Dan4
1seg elmlek nebuwxeδneser, y leεbaδ elkul seg lecεuwb d ellummaθ d elluγaθ elli g elεalem elkul. eslam fellawem.2eferHe max exenxebre f ellayaθ d muεjzaθ elli yegiyneθ iyδi rebbi elεali.3ellayaθes ma ekberhum! w muεjzaθes ma eqwahum! elmelkes e yeqqiym diyme w eSSultanes e yeqqiym eljiyl beεεeδ eljiyl.4neč nebuwxeδneSSer kane imeθhenni g elHuciyw, imweffeq g elqaSriyw.5elweqθes zriyγ tirjiyθ θqelqiyδ, tHeyriyδ w neč nεese g esririyw.6eyendeγ eDelbe bac e yeddaγen elεuqqal elkul g babel bac e yfesren θirjiyθiyw.7asδen iseHHaren d imejuwsiyyen d imunejmen, eHkiγasen θirjiyθiyw, w elgeddenc eyetfesren.8g ellexxer yaδef f elle danyal elli ellesmes belTecaSSer m ellesm n errebbiw w δiys erruwH n lerbuwb diqeddiysen eHkiyγes θirjiyθiyw enγes:9ha belTecaSSer siyδiys n iseHHaren, sliyγ elli δiyx erruwH n iqeddiysen w elyetteSεab fellax Hette ciy, fesriyδ tirjiyθe elli zrixt:10zriyγ w neč nεese g esririyw, tay eccejreθ g emmes n elqeεεeθ teεle egget.11tekbar eccejreθ teqwe yaweD elεelwes y esme w etmezre seg ellexxer n elqeεεeθ.12lureqes bhaneθ w elγeltes egget, w δiys eče y leεbaδ elkul, seddu eTTelles eyeqqiym elhwayec n essewweθ, w g leεrefes eεececen izenniywen n esme w essis esθqaθen elli edderen elkul.13<<w elweqθelli neč etteqiyγ w zerre g erruYeθe, yeggez fella elmlax δ eTTaher yetεus seg esme14yzeεweg s eSSuwθ yeqwe: ebyeθ eccejreθdiyn tquSSem leεrefes. ferθeθ lureqes teksem γeltes tγ elbem elhweyc seg sedwes w izenniywen seg leεrefes.15emme edjeθ elεeθgeθ d leεruwqes g elqeεεeθ θeqnemten s esselsleθ n uzzal d enHas g emmes n elHciyc n essewweθ, θedjemti e yellexs s enneδweθ n esme w elbeyes eykuwn d elhwayec n essewweθ δ elHciyc n elqeεεeθ,16w e yembeddel ules seg uwl n elεebδ y uwl n elweHc elmi θεedden felles sebεe sniyn.17elHukme wah eDlbent elmlayxe elli etεusen ennen felles y iqeddiysen, bac e snen elli edderen elli rebbi elεali iθuč essulTeθ f leεbaδ, elli nette yθučiθ y elli yexs w yetHuT felles leεbaδ imeθweDεen.18θahen eyendeγ tirjiyθ elli zrixt neč elmlek nebuwxeδneSSer, w cex ha belTecaSSer en f efesres εlexaTer elεuqqal elkul g elmemlexθiyw elkul elgeddenc eθfesren. yemenni cex eθgeddeδ e tfesreδ εlexaTer δiyx erruwH n lerbuwb imqedsen.>>19yeqqiym danyal elli ellesmes belTecaSSer yeθHeyyer esseεεeθ yeqleq seg uxemmem, yennes elmlek:<<ha belTecaSSer, eθedjec exiqelleq la δ tirjiyθ w la δ efesres.>> yjewebθi belTecaSSer:<<la ya siydiy, eθmenniγ tirjiyθ y elli exγisenc w efesres y elεδewwex.20eccejreθ elli θezritteθ etteεle etteqwe w i θaweD eTTules y esme w etmezre seg elqeεεeθ elkul,21elli lureqes bhaneθ w elγeltes egget w δiys eče y elkul, w sedwes etqiymen elhwayec n essewweθ, w g leεrefes εemren izenniywen n esme22netteθ δ cex ey elmlek. εlexaTer cex θekbareδ teqwiyδ terni elqewθex elmi θiyweD y esme w eSSulTanex y ellexxer n elqeεεeθ.23max i θezriyδ elli elmlax eTTaher yetεus yeggez seg esme yen: ebyeθ eccejreθ temeHqemteθ, yemenni edjeθ elεeθgeθes d leεruwqes g elqeεεeθ teqnemteθ s uzzal d enHas g emmes n elHciyc n essewweθ θedjemti eyellexs s enneδweθ n esme, w elbeyes eykuwn d elhwayec n essewweθ elmi θεedden felles sebεe sniyn.24wah efesres ey elmlek w wah eyendeγ elHukm n rebbi elεali fellax ha siydiy elmlek:25δ θemgelbeδ lebεiyδ f leεbaδ teεmreδ d elhwayec n essewweθ tečeδ elHciyc m ifunasen tellexseδ s enneδweθ n esme, θεedden fellax sebεe sniyn elmi θesneδ elli rebbi elli lennej iθuč essulTeθ f elmemlxeθ n leεbaδ w yθučiyθ y elli yexs.26emme elli yeĎleb elmlax bac e yeqqiym seg elεeθgeθ n eccejreθ d leεruwqes, elmeεntes elli elmelx δ yeqqiym y cex beεεeδ n elli e θesneδ elli eSSulTan y erreb n esme.27heδake εlac exenSHe ey elmlek bac e θkefreδ f elxĎeyax s eSlaH tegeδ erreHmeθ f iqelliylen, bac e yeTwal elhnax. eθmenniγ eθeqebleδ enSeyeHe.>>28wah elkul ySar y nebuwxeδneSSer elmlek.29beεεeδ i θεeddan θnac chuwr ykan yegguwr f esqef n elqSer n babel,30yen, <<enzi mesmeHha babel elli bniγt s elquδerθiyw d elmejδiyw eγext δ elεSmeθ n elmelxiyw.>>31w elweqθ elli edwiye elyuwc g imis, yeggez eSSuwθ seg esme:<<y cex ey elmlek nebuwxeδneSSer enne: yemreq fellax elmelx,32w e θemgelbeδ seg jar leεbaδ teεmreδ d elhwayec n essewweθ tečeδ elHciyc m ifunasen, θεeddan fellax sebεe sniyn elmi θesneδ elli erreb elli lennej iθuč essulTeθ f elmemlxeθ n leεbaδ w yθučiθ y elli yexs.>>33g elweqθdiyn yemmeHkem f nebuwxeδneSSer, yemgelleb seg emmes n leεbaδ, yeč elHciyc m ifunasen, yellexs elbeδnes s enneδweθ n esme, elmi yeTwal ezewes m erriyc n ennesr w iccernes m iccaren n izenniywen.34yen elmlek nebuwxeδneSSer:<<w beεεeδ iδuqan sebεe sniyn qame ixfiyw y esme yerjεiyδ elεeqliyw, berke y rebbi elli lennej, sebHe εeĎme elli yedder diyme, elli eSSulTanes diyme w elmelkes s eljiyl y eljiyl,35w elli yεemmer g elqeεεeθ elkul yetmeHseb Hette ciy, w yetteSSerraf g eleεsaker nesme d elli εemren g elqeεεeθ emmax i yexs, w elyetged Hette Hed esyen mat i ttegeδ36g elweqθdiyn yerjεiyδ elεeqliyw, yemmerriδ elmelxiyw d elmejδiyw d elqeδriyw, eĎlebniyδ elwezraw d imeqqerniyw erniyδ y elmelxiyw, yekbar ecceniyw exθer n qebl.37w ture neč elmlek nebuwxeδneSSer, etsebHe w etεeĎme w etmejδe g elli ymellex esme. elli yθeg δiys elkul δ elHeq w ebriδes eddiyc elHiyleθ, w eyged eyδul elli γers ennefxeθ.
Chutney Media Agency Limited