1 ጰጽሮሳ ኪታ2
ደኡዋ ሹቻነ ጌሻ አሳ
1ሄዋ ድራዉ፥ ህንተፐ ኢታተ ኡባ፥ ጭምያዋ ኡባ፥ ሎአ ማላትያ ኢታተ፥ ቃናትያነ ዝግርሳ ኡባ ድግተ።2ጎዳይ ኬካ ግዴዳዋ ህንተ ደኡዋን በኤዳዋ ግዶፐ፥ ሀእ የለቴዳ ጋጭኖ ናናቱዋዳን፥ ኡሺደ ድጫናዉነ አታናዉ ጽሎ ግዴዳ አያና ማ ላሞትተ።4ጎዳኮ ደኦ ሹቻኮ ሺቅተ። አሳይ አ እጼዳ፤ ሽን ጾሳ ማታን እ ዶረቴዳ አልኦ።5ህንተካ ቃይ ደኦ ሹቻዳን፥ ጌሻ ቄሳ ግዲደ፥ የሱስ ክርስቶሳ ባጋና ጾሳ ናሸችያ አያና ያርሹዋ ጾሳዉ ያርሻናዉ፥ ህንተ ህንተ ሁጰዉ አያና ኬዳን ኬጸትተ።6አያዉ ጎፐ፥ ጾሳ ማጻፋይ፥ “በእተ፥ ታን ጽዮነ ግያ ካታማን ጎልያ ጎዳ ጻጱዋ ምንስያ፥ ዶረቴዳ፥ አልኦ ሹቻ ዎይ፤ አን አማንያ ኦንነ ዬላተና” ያጌ።7ሄዋ ድራዉ፥ ሀ ሹቻይ ህንተንቶ አማንያዋንቶ ዳሮ አልአ፤ ሽን አማነናዋንቶ፥ “ግምቢያዋንቱ ካዳ ሹቻይ ጎዳ ጻጱዋ ምንስያ፥ ኡባፐ አያ ሹቻ ግዴዳ” ያጌ።8ቃይካ፥ “ሀ ሹቻይ አሳ ቢያ ሹቻነ አሳ ኩንድስያ ዛላ” ያጌ፤ ኡንቱንቱ ጾሳ ቃላ አማነና ድራዉ፥ ኡንቱንቶ ካሰና ቆፈቴዳዋዳን በቴድኖ።9ሽን ጾሳይ ማፐ ማላልስያ ባረ ፖኦ ህንተና ጼሴዳ፤ ህንተ አ ኦራ ኦሱዋ ኦዳናዉ ዶረቴዳ ዛረ፤ ህንተ ካትያ ቄሳቱዋ፤ ጌሻ አሳነ ጾሳዉ ቡዞ አሳ።10ህንተ ካሰ ጾሳ አሳ ግድክታ፤ ሽን ሀእ ህንተ አ አሳ፤ ህንተ ካሰ ማሮተ አክበይክታ፤ ሽን ሀእ ማሮተ አኬድታ።ጾሳ አይላቱዋ
11ታ ዳባቶ፥ ህንተ ሀ ሳኣን እማነ በተ ግዲደ ደእያዋንታ ግዴዳዋዳን፥ ኡባ ዎደ ህንተ ሸምፑዋና ኦለትያ አሳተ አሙዋፐ ህንተ ሃካና ማላ፥ ታን ህንተና ዎሳይ።12አማነና አሳይ ህንተና ኢታባ ኦያዋንቱዳን ዝግርያ ዎደ፥ ክርስቶስ ይያ ጋላስ ህንተ ሎኦ ኦሱዋ ኡንቱንቱ አኬኪደ፥ ጾሳ ጋላታና ማላ፥ ህንተ ደኡዋ ኡንቱንቱ ግዶን ሎይ ናግተ።13ጎዳ ድራዉ፥ አሳ ህግያ ኡባዉ ሞደትተ፤ ካቲካ ኡባፐ ቦላ ግድያ ድራዉ፥ አዉ ሞደትተ።14ቃይ ጋድያ ሞድያዋንቶካ ሞደትተ። አያዉ ጎፐ፥ ኡንቱንቱ ኢታባ ኦያዋንታ ሙራናዉነ ሎኦባ ኦያዋንታ ጋላታናዉ ካትያፐ ኪተቴድኖ።15አያዉ ጎፐ፥ ጾሳይ ህንተ ህንተ ሎኦ ኦሱዋን ካያ ኤያ አሳቱዋ ሃሳያ ጮኡ ኡዳናዋ ኮዬ።16አይለተፐ ከሲደ፥ ጾሳ አይልያዳን ደእተፐ አትን፥ ሄ አይለተፐ ከሴዳዋ ኢታተ ገንያዋ ኦፕተ።17አሳ ኡባ ቦንችተ። ህንተ እሻቱዋ ሲቅተ። ጾሳዉ ያይተ። ካትያ ቦንችተ።ክርስቶሳ ጋኬዳ መቱዋ ሌምሱዋ
18አይላቶ፥ ህንተ ሎኦ ጎዳቱዋ ጻላላዉነ አሽከ ጎዳቱዋ ጻላላዉ ግደናን፥ ኢታቶካ ዳሮ ያዪደ ሞደትተ።19አያዉ ጎፐ፥ አሳይ ናቂያ ዎደ ዋየትያ ኡራይ ጾሳ ቆፒደ፥ ኦገ ባይናን ናቀቶፐ ጾሳይ አ አንጃና።20አያዉ ጎፐ፥ ህንተ ናጋራ ኦና፥ ህንተና ደችያ ዎደ፥ ህንተ ዳንዳዮፐ፥ ህንተንቶ አይ ጋላታይ ደኢ? ሽን ሎኦባ ኦደ ዋይያ ህንተ ዳንዳዮፐ፥ ጾሳይ ህንተና ሄዎ አንጃና።21ጾሳይ ህንተና ጼሴዳዌ ሄዋ ድራሳ፤ አያዉ ጎፐ፥ ክርስቶስ ህንተንቶ ዋየቴ፤ ህንተ አ ቃታማ ካላና ማላ፥ ህንተንቶ ሌምሱዋ ግዴዳ።22ናጋራ እ ኦቤና፤ ባረ ዶናፐ ዎርዱዋ ሃሳይቤና።23አሳይ ባረና ቦርያ ዎደ፥ ዛሪደ ቦርቤና፤ ዋየትያ ዎደካ ማንድቤና። ሽን ጽሉዋ ፕርድያ ጾሳዉ ባረና አደ እሜዳ።24ኑን ናጋራዉ ሀይቂደ፥ ጽሎተዉ ደአና ማላ፥ ክርስቶስ ባረ ሁጰዉ ባረ አሹዋን ኑ ናጋራ ማስቃልያን ቶኬዳ፤ ህንተ አ ማይን ፓጼድታ።25አያዉ ጎፐ፥ ህንተ ኦጊ ባሌዳ ዶርሳ ማላ፤ ሽን ሀእ ህንተ ሸምፑዋ ሄምያዋኮነ ናግያዋኮ ስሜድታ።The Word for the World International