اعمال23
1پولُسؔ رود یہُودؠ کونسل کٮ۪ن ارکانن وُچھان تہٕ ونُن: "میانیٚو یہُودؠ سٲتھیو، مےٚ گُذار پنٕنؠ سٲرے زندگی خدایہ سنٛدِس تعظیمس منٛز، تہٕ مےٚ چھنہٕ کانٛہہ تِژھ کٲم کرمٕژ یۅسہ مےٚ باسان چُھ غلط ٲس بلکہِ کٔرِم رٕتؠ چیز۔2ییٚلہ سردار کاہن حننیاہنؔ پولُسؔ سنٛز کتھ بوز تہٕ تمؠ ووٚن تِمن نفرن یمہ پولُسسؔ نِش وۅدٕنؠ ٲسؠ زِ أمِس والیٚو تھپیرٕ۔3پتہٕ ووٚن پولُسنؔ حننیاہؔ ہس، "ہے منافقہٕ، خدا دِیی ژےٚ امیُک سزا۔ ژٕ بیٚہہ ہُتِتھ تہٕ کر میٚون فٲصلہٕ، تِمن قانونن ہُنٛد استعمال کرِتھ یمہ خداین موسیٰؔ ہس ؤنمٕتؠ چھِ۔ مگر ژٕ چُھکھ پانہٕ تِمن قانونن ہنٛز نافرمٲنی کران، تکیازِ ژےٚ دِتُتھ یہ وُچھنہٕ بغٲر یِمن مےٚ لاینُک حکم زِ مےٚ چھا کانٛہہ غلط کٲم کرمٕژ"4یمہ نفر پولُسسؔ نِش کھڑا ٲسؠ تِمو ووٚن تس، "ژےٚ پزِہی نہٕ خدایہ سنٛدِس خٲدِم سٲنِس سردار کاہنس بُرٕ کتھ ونٕنؠ۔5پولُسنؔ دِتُکھ جواب، "میانیٚو سٲتھی یہُودیو، مےٚ چُھ افسوس زِ مےٚ ووٚن یہ۔ مےٚ ٲس نہٕ یہ پےَ زِ یمؠ نفرن توٚہہ ووٚن زِ یمِس لٲیو سُے چُھ سردار کاہن۔ اگر مےٚ یہ معلوم آسہ ہے تہٕ بہٕ ونہٕ ہا نہٕ پننِس سردار کاہنس متعلق بُرٕ تکیازِ بہٕ چُھس زانان زِ سٲنِس یہُودؠ شریعتس منٛز کیاہ چُھ لیٚکھِتھ، "پننیٚو حکمرانو منٛزٕ مہ ونیٚو کانٛسہِ بُرٕ"6پولُسؔ اوس زانان زِ کونٛسلٕکؠ کینٛہہ رُکن چھِ صدوقی تہٕ کینٛہہ فریسی۔ چناچہ تٔمؠ دیُت کونسل حالس منٛز آلو، "میانیٚو یہُودؠ سٲتھیو، بہٕ چُھس اکھ فریسی، تہٕ میٚون سورےٕ خاندان اوس فریسی۔ مےٚ پیٚٹھ آو یتہِ مقدِمہ لاگنہٕ تہٕ مےٚ چُھ یقین زِ اکہ دوٚہہ کرِ خدا تِمن لوٗکن بیٚیہِ زندٕ یمہ گُزریمٕتؠ چھِ۔7ییٚلہ تمؠ یہ ووٚن تہٕ فریسی تہٕ صدوقی لگؠ پانہٕ وٲنؠ بحث کرنہِ زِ یمہ لوٗکھ مودؠ تِم گژھنا دوبارٕ زنٛدٕ کنہ نہ، تہٕ پرٛتھ کانٛہہ لُگ اکھ أکِس سٟتؠ بحث کرنہِ۔8صدوقی ین ہُنٛد خیال چُھ زِ لوٗکھ گژھن نہٕ مرنہٕ پتہٕ دوبارٕ زندٕ۔ تِم چھِ یتہِ زانان زِ نہ چھِ فرشتہٕ تہ نہ چُہ بیٚیہِ، کُنہ قسمُک کانٛہہ روح۔ مگر فریسی ٲسؠ یمن سارنی کتھن پیٚٹھ پژھ کران۔9تِم ٲسؠ بحث کران کران اکھ اکِس سٟتؠ شور کران۔ شریعتٕکؠ کینٛہہ زانن وٲلؠ یمہ فریسی ٲسؠ ؤتھؠ تھوٚد۔ تِمو منٛزٕ ووٚن أکؠ، "اسہِ چُھ باسان زِ أمؠ شخصن کوٚر نہٕ غلط کینٛہہ۔ بنان چُھ زِ کانٛسہ فرشتن یا بیٚیہِ کانٛسہ روحن ما آسہ أمِس سٟتؠ کتھ کرمٕژ تہٕ یہ کینٛژھا یہ ونان چُھ تہِ آسہ پوٚز۔10پتہٕ لٔگؠ فریسی تہٕ صدیقی پانہٕ وٲنؠ لڑٲے کرنہِ۔ چناچہ کمانڈر کھوژ زِ یِم کرن پولُسسؔ نیٚوک نیٚوک۔ تمؠ ووٚن سِپہن زِ تِم وسن جیلہٕ منٛزٕ بوٚن تہٕ پولُسسؔ نِن کونسل کیٚو ارکانو نِشہٕ دوٗر تہٕ تھاونس بارکن منٛز۔11امہِ رٲژ وُچھ پولُسنؔ خداوند یسوعؔ یوان تہٕ پانس نِش وۅدٕنؠ روزِتھ۔ خداوندن ووٚن تس، "ہمتھ تھاو! ژےٚ ونُتھ یتہِ یروشلمس منٛز لوٗکن مےٚ متعلق، تہٕ ژےٚ پٔزی رومہٕ کٮ۪ن لوٗکن تہِ مےٚ متعلق ونُن۔12بیٚکہ دوٚہہ صُبحاے سمیاے کینٛہہ یہُودؠ یمہ پولُسسؔ نفرت کران ٲسؠ تہٕ لٔگؠ سُہ مارنٕکؠ طریقہٕ وننہِ۔ تِمو ووٚن پانہٕ وٲنؠ زِ یۅتام نہٕ سُہ مرِ تۅتام کھیٚمو نہٕ أسؠ کِہین تہٕ نہ چیٚمو کینٛہہ۔ تِمو کٔر خدایس عرضی زِ اسہِ وٲلؠ زِ لعنت اگر نہٕ اسہِ پننِس وعدس پیٚٹھ عمل کٔر۔13اتہِ ٲسؠ ژتجی پیٚٹھی نفر یمہ پولُسسؔ مارُن یژھان ٲسؠ۔14تِم گےَ سردار کاہنن تہٕ یہُودؠ بُزرگن نِش تہٕ وُنہکھ، "اسہِ کوٚر خدایس سٟتؠ یہ وعدٕ زِ یۅتام نہٕ أسؠ پولُسؔ مارٕ وون تۅتام کھیٚمو چیٚمو نہٕ أسؠ کِہین۔15اوٕ کِنؠ چھِ أسؠ توٚہہ گزٲرش کران زِ توٚہؠ گٔژھیٚو سردارس نِش تہٕ ونووس پوٗرٕ یہُودؠ کونسل کہ طرفہٕ پولُسؔ اسہِ نِش اننہٕ باپتھ۔ کمانڈرس ؤنیٚو زِ ژٕ چُھکھ پولُسؔ سٟتؠ بیٚیہِ کانٛہہ کتھ کرٕنؠ یژھان۔ أسؠ روزو پولُسؔ مارنہٕ باپتھ انتظار کران ییٚلہِ سُہ یپٲرؠ نیرِ۔16مگر پولُسؔ سنٛزِ بیٚنہِ ہنٛدؠ نیٚچوؠ بوز زِ یِمن کیاہ ارادٕ چُھ، چناچہ سُہ گو قلعس منٛز تہٕ ونُن پولُسسؔ۔17ییٚلہ پولُسنؔ یہ بوز تمؠ اوٚن اکھ افسر ناد دِتھ تہٕ ووٚننس، "مہربٲنی کرِتھ نِتن یہ نوجوان کمانڈرس نِش، تکیازِ أمِس چُھ تس کہتام ونُن"18چناچہ افسرن نیٚو یہ نوجوان کمانڈرس نِش۔ افسرن ووٚن کمانڈرس، "پولُسؔ قٲدؠ کوٚر مےٚ آلو تہٕ ووٚنُن مہربٲنی کرِتھ نِن یہ نوجوان کمانڈرس نِش، تکیازِ أمِس چُھ کہتام ونُن"19کمانڈرن کٔر نوجوان لڑکس اتھس تھف تہٕ نیوٗن الگ کُن تہٕ پرُوژھنس، "ژٕ کیاہ چُھکھ مےٚ ونُن یژھان؟"20تٔمؠ ووٚن، "کینٛہہ یہُودؠ چھِ یمہ پولُسسؔ پگاہ پننہِ مجلسہ منٛز انٕنؠ یژھان چھِ۔ تِم ونن زِ أسؠ چھِ أمِس کینٛہہ سوال پرٕژھنؠ یژھان۔ مگر تہِ چُھنہٕ پزر۔21یہ کینٛژھا تِم توٚہہِ کرُن ونن تہِ کٔرزیٚو نہٕ تکیازِ تتہِ آسن ژتجی کھۅتہٕ زیادٕ یہُودؠ نفر زاگہِ بہِتھ پولُسسؔ قتٕل کرنُک انتظار کران ییٚلہ سُہ کونسلچہِ وتہِ کِنؠ نیرِ۔ حطاکہ تِمو چُھ خدایس سٟتؠ عہد کوٚرمُت زِ یۅتام نہٕ تِم پولُسسؔ قتٕل کرن تۅتام نہ کھیٚن تِم کینٛہہ تہٕ نہ چیٚن۔ تِم چھِ یہ کرنہٕ خٲطر تیار تہٕ وُنہ کٮ۪ن چھِ تِم انتظار کران زِ توٚہؠ گٔژھیٚو تتھ کتھِ پیٚٹھ رٲضؠ یہ تِم توٚہہِ کرُن ونان چھِ"22کمانڈرن ووٚن نوجوانس، "ژٕ ؤنؠ زیٚنہٕ کانٛسہِ زِ ژےٚ ونُتھ مےٚ اتھ منصوبس متعلق" پتہٕ کوٚر تٔمؠ نوجوان روانہٕ۔23پتہٕ أنؠ کمانڈرن پنٕنؠ زٕ افسر ناد دِتھ تہٕ ونُن تِمن، "دون ہتن سِپہن ہنٛز اکھ جماتھ کٔرؠ وون سفرٕ خٲطرٕ تیار۔ گُریٚن پیٚٹھ ستتھ سِپاہ تہ دویِمیٚن دون ہتن سِپہن سٟتؠ یمہ نیزٕ ہیٚتھ آسن۔ توٚہہِ سارنی پزِ از راتھ کیُت نوِ بجہ قیصریہ شہر کُن گژھنہٕ باپتھ تیار روزُن۔24تہٕ پولُسؔ سنٛزِ سوارِ باپتھ نیزیٚوکھ گُرؠ سٟتؠ، تہٕ سُہ نیزیون حفاظتہٕ سان فیلِکسؔ سنٛدِس محلس منٛز۔25پتہٕ لیٚوکھ کمانڈرن گورنر سںنٛدِ ناوٕ خط۔ تمؠ یہ لیٚوکھ تہِ چُھ یتھ کنؠ:26"بہٕ چُھس کلودیُسؔ لوسیاسؔ توٚہہ لیٚکھان۔ فیلِکسؔ چُھ سون گورنر یمِس أسؠ کٲفی عزت کران چھِ، تہٕ بہٕ چُھسو توٚہہ سلام پیش کران۔27مےٚ سوز یہ نفر پولُسؔ توٚہہ نِش تکیازِ کینٛژو یہُودیٚو اوس یہ روٚٹمُت تہٕ اوسُکھ مارُن ہیٚوتمُت۔ مگر مےٚ بوز کمِس تام نِش زِ یہ چُھ رومی شہری، بہٕ تہٕ میانؠ سِپاہ گےَ تہٕ بچوو سُہ۔28بہٕ اوسُس زانُن یژھان زِ تِم یہُودؠ کیاہ ٲسؠ ونان زِ تٔمؠ چُھ غلط کوٚرمُت، امہِ موٚکھٕ نِیاو مےٚ سُہ یہُودؠ مجلسہِ منٛز۔29مےٚ بوز ییٚلہِ تِم نفر تمِس سوال کران ٲسؠ تہٕ تٔمؠ دیُت جواب۔ یِمن چیزن ہُنٛد تِمو تس اِلزام دیُت تِمن ہُنٛد تعلُق اوس تِہنٛدین یہُودؠ قانونن سٟتؠ۔ مگر پولُسنؔ کٔر نہٕ سانٮ۪ن رومی قانونن ہنٛز کانٛہہ نافرمٲنی۔ لہٰذا پزِ نہٕ سانٮ۪ن حٲکمن تس پھٲسؠ دِنؠ، ہانٛکلو سٟتؠ بند کرُن یا پزیٚکھ جیل برُن۔30کٔمؠ تام ووٚن مےٚ زِ کینٛہہ یہُودؠ چھِ أمِس نفرس مارنُک اِرادٕ کرِتھ، امہِ کِنؠ سوز مےٚ یہ توٚہہ نِش تاکہ توٚہؠ کریٚو أمِس سٟتؠ انصاف۔ مےٚ دیُت تِمن یہُودینؔ تہِ حکم یِمو تمِس اِلزام دِتؠ زِ تِم گژھن توٚہہ نِش قیصریہ تہ ونن توٚہہ زِ أمِس کیاہ خطا چُھ۔ الوداع۔31لہٰذا کوٚر سِپہو تی یہ کمانڈرن تِمن ووٚن۔ تِمو رۅٹ پولُسؔ تہٕ واتہٕ نووُکھ راتھ کیُت پانس سٟتؠ انتیپترسؔ۔32بیٚہِ دوٚہہ آے سِپاہ وۅکھٕلؠ یروشلم واپس تہٕ یِم سِپاہ گُرین پیٚٹھ ٲسؠ تِم گےَ پولُسسؔ سٟتؠ۔33ییٚلہ تِم قیصریہ شہرس منٛز وٲتؠ تہٕ سُہ خط دِتُکھ گورنرس تہٕ پولُسؔ تھووُکھ تس برُونٛہہ کنہِ۔34گورنرن ووٚن خط پرنہٕ پتہٕ پولُسسؔ، "ژٕ کمہِ صوبُک چُھکھ؟" پولُسنؔ دتُس جواب، "بہٕ چُھس کلکیہ صوبُک"35پتہٕ ووٚن گورنرن، "ییٚلہ تِم لوٗکھ ین یِمو ژےٚ اِلزام دِتمتؠ چھی تہٕ بہٕ بوزٕ گۅڈٕ توٚہہِ سارنی ہُنٛد تہٕ پتھ کرٕ تُہنٛدِ مسلُک فٲصلہٕ" پتہٕ دیُت تمؠ حکم زِ پولُسسؔ تھایو تتھ محلس منٛز پہرٕ یُس عظیم بادشاہ ہیرودیسنؔ بنوومُت چُھ۔
Bridge Connectivity Solutions Pvt. Ltd.