ROM3
Ufọn Edidi Owo Ju
1Nso ke mme Ju eda ekan mme mbon efen? Mme nso ufọn idu ke edina mbobi?2Ndidi Ju enyene ediwak ufọn. Ke akpa itie, Abasi akayak ikọ Esie ọnọ mme Ju.3Edidi didie ndien? Edieke ndusuk mmọ mikanamke akpanikọ? Nte unana edinam akpanikọ mmọ ekeme ndidi ntak emi Abasi minamke akpanikọ?4Ke akpanikọ idighe ntre! Abasi enyene ndidi anam akpanikọ, kpukpru owo ekpededi mme osu nsu. Kpa nte ewetde ke ñwed Abasi ete, “Man unen fo ọwọrọ owut idem ke kpukpru ikọ inua fo, ndien afo onyuñ akan ke kpukpru eneni emi enenide ye ikọ fo.”5Edi edieke oburobut ido ñnyin ayararede mfọnmma ido Abasi, nso ke ñnyin ikpenyene nditiñ? Nte ke Abasi anam edue ke ndimia ñnyin ufen? (Ami ntiñ ke edu ekikere owo).6Idighe ntre, koro edieke Abasi mikpedighe edinen, Enye ekpekeme didie ndikpe ikpe ererimbot?7Edi edieke unana akpanikọ mi anamde Abasi enyene ubọñ ke ndinam akpanikọ Esie ọsọñọ ada onyuñ atara, nso ndien idi ntak emi esuk ebiomde mi ikpe nte anam idiọkñkpọ?8Nso idi ntak emi ñnyin midọhọke ite, “Eyak ñnyin inam idiọk man oto do ufọn edi?” Mme owo ebiat enyiñ ñnyin ke edisua nnọ ñnyin nte ke imetiñ mme utọ ikọ ntre. Mmọ eyebọ ubiomikpe emi odotde.9Nso ndien ke ñnyin ididọhọ? Nte ñnyin mme Ju imọfọn ikan mme mbon efen? Baba-o, idighe ntre, koro ñnyin ima ibebem iso iwut ite ke kpukpru owo edi mme anam idiọkñkpọ ukem ukem, edide Ju mme mmọ emi midighe Ju.10Nte ñwed Abasi etiñde ete, “Baba owo kiet emi enende iduhọ, baba owo kiet ke ofuri ererimbot emi enende iduhọ.”11Baba owo kiet emi enyenede ifiọk iduhọ. Baba owo kiet emi oyomde Abasi iduhọ.12Kpukpru owo ema ewọñọde ekpọñ Abasi, kpukpru mmọ enyuñ ebiara, baba owo kiet emi anamde se ifọnde iduhọ, baba ndomokiet.13Usuñitọñ mmọ etie nte anaiñwañ udi, edeme mmọ eyọhọ ye oburobut nsu, ndien ndiọi ikọ emi ebietde ifọt urukikọt edu ke ñkpọkinua mmọ.14Inua mmọ eyọhọ ye isuñi ye ndot ndot ikọ.15“Ikpat mmọ esọp ndinọ unan, enyuñ esọp ndiwot.16Mmọ ekpọñ nsobo ye ndutuhọ ke ebiet ekededi emi mmọ ekade.17Mmọ inyuñ idiọñọke usuñ emem,”18“mme mmọ ndikpep nte ebakde Abasi.”19Edi ñnyin imọdiọñọ ite se ededi emi ibet etiñde, etiñ ọnọ mmọ emi edude ke idak ibet, man oto do etre kpukpru mfaña mme owo, ndien eda ofuri ererimbot esin ke idak ikpe Abasi.20Koro idinamke owo ndomokiet enen ke iso Abasi oto ke edinim ibet; edi se ibet anamde edi ndinam owo ọfiọk ete ke imọ idi anam idiọkñkpọ.21Edi ke emi Abasi ayarade usuñ emi anamde mme owo enen ke iso Esie, usuñ emi inyeneke ñkpọ ndomokiet ndinam ye ibet. Mme ibet ye mme Asiak Uduak Abasi enyuñ edi mme ntiense enọ enye.22Abasi anam mme owo enen oto ke mbuọtidem emi mmọ enyenede ke Jisọs Kraist. Abasi anam emi ọnọ kpukpru mmọ emi enimde Kraist ke akpanikọ, koro ukpuhọde ndomo baba kiet iduhọ.23Koro kpukpru owo ema enam idiọkñkpọ, enyuñ eduọ ekpọñ ubọñ Abasi.24Edi oto ke mfọn Abasi emi edide ke mfọn enam kpukpru owo enen ke iso Abasi oto ke emi Kraist anamde mmọ ebọhọ.25Koro Abasi ọkọdọñ Kraist Jisọs edibọ ufen idiọkñkpọ ñnyin, onyuñ etre kpukpru iyaresit Abasi ye ñnyin. Enye akada iyip Kraist ye mbuọtidem ñnyin afak ñnyin osio ke iyaresit Esie. Ke usuñ emi Enye ama enen eti eti, okposuk edi emi enye mikamiaha mme mmọ emi ekenamde idiọkñkpọ ke akpa ini ufen. Koro Enye ekebet ini emi Kraist edidide ndimen mme idiọkñkpọ oro mfep.26Edi idahaemi, ke eyo emi, Enye ifumike mme idiọkñkpọ mme owo, man oto do Enye osio edinen ido Esie owut. Ke usuñ emi Abasi anam owut nte imọ ke idem imọ idi edinen ndien ke imọ inen iso ye owo ekededi emi enimde Kraist ke akpanikọ.27Nso ndien ke ñnyin ikeme nditaña ase mbaña? Ñkpọ ndomokiet iduhọ! Ndien asaña didie edi ntre? Ndi koro ñnyin inimde ibet? Baba o, edi koro ñnyin inimde ke akpanikọ.28Ñnyin ikut ite ke owo enen ye Abasi oto ke mbuọtidem ikpọñ ikpọñ, idighe ndinam se ibet etemede.29Mme nte Abasi edi Abasi mme Ju ikpọñ? Mme nte Enye inyuñ idighe Abasi mmọ emi midighe mme Ju ñko? Ke akpanikọ Enye onyuñ edi Abasi mme mmọ emi midighe Ju ñko.30Sia Abasi edide Abasi kiet, Enye eyenam mme Ju enen ye Enye oto ke udomo mbuọtidem mmọ, eyenyuñ anam mmọ emi midighe mme Ju ñko enen ye Enye oto ke mbuọtidem mmọ.31Nte emi ọwọrọ ete ñnyin inyeneke aba ndinim ibet ke ntak mbuọtidem emi? Baba-o, idighe ntre. Ke ofuri akpanikọ ñnyin ikeme ndisuk ibuot nnọ enye kadaña emi ñnyin ibuọtde idem ye Jisọs.Biblica, Inc.