اعمال22
1پولُسنؔ ووٚن، "یہُودؠ بزرگو تہٕ میانیٚو یہُودؠ سٲتھیو، میانؠ کتھ بوزیٚو یودوے بہٕ تِمن لوٗکن سٟتؠ کتھ کران چُھس یمہ مےٚ الزام دِوان چھِ"2ییٚلہ لُکہ ہجومن پولُسؔ تِمن سٟتؠ پننہِ عبرٲنؠ زبٲنؠ منٛز کتھ کران بوز تِم گَے خاموش تہٕ لٔگؠ بوزنہِ۔ پتہٕ ووٚن پولُسنؔ تِمن،3"توٚہہ سارنی ہنٛدؠ پٲٹھؠ چُھس بٕتہ یہُودؠ۔ بہٕ چُھس کلکیہ صوبہ کِس ترسسؔ شہرس منٛز زامُت، مگر بہٕ چُھس یتؠ یروشلمس منٛزےٕ پرتھیٚومُت۔ ییٚلہ بہٕ لۅکُٹ اوسُس تہٕ مےٚ چھِ تِم قانون ہیٚچھمٕتؠ یمہٕ موسیٰؔ ہن سانٮ۪ن جدٕاجدادن دِتؠ مٕتؠ ٲسؠ۔ گملی ایلؔ اوس میٚون اُستاد۔ مےٚ کٔر تِمن قانونن پیٚٹھ عمل تکیازِ بہٕ اوسُس خدایہ سنٛز فرمانبرداری کرٕنؠ یژھان، تہٕ مےٚ چُھ یقین زِ توٚہؠ سٲری ٲسیٚو تِمن قانونن ہنٛز پٲروی کران۔4اوے کِنؠ کٔر مےٚ تِم لوٗکھ گرفتار کرنٕچ کوشش یمہ یسوعسؔ متعلق خدایہ سنٛدِس پٲغامس پیٚٹھ یقین تھاوان ٲسؠ۔ مےٚ ژھٲنڈؠ تمہ مارنٕکؠ طریقہٕ۔ ییٚلہ تہِ مےٚ اتھ پٲغامس پیٚٹھ یقین تھاون وٲلؠ مرد تہٕ زنہِ وُچھِ، مےٚ بٔرؠ تِم قٲد خانن منٛز۔5سردار کاہن اوس یہ زانان تہٕ یتھے پٲٹھؠ باقی نفر تہِ یِم سٲنِس یہُودؠ کونسلس سٟتؠ تعلق تھاوان چھِ۔ تِمو دِتؠ مےٚ کینٛہہ خط دمشق شہرس منٛز پننٮ۪ن یہُودؠ سٲتھیٚن نِش نِنہٕ باپتھ۔ یِمو نامو سٟتؠ میٚول مےٚ تور گژھنُک تہٕ یسوعسؔ پیٚٹھ ایمان انن والیٚن لوٗکن گِرفتار کرنُک طاقت۔ پتہٕ اوسسکھ بہٕ تمہ قٲدؠ بناوِتھ یروشلم انٕنؠ یژھان یُتھ تِمن یتی سزا ییہِ دِنہٕ۔6لہٰذا گوس بہٕ دمشق۔ دوپہرس سٟتی ییٚلہ بہٕ دمشق نزدیک ووتُس تہٕ اچانک لوٚگ آسمانہٕ پیٚٹھ اکھ چمکہٕ وُن گاش مےٚ ژوٚشوٕیو انٛدو چمکٕنہِ۔7یہ چمکہٕ وُن گاش اوس یوٗت تیز زِ بہٕ آس پتھر لایہ نہٕ۔ پتہٕ بوز مےٚ آسمان پیٚٹھٕچ اکھ کہنٛز تام غٲبی آواز یۅسہ مےٚ ونان ٲس، "ساوُل! ساوُل!ژٕ کیازِ چُھکھ مےٚ تکلیف دنہٕ واجنہِ کامہ کران؟"8مےٚ دِتُس جواب، "توٚہؠ کمہٕ چُھو، خداوند؟ تٔمؠ دیُت جواب، "بہٕ چُھس ناصرتُک یسوعؔ یمِس ژٕ تکلیف دِوان چُھکھ"9یمہ مےٚ سٟتؠ سفرس ٲسؠ تِمو تہِ وُچھ یہ چمکدار گاش، مگر تِمن توٚر نہٕ فِکرے زِ یہ آواز کیاہ چھےٚ ونان۔10پتہٕ پرُوژھ مےٚ، "خداوند، توٚہؠ کیاہ چُھو مےٚ نِش یژھان؟" خداوندن ووٚن مےٚ، وۅتھ تھوٚد تہٕ نیر دمشق۔ تتہِ ؤنی ژےٚ اکھ نفر تہِ سورےٕ یہ مےٚ ژٕ کرناونُک منصوبہ بنومُت چُھ"11امہِ پتہٕ اوسُس نہٕ بہٕ کِہین وُچِھتھ ہیٚکان تکیازِ أمؠ تیز گاشن بنووُس بہٕ اوٚن۔ چناچہ یِم نفر مےٚ سٟتؠ ٲسؠ تِمو کٔر مےٚ نرِ تھف تہٕ نیوہس دمشق۔12اکھ نفر یمِس حننیاہؔ ناو اوس او مےٚ سمکھنہِ۔ سُہ اوس تیٚوتھ نفرا یمؠ خدایس عزت کوٚر تہٕ یہُودؠ قانونن ہنٛز پابندی کٔر۔ دمشقس منٛز روزن والیٚو تمام یہُودیو کٔرؠ تمسنٛدؠ تعریف۔13سُہ آو تہٕ رود مےٚ نِش وۅدٕنؠ تہٕ ونُن، "میانہٕ ساوُلؔ دوستا، وُچھ سا بیٚیہِ" مےٚ وُچھ جلدےٕ تہٕ مےٚ وُچھ سُہ پانس برُونٛہہ کنہِ کھڑا۔14پتہٕ ووٚن تٔمؠ، "یمِس خدایہ سنٛز أسؠ عبادت کران چھِ تہٕ یمسنٛز عبادت سٲنؠ جدٕاجداد کران ٲسؠ، تٔمؠ ژورنکھ ژٕ تہٕ ژےٚ ہٲوی سُہ زِ سُہ کیاہ چھُے ژےٚ کرناوُن یژھان۔ تٔمؠ ہونے ژےٚ سُہ راستباز شخص، یسوع مسیحؔ، تہٕ ژےٚ بوزُتھ پانہٕ ییٚلہ سُہ ژےٚ سٟتؠ کتھٕ اوس کران۔15سُہ چُھ یژھان زِ ژٕ ونکھ پرٛتھ جایہ لوٗکن یہ ژےٚ وچُھتھ تہٕ بوزتھ۔16بس ووٚنؠ مہٕ کر ژیر! وۅتھ تھوٚد، بہٕ دِمے ژےٚ بپتسمہ، تہٕ خداوند یسوعسؔ کر دُعا تہٕ خدایس منٛگ پننیٚن گنہن ہنٛز معافی!"17تمہ پتہٕ آس بہٕ یروشلم واپس۔ اکہ دوٚہہ گوس بہٕ ہیکل کِس صحنس منٛز تہٕ ییٚلہ بہٕ تتہِ عبادت کران اوسُس تہٕ مےٚ وُچھ اکھ خواب۔18خداوندن ووٚن مےٚ، "یتہِ مہٕ روز۔ ووٚنؠ تراو یروشلم، تکیازِ یتِکؠ لوٗکھ کرن نہٕ تتھ پیٚٹھ پژھ یہ ژٕ یِمن مےٚ متعلق ونان چُھکھ!"19مگر مےٚ ووٚن تس، "خداوند، تِم چھِ زانان زِ بہٕ گوس پننٮ۪ن واریہن عبادت خانن منٛز تُہنٛدؠ ایمان وٲلؠ وُچھنہِ۔ بہٕ اوسسکھ تم قٲدس منٛز بران یمہ بہٕ وُچھان اوسسکھ زِ یمہ چھِ تُہنٛدؠ ایمان وٲلؠ تہٕ بہٕ اوسس تِمن مار تہِ دِوان۔20تِمن چُھ یاد زِ ییٚلہ ستفنس امہ موٚکھٕ مارنہٕ آو زِ سُہ اوس توٚہہ متعلق لوٗکن ونان تہٕ بہٕ اوسُس تتہِ کھڑا روزِتھ وُچھان تہٕ تتھ تٲید کران یہِ تِم کران ٲسؠ۔ مےٚ کٔر نیٚبرٕ کنہِ پلون رٲچھ یمہ قتل کرن والیٚو اکِتھ کُن ترٲمٕتؠ ٲسؠ۔21مگر خداوندن ووٚن مےٚ، "نہ، یتہِ مہ روز! یروشلم تراو، تکیازِ بہٕ چُھستھ ژٕ یتہِ پیٚٹھٕ واریاہ دوٗر دویمیٚن لُکہٕ جمٲژن مطلب غٲر یہُودین نِش سوزن وول"22لوٗکو بوز زِ پولُسؔ کیاہ چُھ ونان یۅتام نہٕ تٔمؠ خداوند سنٛدِس دویمیٚن لُکہٕ جمٲژن منٛز سوزنس متعلق کتھ کٔر۔ تِمو تُل پتہٕ شور، "یہ مٲرؠ وون!، یہ مٲرؠ وون! یہ چُھنہٕ ووٚنؠ زنٛدٕ روزُن لایکھ!"23ییٚلہ تِم کرٮ۪کہٕ دِوان ٲسؠ تہٕ تِمو کٔڈؠ پنٕنؠ پلو نیٚبر تہٕ چھچِکھ گرٕد ہوہس منٛز یمہ سٟتؠ ننان اوس زِ تِمن کوتاہ شرارتھ چُھ۔24تہٕ سردارن دیُت حکم زِ پولُسؔ گژھِ قٲد خانس منٛز ننہٕ یُن۔ تِمو ووٚن سِپہَن زِ تِم دِین پولُسسؔ کوڑٕ تاکہ سُہ ونہِ زِ تٔمؠ کیاہ کوٚر تیٚوتھ یمہ سٟتؠ یہُودؠ ناراض سپٕدؠ۔25تہٕ پتہٕ رچہِ تِمو تمؠ سنٛزٕ نرِ تہٕ گنجہَس تاکہ تمسنٛدِس کمرس ہیٚکہ ہن کوڈٕ دِتھ۔ مگر پولُسؔ ووٚن پانس نِش موجود سِپہس، "اگر ژٕ مےٚ اکِس رومی شہرِیس کوڈٕ والکھ ژٕ کرکھ اکھ غٲر قانونی کٲم یمِس پیٚٹھ نہٕ کانٛہہ مقدِمہ دٲیر گو تہٕ نہٕ آس بہٕ مجرم قرار دنہٕ"26ییٚلہ افسرن یہ بوز تہٕ سُہ گو کمانڈرس نِش تہٕ تس دژٕن یہ خبر۔ تمؠ ووٚن کمانڈرس، "یہ نفر چُھ رومُکؔ شہری! پٔزؠ کِنؠ ہکیٚو نہٕ توٚہؠ اسہِ أمِس کوڈٕ دِنُک حکم کرتھ!"27یہ بوزِتھ گو کمانڈر حٲران۔ سُہ گو پانے جیلس منٛز تہٕ ونُن پولُسسؔ، "مےٚ ونتہٕ ژٕ چُھکھا پزی رومُکؔ شہری؟" پولُسنؔ دِتُس جواب، "آ، بہٕ چُھس رومی"28پتہٕ ووٚن کمانڈرن بٕتہ چُھس رومُکؔ شہری۔ مےٚ کٔرؠ رومی شہری بننہٕ خٲطرٕ واریاہ پونٛسہٕ خرٕچ۔ پولُسنؔ ووٚن، "مگر مےٚ چُھ بحثیتِ رومی شہری یی زایُن نِمُت"29سِپاہ ٲسؠ پولُسسؔ کوڈٕ دنہٕ باپتھ تہٕ تس پننِس کٔرمٕتِس سوال کرنس تیار۔ مگر پولُسؔ سنٛز کتھ بوزِتھ ترُوو سُہ تِمو یلہٕ۔ کمانڈر تہِ کھوژ، تکیازِ سُہ اوس زانان زِ پولُسؔ چُھ رومُکؔ باشنٛدٕ تہٕ ییٚلہ تمؠ سِپہن پولُسؔ سنٛدؠ اتھٕ گنڈنٕکؠ حکم دیُت تٔمؠ پھُٹروو تہِ کٔرِتھ قانون۔30کمانڈر اوس وُنتہِ یہ زانُن یژھان زِ یہُودؠ کیازِ چھِ پولُسسؔ الزام لاگان۔ چناچہ دویمہ دوٚہہ ووٚن تٔمؠ سِپہَن زِ پولُسسؔ کٔڈیٚو زنجیرِ نیٚبر۔ تمؠ أنؠ سردار کاہن تہٕ کونسلٕکؠ باقے ممبر تہِ ملاقاتہٕ باپتھ بلٲوِتھ۔ پتہٕ نیٚو تٔمؠ پولُسؔ تہِ تورؠ یتہِ کونسلُک دربار اوس تہٕ تس آو وننہٕ زِ سُہ سپدِ تِمن برُونٛہہ کنہِ کھڑا۔
Bridge Connectivity Solutions Pvt. Ltd.