Agumesehani50
1Ábati lóuburuni Hosé lúgubu lúguchi, aba lachuuruni ayahuaheina.2Lárigiñe aba lariñagun houn lisurusianigu lun haranseruni lúgubu lúguchi, aba haranseruni.3Bián-wein weyu hau aranserei, ladüga ítara liña dan lun laranserun aban hilaali. Aba hamuiserun Ehiptuna ǘrüwa-wein-diisi weyu lárigi Hakobu.4Lárigiñe lásügürün amuiseruni, aba ladimurehan Hosé hama tílana luban urúei, lariñaga houn:
—Anhein gañei naali lubéi hínsiñehabu, adüga humá fulesei nun, lun hariñagun lun urúei5luagu dan lan meha lounwe lan núguchi, fiñugüda lánina luagu nábunubei lan lidan umúahaü le meha laranserubei lubarua lóubawagu Kanán. Amuriahatina lubeiti üma luma lun nidin ábunei núguchi, ábayame niabin.6Lariñaga urúei:
—Beiba ábunei búguchi kei lamuriahani buma.7Aba lidin Hosé ábunei lúguchi, ñǘdüntiña sun nadagimeintiña hama ha gererunbaña tidan lani urúei palasiu luma lidan uburugu Ehiptu;8ha guánarügü liduheñu Hakobu, liduheñu Hosé, hama líbirigu. Irahüñürügüñanu hama animaalugu hígira Gosén.9Ñǘdüntiña giñe gürigia tídantiña kareta hawagutiña gabayu ábunaha luma Hosé, gíbetiña lubeiti gürigia ñǘdüntiña.10Dan hachülürün Gorén-a-atadü, le luéigiñebei oubaü le ñéingiñe lubéi laboucha weyu libiti duna le Hordán, aba hadügün aban adamuridaguni lánina ábunahani ñein aba lamuiserun Hosé sedü weyu ñein lárigi lúguchi11Dan harihini Kananna ha aganóubaña lidan fulasu ligía ábunahani, aba hariñagun: Hadügüña Ehiptuna aban ábunahani wéiriguti. Ligía háchubalin fulasu ligía: «Aweli-misüraímü. Le luéigiñebei labouchun weyu libiti Hordán».12Adüga hamuti lirahüñü Hakobu sun le lamuriahabei háguchi hama,13barǘ hamuti lóubawagun Kanán, buná haméi lagadábugiñe dübü le gíribei Maküpelá le meha lagañeihabei Abüraámü lúmagiñe Efürón le Étüna lun hamúahabei lan liduheñu. Fulasu ligía luma lagadábugiñe dübü ligía luéigiñeñein oubaü le ñéingiñe lubéi laboucha weyu libiti Mamüré.14Lárigiñe lábununi Hosé lúguchi, aba lagiribudun Ehiptun úara hama líbirigu, hama ha ñǘdünbaña luma.
—Háfuga iyereegutiwa lun Hosé, lafayeiragüdübadiwati luagu sun meha wuribati le wadügübei lun.16Aba hóunahan ariñaga lun Hosé:
—Lubaragiñe buga lounwen búguchi, ariñagati woun17lun wamuriahan buma lun feruduna bániwa luagu wuribati le wadügübei bun. Ligíati wamuriahanbei buma lun ferudunabani wuribani le buga wadügübei, ladüga idamuni wagía lun Lubungiute búguchi.
Sun añaha lan óunagülei íchigei uganu lun Hosé, anihán ayahua.18Aba hayabin líbirigu guánarügü, aba habuluchagun ligibugiñe darí ladagarun herebe múarugu, aba hariñagun lun:
—Awanhán, bidamun wagía.19Lariñaga Hosé houn:
—Manufudeda humá, siñati níchaagun nungua kei Bungiu.20Saminatün yebe meha hadügün wuribati nun, gama lumoun aba lasansiruni Bungiu wuribati ligía luagu buiti, lun ladügüni le warihubei uguñe weyu, lun lesefuruni habagari saragu gürigia.21Manufudeda humá lubeiti, níchuguba éigini hun luma houn hirahüñü.
Ítara liña líchugun Hosé dǘgüdaguaü houn, ani adimurehati houn lau saragu ínsiñeni.
—Madiseeli nounwen, gama lumoun liábinba Bungiu íderaguaün, lasagarubadün lídangiñe fulasu le, lun lanügünün lidoun fulasu le uágubei lariñaga lun Abüraámü, Isaakü luma Hakobu.25Aba láfiñuragüdüniña Hosé lirahüñü Hakobu, lariñaga houn:
—Inarüni, liábinba Bungiu íderaguaün. Danme lasuseredun le, hanügeime nabu yáagiñe.26Aba lounwen Hosé Ehiptu luagu san-diisi irumu lau. Aba haranseruni lúgubu, aba híchuguni tidoun aban ganhun.
—Anhein gañei naali lubéi hínsiñehabu, adüga humá fulesei nun, lun hariñagun lun urúei5luagu dan lan meha lounwe lan núguchi, fiñugüda lánina luagu nábunubei lan lidan umúahaü le meha laranserubei lubarua lóubawagu Kanán. Amuriahatina lubeiti üma luma lun nidin ábunei núguchi, ábayame niabin.6Lariñaga urúei:
—Beiba ábunei búguchi kei lamuriahani buma.7Aba lidin Hosé ábunei lúguchi, ñǘdüntiña sun nadagimeintiña hama ha gererunbaña tidan lani urúei palasiu luma lidan uburugu Ehiptu;8ha guánarügü liduheñu Hakobu, liduheñu Hosé, hama líbirigu. Irahüñürügüñanu hama animaalugu hígira Gosén.9Ñǘdüntiña giñe gürigia tídantiña kareta hawagutiña gabayu ábunaha luma Hosé, gíbetiña lubeiti gürigia ñǘdüntiña.10Dan hachülürün Gorén-a-atadü, le luéigiñebei oubaü le ñéingiñe lubéi laboucha weyu libiti duna le Hordán, aba hadügün aban adamuridaguni lánina ábunahani ñein aba lamuiserun Hosé sedü weyu ñein lárigi lúguchi11Dan harihini Kananna ha aganóubaña lidan fulasu ligía ábunahani, aba hariñagun: Hadügüña Ehiptuna aban ábunahani wéiriguti. Ligía háchubalin fulasu ligía: «Aweli-misüraímü. Le luéigiñebei labouchun weyu libiti Hordán».12Adüga hamuti lirahüñü Hakobu sun le lamuriahabei háguchi hama,13barǘ hamuti lóubawagun Kanán, buná haméi lagadábugiñe dübü le gíribei Maküpelá le meha lagañeihabei Abüraámü lúmagiñe Efürón le Étüna lun hamúahabei lan liduheñu. Fulasu ligía luma lagadábugiñe dübü ligía luéigiñeñein oubaü le ñéingiñe lubéi laboucha weyu libiti Mamüré.14Lárigiñe lábununi Hosé lúguchi, aba lagiribudun Ehiptun úara hama líbirigu, hama ha ñǘdünbaña luma.
Lagumuhóun burí luéyuri Hosé
15Kei buga hilá lan Hakobu, hariñaga líbirigu Hosé hóunguarügü:—Háfuga iyereegutiwa lun Hosé, lafayeiragüdübadiwati luagu sun meha wuribati le wadügübei lun.16Aba hóunahan ariñaga lun Hosé:
—Lubaragiñe buga lounwen búguchi, ariñagati woun17lun wamuriahan buma lun feruduna bániwa luagu wuribati le wadügübei bun. Ligíati wamuriahanbei buma lun ferudunabani wuribani le buga wadügübei, ladüga idamuni wagía lun Lubungiute búguchi.
Sun añaha lan óunagülei íchigei uganu lun Hosé, anihán ayahua.18Aba hayabin líbirigu guánarügü, aba habuluchagun ligibugiñe darí ladagarun herebe múarugu, aba hariñagun lun:
—Awanhán, bidamun wagía.19Lariñaga Hosé houn:
—Manufudeda humá, siñati níchaagun nungua kei Bungiu.20Saminatün yebe meha hadügün wuribati nun, gama lumoun aba lasansiruni Bungiu wuribati ligía luagu buiti, lun ladügüni le warihubei uguñe weyu, lun lesefuruni habagari saragu gürigia.21Manufudeda humá lubeiti, níchuguba éigini hun luma houn hirahüñü.
Ítara liña líchugun Hosé dǘgüdaguaü houn, ani adimurehati houn lau saragu ínsiñeni.
Lounwen Hosé
22Aba lasigirun Hosé hau liduheñu lúguchi aganawa Ehiptu. San díisiñein irumu labagaridun Hosé,23chülüti arihaña ladügawagun Éfürain. Chülüti giñe eresibiraña lirahüñü libari le Makirü le liráü Manasési kei hádangiñetiña iduheñu.24Luagu aban weyu aba lariñagun Hosé houn líbirigu:—Madiseeli nounwen, gama lumoun liábinba Bungiu íderaguaün, lasagarubadün lídangiñe fulasu le, lun lanügünün lidoun fulasu le uágubei lariñaga lun Abüraámü, Isaakü luma Hakobu.25Aba láfiñuragüdüniña Hosé lirahüñü Hakobu, lariñaga houn:
—Inarüni, liábinba Bungiu íderaguaün. Danme lasuseredun le, hanügeime nabu yáagiñe.26Aba lounwen Hosé Ehiptu luagu san-diisi irumu lau. Aba haranseruni lúgubu, aba híchuguni tidoun aban ganhun.
Bible Society of Honduras