Nunei Reantenangfo5
1Adami ne ririafoi mani sonina. Na rabuang bo Allai niari inontaraifoi mani, netarai kariri Mantauni.2Niari suru, mang manei tuti wiwing manei. Mioang suru tuti sahu suru we inontarai.3Rabuang bo Adami ne fuina piaring we piareia surafo (130) mani, ne kaisung manei aha, kaisungfoi ureng kariri beyari, ainanaya dohongni wonong fino Seti.4Adami sobu arikang mang tuti wiwing manea aha. Tuti na kutu Seti saubaunung kawuruampo mani, Adami darang fuina piaring we indeatoru (800) aha.5Ampefe Adami mireha na ne fuina piaring we indeata piareia sura (930) fo.6Rabuang bo Seti ne fuina piaring ring (105) mani, ne kaisung manei, dohongni wonong fino Enosi.7Seti sobu arikang mang tuti wiwing manea aha. Tuti na kutu Enosi saubaunung kawuruampo mani, Seti darang fuina piaring we indeatoru itu (807) aha.8Ampefe Seti mireha na ne fuina piaring we indeata suraya boru (912) fo.9Na rabuang bo Enosi ne fuina piara sura (90) mani, ne kaisung manei, dohongni wonong fino Kenani.10Enosi sobu arikang mang tuti wiwing manea aha. Tuti na kutu Kenani saubaunung kawuruampo mani, Enosi ne fuina piaring we indeatoru suraya ring (815) aha.11Ampefe Enosi mireha na ne fuina piaring we indeata ring (905) fo.12Rabuang bo Kenani ne fuina piatorua sura (70) mani, ne kaisung manei wonong fino Mahalaeli.13Kenani sobu arikang mang tuti wiwing menea aha. Tuti na kutu Mahalaeli saubaunung kawuruampo mani, Kenani ne fuina piaring we indeatoru piaru (840) aha.14Ampefe Kenani mireha na ne fuina piaring we indeata sura (910) fo.15Rabuang bo Mahalaeli ne fuina piatorua ring (65) mani, ne kaisung manei wonong fino Yareti.16Mahalaeli sobu arikang mang tuti wiwing manea aha. Tuti na kutu Yareti saubaunung kawuruampo mani, Mahalaeli darang fuina piaring we indeatoru piareia sura (830) aha.17Ampefe Mahalaeli mireha na ne fuina piaring we indeatoru piara suraya ring (895) fo.18Rabuang bo Yareti ne fuina piaring piatorua boru (162) mani, ne kaisung manei wonong fino Henoki.19Yareti sobu arikang mang tuti wiwing manea aha. Tuti na kutu Henoki saubaunung kawuruampo mani, Yareti darang fuina piaring we indeatoru (800) aha.20Ampefe Yareti mireha na ne fuina piaring we indeata piatorua boru (962) fo.21Rabuang bo Henoki ne fuina piatorua ring (65) mani, ne kaisung manei wonong fino Metusalai.22Henoki sobu arikang mang tuti wiwing manea aha. Na kutu Metusalai saubaunung kawuruampo mani, Henoki darang fuina piaring we betoru (300) aha tuti firao Allai.23Ampefe Henoki darang na nunei fuina piaring we betoru piatorua ring (365).24Tuti Henoki nini na darangfo firao Allai tonanafo, wedaya mani Allai yuaisi darang weru nunei tuti inontarai ewatioi ahang kaha.25Rabuang bo Metusalai ne fuina piaring piara itufo (187) mani, ne kaisung manei wonong fino Lameki.26Metusalai sobu arikang mang manea tuti wiwing manea aha. Tuti na kutu Lameki saubaunung kawuruampo mani, Metusalai ne fuina piaring we itu piara boru (782) aha.27Ampefe Metusalai nini mireha na ne fuina piaring we indeata piatorua indeata (969) fo.28Rabuang bo Lameki ne fuina piaring piara boru (182) mani, sobu kaisung manei.29Medu deyo, “Kaisung nini ambori dohong wawori we tata na rabuang bo tarurai paria we tatohong romi we tatanang fitantanang na kahofao Yahwei deikangganiai kawuruampa.” Ampefe dohongni wonong fino Noki. 30Lameki sobu arikang mang tuti wiwing manea aha. Tuti na kutu Noki saubaunung kawuruampo mani, Lameki ne fuina piaring we ring piara suraya ring (595) aha.31Ampefe Lameki mireha na ne fuina piaring we itu piatorua suraya itu (777) fo.32Noki nini ne fuina piaring we ring (500) mani sobu kaisung mantoru amani, Semi, Yafeti tuti Hami.
The Seed Company