SEKARAEA10
1Nao Profet Sekaraea i talem se, “Yufala i mas askem long Hae God blong i sanem ren i kam long yufala long stret taem blong hem, blong mekem ol garen blong yufala i gru gud. Oltaem, hem nomo i stap mekem klaod blong ren, blong i ren bigwan, no blong i ren smosmol.2Be ol man we oli stap askem long ol aedol, mo long ol kleva we oli stap talemaot ol samting we bambae i kamtru long fiuja, blong oli mekem ol samting olsem long yufala, ansa we oli stap givim, i krangke mo i no tru nating. Olgeta we oli stap talemaot mining blong ol drim, oli stap giaman nomo long yufala. Ol samting we oli talem i no givhan nating long yufala. Nao from samting ya, yufala i stap go olbaot olsem sipsip we i lus long bus. Yufala i stap trabol olbaot from we i no gat man blong lidim yufala.”3Nao profet i talemaot we Hae God i talem se, “Mi mi Hae God, mi gat olgeta paoa, mo mi kros tumas long ol lida blong ol narafala kantri we oli stap rulum ol man blong mi. Bambae mi mas panisim olgeta. Ol man Juda* ya oli man blong mi, mo mi mas lukaot gud long olgeta. Bambae mi mekem olgeta oli kam olsem ol strong hos blong faet blong mi.4Bambae mi jusumaot wan man long laen* blong Juda blong i king blong ol man blong mi, mo hem bambae i stanap strong blong lidim olgeta, mo bambae i komanda blong olgeta, mo olgeta lida blong ol man blong mi bambae oli kamaot long laen ya.5Ol man Juda bambae oli win, olsem ol soldia we oli winim ol enemi blong olgeta, nao oli purumpurumbut long olgeta long sofmad. Bambae oli faet, nao oli winim ol enemi blong olgeta we oli man blong ron long hos. Bambae oli win olsem, from we mi Hae God, mi stap givhan long olgeta.6“Mi bambae mi mekem ol man Juda oli strong,mo bambae mi tekemaot ol man Isrel*long han blong ol enemi blong olgeta.Mi bambae mi gat sore long olgeta,mi tekem olgeta evriwan oli kambaklong stret ples blong olgeta bakegen.Bambae oli stap gud long ples blong olgeta,olsem we mi mi no bin lego olgeta samtaem.Mi mi Hae God, mi God blong olgeta,mo taem oli prea long mi,mi bambae mi harem prea blong olgeta.7Ol man Isrel ya bambae oli strongolsem ol soldia,oltaem bambae oli glad,oli harem gud,olsem man we i dring waen.Ol laen we oli kamaot biaen long olgeta,oltaem bambae oli stap tingbaot taem yawe ol bubu blong olgetaoli win long faet,mo bambae oli harem gud,from we mi mi mekem olsem long olgeta.8Mi bambae mi singaot ol man blong mi,mi tekem olgeta i kam wanples.Bambae mi sevem olgeta,mo mi mekem olgeta oli kam plante we plante,olsem bifo.9Nating we mi mekem olgeta oli go stap olbaotlong ol narafala kantri,be bambae oli save tingbaot mi bakegen.Nao olgeta evriwanwetem ol pikinini blong olgeta,bambae oli kambaklong stret ples blong olgeta bakegen.10Olgeta we oli stap long Ijip mo long Asiria,bambae mi tekem olgeta oli kambaklong kantri blong olgeta bakegen.Mo bambae mi mekem olgetaoli stap long Gilead mo long Lebanon tu,nao olgeta ples long kantri yabambae i fulap gud long olgeta.11Taem bigfala trabol i kasem olgeta,olsem ol bigbigfala wef blong solwota,be mi bambae mi blokem trabol ya,mo bambae mi mekem Nael Reva i drae olgeta.Ijip bambae i lusum paoa blong hem,mo ol man Asiria ya we oli stap praod tumas,bambae mi mekem olgeta oli sem.12Mi bambae mi mekem ol man blong mioli kam strong,nao bambae oli save obei long mi,mo bambae oli mekem wosip long mi.Mi mi Hae God, mo hemia tok blong mi.”
Bible Society of the South Pacific