خۅش ۔6در حقیقت، لوٗکھ ہیکن خدایس صرف خۅش تھٲوِتھ ییٚلہِ تِمن تس پیٚٹھ بھروسہٕ آسہِ۔ تمی کِنؠ یِم لوٗکھ خدایس نکھٕ گژھان چھِ تِمن چُھ ایمان أننُ ضروری زِ سُہ چُھ حقیقی تہٕ سُہ دیہِ تِمن لوٗکن انعام یِم تس خدمت تہٕ عبادت کرنؠ یژھان چھِ۔7خدایس پیٚٹھ ایمان کِنی کوٚر نوحنؔ خدایس احترام ییٚلہِ خداین تس پیٚٹھ ظٲہر کوٚر تہِ یہِ نہٕ تمؠ ونہِ وُچھمُت اوس۔ لہٰذا، نوحنؔ بنٲوؠ ناو پنُن عیال تمہِ سہلاب نِش بچاونہٕ خٲطرٕ یُس خداے سوزہے۔ امہِ طریقہٕ اوس نوحسؔ خدایس پیٚٹھ ایمان، تمؠ کوٚر ثٲبت زِ باقی سٲری ٲسؠ خطا زد۔ مزید، نوحؔ بنوو اکھ شخص یُس خداین راست بٲزی ہُند وٲرث بنوو تکیازِ نوحسؔ اوس تس پیٚٹھ بھروسہٕ ۔8خدایس پیٚٹھ ایمان کِنی کوٚر ابرہامنؔ تہِ یہِ خداین ووٚنس ییٚلہِ خدایس تس سٟتؠ کلام کوٚر۔ تمؠ ترٲو پنُن گرٕ تہٕ درٲو أکس جایہِ کُن ییتہِ خداے تمؠ سُنٛد نوو گرٕ جلدے بناوہے۔ ییٚلہِ تمؠ پنُن گرٕ تراو، تس اوس نہٕ معلومےٕ زِ تسُند نوو گرٕ کتہِ آسہِ ۔9تکیازِ تمؠ کوٚر خدایس پیٚٹھ بھروسہٕ، ابرہامنؔ کوٚر تتھ ملکس منٛز قیام یُس خداین تِمن دِنُک وعدٕ کوٚرمُت اوس، مگر ونہِ اوس نہٕ تُہنٛد ملک۔ تمؠ کٔر پننس نیچوس اضحاقسؔ بییٚہِ پننس نیٚچِوؠ سٕندس نیچوس یعقوبسؔ سٟتؠ عارضی خٟمن منٛز زندگی بسر، اگرچہ خداین تِمن سارنے ترینونی وعدٕ کوٚرمُت اوس زِ سُہ دیہِ تِمن یہِ ملک۔10ابرہامنؔ گُزٲرؠ یتھۓ پٲٹھؠ زندگی تکیازِ سُہ اوس تتھ محفوظ تہٕ پائیدار آسمٲنی شہرُک امیدوار یُس خداین پٲدٕ کوٚر۔11ایمان سببہٕ، سپد ابرہامؔ پننہِ آشنہِ سارہسؔ نِش اکھ نیٚچو پراونس قٲبل ہرگاہ سۅ کٲفی بُزرگ ٲس زِ سۅ تس ہیٚکہِ نہٕ معمولی پٲٹھؠ اکھ بچہ پرٲوِتھ۔ تہٕ سُپد، تکیازِ تمؠ کوٚر حساب زِ خداے کرِ یقیناً تہِ یہِ تمؠ ووٚن ۔12اگرچہ ابرہامؔ سؠٹھاہ بُزرگ اوس، ابرہامسؔ آسہٕ واریاہ اسرٲییٔلی پیڑِ۔ یتھٕ پٲٹھؠ زن خداین وعدٕ کوٚر، اسرٲییٔلی چھِ واریاہ یتھٕ پٲٹھؠ زن آسمانس منٛز واریاہ تارک چھِ تہٕ یتھٕ پٲٹھؠ زن سمندر بٹھس پیٚٹھ واریاہ سؠکہِ دانہٕ چھِ ۔13تِمو ساروے لوٗکو کوٚر توٚت تام خدایس پیٚٹھ بھروسہٕ یوٚت تِم مودؠ۔ ییٚلہِ تِم زندٕ ٲسؠ تِمو کوٚر نہٕ تجربہٕ زِ خداین کیاہ دِنُک اوس تِمن وعدٕ کوٚرمُت، مگر تِم ٲسؠ زانان زِ خداے کرِ جلدے تہِ یمیُک تمؠ وعدٕ دیتمُت اوس۔ تِمو ہوو پریتھ أکس زِ تِم چھِ نہٕ یتھ دنیاہس سٟتؠ تعلق تھوان ۔14بے شک، سٲری لوٗکھ یِم یتھ دنیاہس عارضی ونان چھِ تِم چھِ واضیح پٲٹھؠ ہاوان زِ تِمن چھِ پننس ملکس منٛز زندگی گزارنٕچ خوٲہِش۔15مگر فرض کرو تِمو باوفا لوٗکو مون سُہ ملک پنُن وطن یُس تِمو تراومُت اوس۔ تتھ صورتس، منٛز ہیکہِ ہن تِم تتھ ملکس منٛز واپس گٔژھتھ، مگر تِم گےَ نہٕ۔16مگر تِمن متعلق چُھ پزر یہِ: تِم ٲسؠ أکس بڈس آسمٲنؠ ملکس مشتاق۔ امہِ وجہ سٟتؠ، چُھ خدایس عزت میلان ییٚلہِ باقی لوکھ چھِ تمؠ سنٛدؠ یِمن لوٗکن ہنٛدِس خداے سنٛدؠ رنگؠ تذکرٕ یِمو تمس پیٚٹھ بھروسہٕ کوٚر۔ توٚہؠ ہیکیو ونتھ زِ یہِ چُھ پوٚز، تکیازِ خداین چُھ تُہنٛدِ روزنہٕ خٲطرٕ اکھ شہر تیار کوٚرمُت ۔17کیازِ کہ تمؠ کوٚر خدایس پیٚٹھ بھروسہٕ، ییٚلہِ خداین تمؠ سُنٛد امتحان کوٚر، ابرہامنؔ آسہ ہے پنُن نیٚچو اضحاقؔ قربٲنی رنگؠ پیش کوٚرمُت۔ بے شک، سُہ شخص یمِس خداین واریاہ پیڑِ دِنُک وعدٕ کوٚر، اوس تمؠ سُنٛد تہٕ تمؠ سنٛزِ زنانہِ سارہؔ سُنٛد کُنے بچہ قربٲنی رنگؠ پیش کرنس تیار ۔18در حقیقت، خداین اوس ابرہامسؔ برونٛٹھے ووٚنمُت، "یِم واریاہ زُرؠ ژےٚ دِنُک مےٚ وعدٕ کوٚرمُت چُھے تِم نیرن چٲنس نیچوس اضحاقسؔ نِشہٕ"19ابرہامنؔ کٔر امہِ طریقہٕ عمل تکیازِ تمؠ سمجھ زِ خداے ہیکہِ مودؠ مٕتؠن دُبارٕ زندٕ کرِتھ۔ در حقیقت، ہرگاہ اسہِ علامتی رنگؠ ونو، ابرہامسؔ میلیاو اضحاقؔ تمؠ سنٛدِ مرنہٕ پتہٕ واپس۔20خدایس پیٚٹھ بھروسہٕ کہِ سببہٕ دِژ اضحاقنؔ پننؠن نیچوین یعقوبسؔ تہٕ عیسوؔس برکت، یہِ اعلان کوٚرُن زِ تِمن دوٚنونے سٟتؠ کیا سُپدِ۔ 21خدایس پیٚٹھ ایمان تھاونہٕ کِنی ییٚلہِ سُہ مرنس نکھٕ ووت، یعقوبنؔ دِیُت پننس نیٚچِوؠ یوسفؔ سٕندٮ۪ن دۅشوٕنؠ نیچوین برکت۔ تمؠ کٔرؠ پننِس عاصس پیٚٹھ لٔمِتھ روزنہٕ وزِ خداے سنٛدؠ تعریف۔ 22خدایس پیٚٹھ بھروسہٕ کہِ سببہٕ، ییٚلہِ سُہ مرنس قریب لوگ واتنہِ یوسفنؔ کٔر اسرائیلین سٟتؠ ملکہ مِصر تراونس متعلق کتھ۔ بییٚہِ کوٚر تمؠ تِمن حکم زِ تمؠ تُلن تمؠ سٕنٛز اڈجہِ پانس سٟتؠ ییٚلہِ تِم نیرن۔ 23خدایس پیٚٹھ بھروسہٕ کہ سببہٕ تھوو موسیٰؔ سنٛدؠ مٲلؠ ماجہِ موسیٰؔ تھنہٕ پیٚنہٕ پتہٕ تروُہن ہفتن کٔھٹِتھ۔ تمو کٔر ہمتہٕ سان مصرٕکس بادشاہ سٕندس حکمس نافرمٲنی یُس اسرٲییٔلی نیٚچوؠ مارنس متعلق اوس۔ تِمو کوٚر تہِ تکیازِ تِم ہیکن ؤنتھ زِ موسیٰ اوس اکھ اصل شُر۔ 24خدایس پیٚٹھ تمؠ سنٛدِ بھروسہٕ کِنی، ییٚلہِ سُہ بالغ سُپد، موسیٰ ہن کوٚر انکار زِ سُہ کتھٕ کِنؠ اوس مصرٕکس بادشاہ فرعونؔ سنٛزو کورین منٛز أکس کورِ ہُند منٛگتہ نیٚچو۔ 25تمؠ کوٚر یہِ تجربہٕ کرنُک فٲصلہٕ زِ لوٗکو کتھٕ کِنؠ کوٚر خداے سٕندٮ۪ن لوٗکن سٟتؠ بدسلوکی بنسبتہِ کینٛژس کالس گناہ کرنس منٛز مزٕ تُلن۔26تمؠ کوٚر حسابہٕ زِ مسیحؔ سنٛدِ وجہ سٟتؠ تمؠ سٕنٛز توہین کرن وٲلؠ لوٗکھ چھِ مصرٕکس سرِ زمیٖنس منٛز تمام عٲلیشان تہٕ قٟمتی چیزو کھوٚتہٕ زیادٕ قٟمتی۔ تمؠ سونچ امہِ اندازٕ، تکیازِ تمؠ کوٚر اتھ کتھِ پیٚٹھ توجہ زِ خداے کِتھٕ کِنؠ دِیہِ تس انعام۔ 27خدایس پیٚٹھ بھروسہٕ کِنی دراو موسیٰ مصرٕکہ ملکہٕ منٛز نیٚبر۔ تس اوس نہٕ خوف زِ بادشاہ کیا کرِ ییٚلہِ تس شرارت آسہِ۔ تمؠ کٔر تمی طریقہٕ عمل، تکیازِ تس روٗد خدایس پیٚٹھ مکمل بھروسہٕ زن اوس سُہ خدایس وُچھِتھ ہیکان، یُس پوشیدٕ چُھ۔ 28خدایس پیٚٹھ بھروسہٕ کِنی ہوو موسیٰ ہن اسرائیلین گوٚڈٕ پھرِ فسح عید مناونؠ تہٕ برٕ کٹن ہُند خوٗن پنہٕ نؠن دروازن پیٚٹھ مٔتتِھ تھاون مقرر۔ تِمو کوٚر تہِ یُتھ زن سُہ روحٲنی وجود یمؠ مصرین ہنٛدؠ زِٹھؠ شُرؠ قتل کٔرؠ سُہ کرِنہٕ پنہٕ نؠن بڈین شُریٚن قتل۔ 29خدایس پیٚٹھ بھروسہٕ کِنی تٔرؠ اسرائیلی بحرِ قُلزمسؔ اپور زن تہٕ ٲسؠ تِم خشک زمیٖنہِ پیٚٹھ پکان ییٚلہِ خداین تِمن ہندِ باپتھ اکھ وتھ بنٲوؠ۔ پتہٕ ییٚلہِ مِصری تِمن پتہٕ لاریے، تِم پٔھٹؠ آبس ییٚلہِ خداین وتھ بند کٔر۔ 30خدایس پیٚٹھ اسرائیلین ہندِ بھروسہٕ کِنی گرٲوؠ تمؠ یرِیحُو شہرس اندؠ اندؠ دیوار ییٚلہِ اسرٲییٔلی شہرس اندؠ اندؠ أکس ہفتس بار بار پیش قدمی کران ٲسؠ۔ 31خدایس پیٚٹھ أکس پاژھِنؠ راحبؔ سنٛدِ بھروسہٕ کِنی تھٲوؠ تمہِ جاسوٗس حفاظتس منٛز یِم یشوعنؔ روانہٕ کرؠ مٕتؠ ٲسؠ۔ تکیازِ تمہِ کوٚر تہِ، اسرائیلیو کٔر نہٕ سۅ قتل ییٚلہِ تِمو یریحو شہرس منٛز پریتھ کانٛہہ خدایس نافرمان روزن وول قتل کوٚر۔32بہٕ ہیٚکہٕ نہٕ وونؠ اتھ متعلق زیادٕ کینٛہہ ونتھ۔ مےٚ نِش چُھنہٕ جدعونسؔ، برقسؔ، سمسونسؔ، افتاہسؔ، داودسؔ تہٕ سموئیلسؔ بییٚہِ باقی نبین متعلق توٚہہِ وننہٕ خٲطرٕ وقت۔33تکیازِ یتھیو لوٗکو کوٚر خدایس پیٚٹھ بھروسہٕ، کینٛژو دِژ وۅپر ملکن ہندس فوجس شکس۔ باقیو کٔر عدلہٕ سان حکومت۔ باقین سپد تہِ حٲصل یہِ خداین اوسُک وعدٕ کوٚرمُت۔ باقیو رٔٹؠ سٕہہ تِمن کھینہٕ نِش پتھ۔34باقیو رُکووو نار تِمن زالنہٕ نِش۔ باقی روٗدؠ زندٕ ییٚلہِ کٲنسہِ أکؠ تِمن پیٚٹھ پُر تشدد حملہٕ کوٚر۔ باقی بنییہِ طاقت ور ییٚلہِ تِم کمزور ٲسؠ۔ باقیو کٔر پنہٕ نؠن دشمنن سٟتؠ طاقتہٕ سان لڑٲے۔ باقیو دِژ ووٚپر ملکن ہندین سپہن مکمل پٲٹھؠ شکس۔35کینٛژو زنانو وُچھ زِ خداین کتھٕ پٲٹھؠ کٔرؠ تُہنٛدین گرن ہندؠ بٲژ مرِتھ تہٕ دبارٕ زندٕ۔ اما پوٚز، باقےٕ لوٗکو کوٚر تجربہٕ زِ کتھٕ کِنؠ واتنوو باقیو زٲنتھ مٲنتھ تِمن تکلیف یُتھ تِم خداے سٕنٛز نافرمٲنی کرِن۔ تمہِ پتہٕ تہِ روٗدؠ تِم خداے سٕنٛز فرمانبردٲری کران۔ یتھٕ پٲٹھؠ کرِ خداے تِمن دُبارٕ زندٕ یتھٕ کِنؠ نہٕ تِم زانٛہہ کٲلؠ مرِتھ ہیکان۔36مزید، باقے لوٗکو تُلؠ تکلیف ییٚلہِ تِمن مذاق کران ٲسؠ یا تہنٛزن شانن پیٚٹھ رزَو سٟتؠ لایان ٲسؠ۔ کُنہِ وِزِ، کٔرؠ تِم حکمرانو گرفتار تہٕ جیلس منٛز ترٲوکھ۔37لوٗکو مٲرؠ تِم وفادار لوٗکھ کنہِ کنہِ کٔرِتھ یا وولوٗکھ تِمن چیر۔ لوٗکو دِژ تِمن خدایس نافرمٲنی کرنچ لالچ۔ لوٗکو کٔرؠ تِم تلوارو سٟتؠ قتل۔ یِم وفادار لوٗکھ پھیرؠ دربدر جانورن ہُند مسلہٕ لٲگتھ۔ تِمن اوس نہٕ کہنؠ، تہٕ لوٗکو ستٲوؠ تِمن تہٕ تِمن سٟتؠ کرکھ بدسلوکی۔38اگرچہ لوٗکو یتھٕ پٲٹھؠ تِمن سٟتؠ سلوک کوٚر تِم ٲسؠ نہٕ یژھِ جایہِ خدایس پٹؠھ بھروسہٕ کرن والیٚن سٟتؠ زندٕ روزنس لایق۔ تمہِ باوجود، یِمن وفادار لوٗکن پیوو وجار جاین، پہاڑن پیٚٹھ تہٕ زمیٖنہِ منٛز گوٚپھن منٛز روزُن۔39حالانکہ خداین دِژ یمن سارنے لوٗکن منظوری تکیازِ تِمو کوٚر تس پیٚٹھ بھروسہٕ، تمؠ دِیُت نہٕ تِمن ونہِ تہِ تہِ یمیُک وعدٕ تمؠ تِمن سٟتؠ کوٚرمُت اوس۔40بلکہ، خداین کٔرؠ وقتہٕ برونٛہہ اسہِ کینٛہہ تمہِ کھوٚتہٕ بوٚڈ دِنہٕ خٲطرٕ تیار یہِ تِمو لوٗکو زندٕ روزنس دوران حٲصل کوٚر۔ یتھٕ پٲٹھؠ، صرف ییٚلہِ أسؠ تہٕ تِم سٲری یکجا آسو أسؠ سٲری بنو یہِ خداے اسہِ بناون یژھان چُھ۔
Bridge Connectivity Solutions Pvt. Ltd.