1 ጰጽሮሳ ኪታ3
አስናባነ ማችያባ
1ሄዋዳንካ ማቼቶ፥ ህንተ አስናቱዋፐ ጾሳ ቃላዉ አዛዘተና እቱ እቱ ደኦፐካ፥ ህንተ ፓሉመተናን፥ ኡንቱንቱ ህንተ ያሻተነ ህንተ ጌሻ ደኡዋ በኢደ ጾነታና ማላ፥ ኡንቱንቶ ሞደትተ።3ህንተ ህንተ ሁጲያ አልኦባን ጊግስያዋንነ ዎርቃ ዎያዋን ዎይ አልኦ ማዩዋ ማይያዋን ህንተንቱ ቦላ ባጋ ሎይፕተ።4ሽን ህንተ ጋርሳን ቆሰቴዳ አሳተ ሎኦተይ ጾሳ ስንን ህንተንቶ ዳሮ አልኦ ግዲደ፥ የና አሽከነ ዎፑ ጌዳ አያና ግዶ።5አያዉ ጎፐ፥ ሄዋዳን ጾሳን ህዶቴዳ ጌሻ ማጫ አሳቱ በን ዎደ ባረንቱ አስናዉ ሞደቲደ፥ ባረንታ ዳሮ ሎይድኖ።6ሄዋዳን ሳራ አብራሃማ፥ “ታ ጎዳዉ” ያጋ ጼሳደ፥ አዉ አዛዘታዱ፤ ህንተካ እትባዉነ ያየናን ሎኦባ ኦፐ፥ እ ናናቱዋ።7ሄዋዳን አስናቶ፥ ህንተ ማጫ አሳቱዋና አኬካን እትፐ ደእተ። ኡንቱንቶ ዳቡራንቻ አሳተይ ደእያ ድራዉ፥ ኡንቱንታ ቦንችተ፤ ህንተ ዎሳይ በተና ማላ፥ ጾሳይ እሜዳ ደኡዋ አ ኬካተ ኡንቱንቱ ህንተናና እትፐ ላትኖ።ሎኦባ ኦደ መቱዋ አክያዋ
8ዉርሰን፥ ኡባይ እት ቆፋን ደእተ። እቱ እቶ ቃረትተ፤ እሻቱዋዳን ሲቀትተ፤ ቃይ እቱ እቶ ኬክያዋንታነ ህንተ ሁጲያ ካዉሽያዋንታ ግድተ።9ኢታ ድራዉ ኢታ ዎይ ሸቃ ድራዉ ሸቃ ዛሮፕተ፤ ሄዋ አጊደ፥ ጾሳይ ህንተንቱ አንጁዋ ላታናዳን ህንተና ጼሴዳ ድራዉ፥ አንጅተ።10አያዉ ጎፐ፥ ጾሳ ማጻፋይ ሀዋዳን ያጌ፤ “ደኡዋ ዶስያዌነ ሎኦ ጋላሳ በአናዉ ኮይያዌ ኦና ግዶፐነ ባረ እንጻርሳን ኢታባ ሃሳይያዋነ ዎርዱዋ ኦድያዋ አጎ።11“ኢታባ ኦያዋ አጊደ፥ ሎኦባ ኦ፤ ሳሮተካ ሎይ ኮዮነ ካላናዉ ባጸቶ።12“አያዉ ጎፐ፥ ጎዳ አይፊ ጽሎቱዋኮ ጼሌ፤ ቃይ አ ሀይይ ኡባ ዎደ ኡንቱንቱ ዎሳዉ ዶያ ደኤ። ሽን ጎዳይ ኢታባ ኦያዋንታ ባረ ሀንቁዋ ሶምእያን ጼሌ” ያጌ።13ህንተ ሎኦባ ኦናዉ አሞቶፐ፥ ህንተና ቆሀናዌ ኦኔ?14ሽን ሀራይ አቶ፥ ጽሎተ ድራዉ ህንተ ዋየቶፐካ፥ አንጀቴዳዋንታ። አሳዉ ያዮፕተነ ህርጎፕተ።15ሽን ክርስቶሳ ህንተ ዎዛናን ቦንችተነ አ ህንተ ጎዳ ኦተ። ጾሳይ ህንተንቶ ህዶቴዳ ደኦ ጋሱዋ ኦችያ ኦስነ ዛሩዋ እማናዉ ኡባ ዎደ ጊግ ኡትተ፤16ሽን ሄዋ አሽከተንነ ያሻተን ኦተ። ቃይ ክርስቶሳን ህንተ ደእያ ሎኦ ደኡዋ ኢታባ ኦዳዋዳን፥ ህንተ ቦላን ኢታባ ሃሳይያ አሳይ ባረ ዝግርያዋን ዬላታና ማላ፥ ህንተ ዎዛናይ ጌሻ ግዶ።17አያዉ ጎፐ፥ ጾሳይ ጌዳዋ ግዶፐ፥ ኢታባ ኦዳ ድራዉ ዋየትያዋፐ፥ ሎኦባ ኦዳ ድራዉ ዋየትያዌ ኬካ።18አያዉ ጎፐ፥ ክርስቶስ ኑና ጾሳኮ አፋናዉ፥ ባረዉ ጽሎ ግዲደ፥ ማካላንቻቱዋ ድራዉ፥ እት ገደ ኡባ ናጋራዉ ሀይቄዳ፤ እ ባረ አሳተን ሀይቄዳ፤ ሽን አያናን ፓጼዳ።19ቃይ ሄ አያናን፥ ቃሹዋን ደእያ አያናቱዋኮ ቢደ፥ ኡንቱንቶ ቃላ ኦዴዳ።20ሄ አያናቱ አማሬዳ፥ ሆስፑን አሳቱ ሃን አቴዳ ማርካብያ ኖሄ ኬጽሽን፥ ጾሳይ ዳንዳዪደ ጋምኤዳ ዎደ፥ ጾሳዉ አዛዘትቤና አሳ አያናቱዋ።21ሄዌ ጽንቃታዉ ሌምሱዋ ግዲደ፥ ህንተና ሀእ አሼ፤ ሱረ ዎዛናፐ ጾሳ ዎስያዋፐ አትን፥ ቦላ ቅታ ሜጭያዋ ግደና፤ ሄዌ ህንተና የሱስ ክርስቶስ ሀይቁዋፐ ደንዴዳዋን አሼ።22ሳሉዋ ቢደ ጾሳፐ ኡሸቻ ባጋን እ ኡቲደ፥ ኪታንቻ ኡባ፥ ማታና ደእያዋንታነ ዎልቃማቱዋ ሞዴ።The Word for the World International