SEKARAEA9
1Nao Hae God i givim tok blong hem long Profet Sekaraea, mo profet i talemaot we hem i talem se, “Mi mi makemaot finis panis we ol man blong kantri ya Hadrak, mo ol man blong taon ya Damaskes we i kaptel blong Siria bambae oli kasem, from we i no ol laen* blong Isrel* nomo we oli stap long han blong mi, ol man Damaskes tu, oli stap long han blong mi.2Mo i gat taon ya Hamat, we mak blong hem i stat long Hadrak, mo tufala taon ya Taea mo Saedon, nating we ol man blong tufala oli waes tumas, be trifala taon ya tu i stap long han blong mi, mo bambae oli mas kasem panis.3Bifo, ol man Taea oli bin wokem bigfala stonwol i goraon long taon blong olgeta, mo oli hivimap fulap silva mo gol long ples blong olgeta, we i plante we plante olsem doti nomo.4Be mi mi Masta* blong olgeta ples long wol ya, mo bambae mi tekemaot olgeta samting ya evriwan i gowe long ples ya. Bambae mi sakemaot olgeta i go long solwota, mo bambae mi bonem taon ya blong olgeta.5“Taem olgeta blong Askelon oli luk samting ya, bambae oli fraet gud long hem. Mo olgeta blong Gasa bambae oli harem nogud tumas from. Olgeta blong Ekron tu bambae oli harem nogud, tingting blong olgeta bambae i go olbaot. Gasa bambae i lusum king blong hem, mo Askelon bambae i stap nating nomo, i no moa gat man long hem.6Ol man blong ol naranarafala kantri bambae oli kam stap wanples long Asdod, oli mekem ples blong olgeta long ples ya. Ol man Filistia ya oli stap praod tumas, be mi bambae mi mekem tingting blong olgeta i stap daon.7Bambae oli no moa save kakae mit we i gat blad long hem, mo ol kakae ya we Loa* i talem se i tabu blong kakae. Olgeta we oli stap laef, bambae oli joen long ol man blong mi blong oli kam man blong mi. Mo bambae oli olsem ol laen blong Juda.* Ol man Ekron, bambae oli kam man blong mi, olsem we ol man Jebus oli kam man blong mi finis.8Mi bambae mi blokemgud kantri blong mi, blong ol soldia blong ol narafala kantri oli no save kam pas long ples ya. Bambae mi no save letem blong ol enemi oli kam rulum ol man blong mi, from we mi luk finis ol rabis fasin we oli mekem long olgeta.”9Nao Profet Sekaraea i talemaot we Hae God i talem se,“!Ol man Saeon*!Yufala i mas harem gud,yufala i glad.!Ol man Jerusalem*!I gud yufala i gladwe yufala i singsingaot from.!Yufala i luk!King blong yufala i stap kam long yufala.Hem i win finis,mo i glad tumas from we hem i winimol enemi blong hem.Be tingting blong hem i stap daon,nao i stap raed long wan dongki.Hem i stap raed long wan dongkiwe i yangfala nomo.10Mi bambae mi tekemaot ol kat blong faeti gowe long Isrel* long not.Mo bambae mi tekemaot ol hos blong faeti gowe long Jerusalem.Ol bonara blong olgetawe oli stap yusum long taem blong faet,mi bambae mi spolem evriwan.King ya blong yufalabambae i mekem pis wetem ol narafala kantri,mo bambae hem i king long olgeta ples,i stat long solwota long is,i go kasem solwota long wes,i stat long Yufretes Reva long not,i go kasem en blong wol.”11Nao Profet Sekaraea i talemaot we Hae God i talem se,“Mi mi mekem promes* finis wetem yufala,mo blad blong sakrefaes i ronblong mekem promes ya i stanap strong.Nao from samting ya,mi bambae mi tekemaot yufala long ples yawe yufala i stap wok slef* long hem,we i olsem hol we i no gat wota long hem,mi letem yufala i gofri.12Yufala we i stap wok slefwe tingting blong yufalai stap strong long mi,i gud yufala i kambak long sefplesblong yufala bakegen.Fastaemyufala i stap harem nogud tumaslong plante samting.Be naoia,mi mi talem stret long yufala,se bambae mi blesem yufala moai winim we mi stap blesem yufala fastaem.Bambae mi givimol gudgudfala samting long yufala.13Ol man Juda.*Bambae mi yusum yufalaolsem bonara blong mi.Ol man Isrel.*Bambae mi mekem yufalaolsem ol ara blong mi.Mo yufala ol man Saeon,*bambae mi yusum yufala,olsem naef blong faet blong mi,blong kilim ol man Gris.”14Mo Profet Sekaraea i talem se,“Hae God bambae i kamtrulong ol man blong hem,mo hem i sut long ara blong hemwe bambae i laet olsem laetning.Hem i Masta* blong yumi,mo bambae i blu long bigfala pupu blong hem.Taem hem i wokbaot i kam,bambae bigfala waelwin i aot long saot,i karem hem i kam.15Hae God i gat olgeta paoa.Hem bambae i blokemgud ol man blong hem,mo i kilim olgeta enemi blong olgeta.Taem oli go blong faet,bambae oli singsingaotolsem ol man we oli drong.Bambae oli kilim ol enemi blong olgetawe blad blong olgeta bambae i ronolsem blad blong anamolwe man i kilim blong mekem sakrefaes,nao i putum long wan besin, i kafsaedem i go long olta.16Taem dei ya i kamtru,Hae God bambae i blokemgud ol man blong hem,olsem we man blong lukaot long sipsipi stap lukaot gud long ol sipsip blong hem,blong wan samting i no save spolem olgeta.Long kantri ya blong hembambae olgeta ya oli saenolsem ol flas ston long hat blong king.17Ples ya bambae i gud tumas,ol kakae blong hem mo ol waen blong hem,bambae i mekem ol yangfala blong ples yaoli fatfat gud oli strong.”
Bible Society of the South Pacific