ROM4
Uwutñkpọ Ebraham
1Nso ke ñnyin ididọhọ ndien ibaña Ebraham, emi edide akwa ete ñnyin? Nso ifiọk ke enye ekenyene abaña owo ndinen ye Abasi nto ke mbuọtidem?2Edieke ekpenamde enye enen ye Abasi oto ke mme ñkpọ emi enye akanamde, enye ekpenyene ntak nditaña ase, edi enye ikemeke nditaña ase ke iso Abasi.3Koro Ñwed Abasi ọdọhọ ete, Ebraham ama enim Abasi ke akpanikọ, anam oto ke ntak mbuọtidem esie, Abasi ama ada enye nte edinen owo.4Owo emi anamde utom ọbọ ukpe okuk, owo ibatke utib utom esie nte enọ mme ñkpọ mfọn, edi ebat nte okuk emi enye anamde utom ọbọ.5Edi owo emi minamke utom edi enyene mbuọtidem, enye emi enimde Abasi emi anamde ikpe etebe mme idiọk owo ke akpanikọ, edi mbuọtidem esie ke Abasi emen esin ke ibat, man oto do Enye anam enye enen ke iso Esie.6Emi ke Defid ekekere, ke ini enye etiñde abaña inemesit owo emi Abasi abatde nte edinen owo, emi misañake ye utom;7Ọfọfọn ọnọ mme mmọ emi Abasi efende mme idiọkñkpọ mmọ,emi Enye onyuñ ofukde ndudue mmọ ofuri ofuri!8Ọfọfọn ọnọ mme mmọ emiAbasi mibatke aba mme idiọkñkpọ mmọ inọ mmọ.9Nte inemesit emi Defid eketiñde enyene mmọ emi enade mbobi ikpọñ ikpọñ? Baba-o, onyuñ enyene mme mmọ emi minaha mbobi ñko. Koro ñnyin imokut ke ñwed Abasi, ite, “Ebraham ama enim Abasi ke akpanikọ, ndien ke ntak mbuọtidem esie Abasi ama enyime enye nte edinen owo.”10Ini efe ke ñkpọ emi akada itie? Nte ekedi ke ini emi enye ama akana mbobi mme ekedi ke ini emi enye mikinaha mbobi kaña? Ekedi mbemiso enye akana mbobi, ikedighe ke ini enye ama akanana mbobi.11Ekenim enye mbobi ke Abasi ama ọkọñwọñwọñọ ndidiọñ enye, ke ntak mbuọtidem emi Ebraham ekenyenede. Abasi ama abat enye nte edinen owo mbemiso enye ana mbobi. Ke ntre Ebraham edi ete ke Spirit ọnọ kpukpru mmọ emi enimde Abasi ke akpanikọ, emi Enye onyuñ abatde nte mme ndinen owo, okposuk edi emi mmọ minaha mbobi.12Enye onyuñ edi ete mme mmọ emi enade mbobi ñko, idighe ke ntak emi mmọ enade mbobi, edi koro mmọ edude ukem ukem uwem mbuọtidem emi ete ñnyin Ebraham okodude mbemiso enye ana mbobi.13Abasi ama ọñwọñọ ọnọ Ebraham ye ubon esie ete ke ofuri ererimbot edinyene enye idighe koro Ebraham ekenimde ibet akanam Abasi anam eñwọñọ emi, edi koro enye ama enim ke akpanikọ anam Abasi ama abat enye nte edinen owo.14Koro edieke eñwọñọ emi Abasi ọñwọñọde ekpenyenede mme mmọ emi enimde ibet, mbuọtidem emi owo enyenede ọkpọwọrọ ikpuikpu, mme eñwọñọ Abasi ñko ikpenyeneke udori.15Ibet ada iyaresit Abasi edi; edi ebiet ekededi emi ibet miduhọ edibiat ibet ñko inyuñ iduhọ.16Eñwọñọ emi okodoro ke mbuọtidem, man oto do eñwọñọ emi enyene uwem nte enọ emi Abasi ọnọde ubon Ebraham ke mfọn, idighe mme mmọ emi enimde ibet ikpọñ, edi ye mme mmọ emi enimde ke akpanikọ nte Ebraham ekenimde. Koro Ebraham edide ete ke Spirit ọnọ kpukpru owo;17nte ñwed Abasi etiñde ete, “Ami mmanam fi edi ete ediwak mme idut.” Ke ntre eñwọñọ emi ọfọn ke enyin Abasi, emi Ebraham ekenimde ke akpanikọ, Abasi emi anamde mme akpa ñkpa edu uwem, emi uyo ewuhọ Esie anamde se mikeduhọ edu.18Ebraham ama enim ke akpanikọ onyuñ enyene idorenyin ke idem ini emi idorenyin mikeduhọ anam oto ke ntak oro enye ama edi, “Ete ediwak mme idut.” Ukem nte ñwed Abasi ọdọhọde ete, “Ubon fo ediwak ntem.”19Enye ekedi ñkpọ nte owo isua ikie, edi mbuọtidem esie ikememke ke ini enye ekekerede ikpọkidem esiemọ, emi ama akakpa ama, ye nte Sera ekebede isua uman eyen.20Mbuọtidem esie ikekpọñke enye, ndien enye ikenyuñ iyikke eñwọñọ Abasi; mbuọtidem esie ama ọyọhọ enye ye odudu, ndien enye ama ọnọ Abasi ekọm.21Enye ama eneñede enim ke akpanikọ ete ke Abasi ekeme ndinam se Enye ọkọñwọñọde.22Emi edi ntak emi Abasi akabatde Ebraham nte edinen owo oto ke mbuọtidem esie.23Ikọ emi edọhọde ete, “Ema enyime enye nte edinen,” ikewetke inọ enye ikpọñ,24edi ekewet ñko enọ ñnyin emi edibatde nte mme ndinen, emi ibuọtde idem ye Enyemi akanamde Jisọs Ọbọñ ñnyin eset ke ñkpa.25Ema eyak Enye enọ ñkpa kabaña mme idiọkñkpọ ñnyin, ndien ema enam Enye eset man enam ñnyin inen ke iso Abasi.Biblica, Inc.