লুক23
1আকো নোইতা জোংসুওয়া সাকো তাংসা দিংঙাবিহা গাওয়াসো লোসুয়ে, আসা ইশুহিংয়া রোমি সরকারকো টেবো কাইজি, পিলাতোসকোতা পুরায়ে।2আবিহা ইশুহিং মেংতাওয়া নুওয়াং চুউসুমসা জাংসুয়ে, “ইহা আপনিরাং ‘কাহা জাইপু খ্রীষ্টগা’ তাদিংওয়া আসা রোমি সরকারহিং তোংক্যা তামঘ্যইরোওয়া তামসা য়োংকো লোইকো দিংঙাবিহিং দুইদুইপাদিংওয়া কাবিহা দোসুয়ে।”3আবিকো নুওয়াং হিংমসা পিলাতোসহা ইশুহিং উইয়ে, “নাতিহা য়হুদিবিকো জাইপুগা?”
ইশুহা জাংয়ে, “আকুহা নাতি আপনিরাং জাংদিংয়ো।”4পিলাতোসহা মাটা পাউবি আসা আউতা নিওয়া দিংঙাবিহিং জাংয়ে, “কাহা ই দিংঙাকোতাহা হাইরে দোষ মাতিংতো।”5আদো আবিহা ঙাসুমসা জাংসুয়ে, “ইহা গালীলসো তেংপুমসা য়হুদিয়া আসা ই জায়গা চোইপা আপনিরাং ঝিপামসা দিংঙাবিহিং দুইদুইপাদিংয়ো।”6ই হিংমসা পিলাতোসহা উইয়ে, “ই দিংঙাহা গালীলকোগা?”7ইশুহিং হেরোদ জাইপুকো অধিকার জোওয়া লোইকো গুং তাওয়া নুওয়াং সিদা চ্যইনুওয়া পিলাতোসহা আকুহিংয়া হেরোদকোতা নিংপুয়ে। আকু সময়তাহা হেরোদহা য়রুশালেমতারাং নিমি।8ইশুহিং ন্যইচা মুংনুওয়া হেরোদহা গাগ্রুপুয়ে, হাংপাতানাহা আকুহা ইশুকো নুওয়াংবি দিংঙাবিকোসো হিংওয়া নিমি। আসা উইসে দিন নাগাইসোরাং কাংকো কেংদিংমি। আকুহা ইশুকো আআংপেপেচপুওয়া কাম জোওয়া কাংচা মুংকো তামসা আশা জোদিংমি।9আকুহা ইশুহিংয়া উইসে নুওয়াংবি উইয়ে, আদো ইশুহা হাইরে মোয়্যইতো।10মাটা পাউবি আসা তাংজিকো উটকেওয়াবিহা লোসুমসা ইশুকো তোইতা উইসে দোষ লাগাইসুয়ে।11আকো নোইতা হেরোদসো আকো সিপাইবিহা ইশুহিং য়েংপামসা লেফেপায়ে। ইশুহিংয়া জাইপুকো লুওয়া আংদুং ত্যাবাওয়া লুপায়ে, আসা পিলাতোসকোতারাং লাপাপুয়ে।12নাগাইহা পিলাতোসসো হেরোদকো প্যাকোতাহা মাচাংসুওয়া নিমি। আদো আত্রংসো য়ুতাহা আবিহা চাংসুয়ে।13আকো নোইতা পিলাতোসহা মাটা পাউবিহিং, ওয়ারাংপাবিহিং আসা আউতা নিওয়া দিংঙাবিহিং মোউমসা জাংয়ে,14“দিংঙাবিহিং দুদুইপাপুনা তামসা নাবিহা আকুহিংয়া কুংতা পারামগা? আকুহিংয়া নাবিকো দোংনাংতারাং কা উইয়ে, আদো কা নাবিকো তিংপাওয়া দোষতা হাইরে মোদোতো।15হেরোদরে হাইরে দোষ মিতিংমসা ইহিংয়া কুংতারাং নিংপুমি নিও। ইহা সিনেকো বেপা কাম হাইরে মোজোয়াংতো।16আকো সোতা নেহা কা ইহিংয়া সাটাসো পোমসা ল্যাপিরোওয়া।”17[আউতা নিওয়া লিংপাংতা বেপা মানক্যাতা পিলাতোসহা জেলতা এমবিহিংয়া লো ইনিংতাহা ইচো জোমসা ল্যাপি চাংমি।]18আদো তাংসা দিংঙাবিহা ঙাসুমসা জাংসুয়ে, “ইহিংয়া স্যামসা, কাবিকো সোতা বারব্বাহিং ল্যাপি।”19বারব্বাহিংয়া শহরতা স্যাসপাওয়া, লুইসপোইওয়া আসা দোসরাহিং স্যাপুওয়াকো সোতা জেলতা প্যইমসা সুংওয়া নিমি।20ইশুহিং ল্যাপিকো কেংমসা পিলাতোসহা দিংঙাবিহিং ন্যাসারাং কোইপায়ে।21আদো আবিহা তাংসা চিত্তা ঙাসুমসা জাংসুয়ে, “ইহিংয়া ক্রুসতা টাপুই, ইহিংয়া ক্রুসতা টাপুই!”22আসা ন্যাসারাং সুংকোই চোইপা পিলাতোসহা আবিহিং জাংয়ে, “হাংপাহা? ইহা হাং মোতুপা জোমি নিংগা? কাহা ইহিংয়া স্যানেকো বেপা হাইরে দোষ মিতিংতো। নিচাকো, নেহা ইহিংয়া কা সাটাসো পোমসা ল্যাপিরোওয়া।”23আদো আবিহা ন্যাসারাং সিওপা ঙাসুমসা জাংসুয়ে, “আকুহিংয়া ক্রুসতা টানেরো, এপারাং দিংঙাবিহা ঙাসুমসারাং জিয়োপুয়ে।”24আকো সোতা পিলাতোসহা আবিকো জাংমবেপারাং জোকো তামসা আজ্ঞা জোয়ে।25পিলাতোসহা স্যাসপা ত্যইংসপামসা দিংঙাবিহিং স্যাচাংওয়া বারব্বাহিং ল্যাপিয়ে আসা ইশুহিংয়া আবিকো খুইতা ত্যইপুয়ে।26ইশুহিং পুরামসা হোদিংনুওয়া আবিহা কুরিনি লোইতা য়ুংওয়া সিমোনহিং দোসুয়ে। আকুহা লোইসোহা শহরতা ওয়াংপাওয়া নিমি। আবিহা আকুহিংয়া প্যইয়ে, আসা ইশুকো ক্রুস পাপোইমসা আকো নুনুই নুনুই তেপোইয়ে।27উইসে দিংঙাবিরে ইশুকো নুনুই হুইসোই দিংমি। আউতাহা মেমেবিরে ইশুকো সোতা কাইসুমসা লোচোপেংঙেংপা জোদিংমি।28ইশুহা নোই ল্যামসা আবিহিং জাংয়ে, “ও য়রুশালেমকো মেমেবাই, কুং সোতা মাকাইগে, আদো আপনিকো সোতা আসা আপনিকো চেংচুংবিকো সোতা কাই!29হাংপাতানাহা কাং, এপা জিংওয়া দিন দেয়োংরোওয়া, আত্রংহা দিংঙাবিহা জাংরোওয়া, ‘আশিষিত নিও, বেংদিমুবি, চেং কেমঘ্যইওয়া ফেমাবি আসা য়ো পেয়াংমঘ্যইওয়া মেমেবিহা।’30আত্রংহা দিংঙাবিহা লাগাবিহিংনে ‘কাবিকো তোইতা হুইরেপি’ আসা য়্যাগ্যইবিহিংনে ‘কাবিহিং লিরেপি’ তামসা জাংরোওয়া,31হাংপাতানাহা আবিহা সিংতেং মিসিয়াংনুরাং ই কাম জোনাহা, ঝান সেংপুনুওয়া হাং জোকোগা?”32আবি নিহসো কুইমবিহিংনে স্যাক্যাকো তামসা ইশুহিংপারাং পুরায়ে।33হাত্রং আবি কোপ্পরে তাওয়া জায়গাতা দেয়োং, আত্রংহা আবিহা ইশুহিংয়া ক্রুসতা থ্যইপুয়ে, আসা আকু নিহসো কুইমবিহিংনে ইচোহিংয়া দাংক্রেং কাটুতা আসা ইচোহিংয়া কেক্রেং কাটুতা ক্রুসতা থ্যইপুয়ে।34আত্রং ইশুহা জাংয়ে, “ও আপা, ইবিহিং মাপ জোপি, হাংপাতানাহা ইবিহা হাং জোদিংমে হাইরে মেগেয়াংতো।” সিপাইবিহা আকো আংদুংহিংয়া হাংসু মুংচাবা তামসা চিঠা বাদোইসুয়ে।35দিংঙাবিহা জাসুমসা ন্যইসুদিংমি। য়হুদি মাটাবিহা ইশুহিংয়া লোস্যইপামসা জাংয়ে, “কাং, ইহা দোসরাহিংয়া বাচাইয়ে। ইহা সেংজাকো জেংওয়া মুক্তি পিচাওয়া জাইপু খ্রীষ্ট বেনাহা আপনিহিংনে বাচাইচাকো।”36সিপাইবিরে আকুহিং সিওপা য়্যাক্যইওয়া আংগুরকো সাইতি পেয়াংমসা য়েংপামসা জাংয়ে,37“নাতিমি য়হুদিবিকো জাইপু বেনাহা আপনিহিং বাচাই।”38ক্রুসতা আকো পোরোকো তোইতা “ইহা য়হুদিবিকো জাইপুগা” তামসা লাওয়া ত্যহমি নিমি।39ইশুহিংপা দাদাপারাং টাপুওয়া নিহসো কুইমবিতাহা ইচোহা ইশুহিং ল্যস্যইপামসা জাংয়ে, “নাতিহা মুক্তি পিচাওয়া জাইপু খ্রীষ্ট মোকোতা? এপা বেনাহা আপনিহিংনে বাচাই আসা কাবিহিংনে বাচাইপি!”40আদো ইচো কুইওয়াহা আকুহিং য়েংমসা জাংয়ে, “নাতিরে আকু ত্যাবাপারাং দন্ড পুদিংয়ো। নাতিহা সেংজাসো মাচ্ছুংমগা?41য়াংবিহা মোতুপা কাম জোওয়াকো সোতা দন্ড মুংনেকোরাংগা, আদো কাং, ইরাংমা হাইরে মেংতাওয়া কামরাং মোজোয়াং।”42আকো নোইতাহা আকুহা ইশুহিংয়া জাংয়ে, “ও ইশু, নাতি হাত্রং জাইপু জিংপামসা লে, আত্রংহা কাহিংনে প্যারাপাপিকো ও।”43ইশুহা আকুহিং জাংয়ে, “কা নাতিংহিংয়া জাংরোওয়া, হিনিরাং নাতিহা কাহিংপা চিত্তা লোডিংবাতা নিরোওয়া।” ইশু ক্রুসতা44জেইসুং বারা বোজেপুনতেমি। আত্রংকো সময় সোহা ৩ বাজি চোইপা আকু লোইরাং নাটুংপা জিংপুয়ে।45সিনিরে হাহাইপা মাজিংতো। ৩ বাজিহা দেমসাকো নাপোকো নাপাওয়া আংদুংহা নুইওয়্যা জিংপুমসা ছিচাপুয়ে।46আত্রং ইশুহা ঙামসা জাংয়ে, “ও আপা, কাহা কুং লাংবেহিংয়া নাকো খুইতা ত্যইরোওয়া।” এসে জাংমসা আকুহা সিপুয়ে।47এপা জিংপুওয়া তিংমসা রোমি সিপাইবিকো মাটাহা সেংজাহিং তাচামসা জাংয়ে, “আজিপ্পারাং ই দিংঙাহা তাংজি নিওয়া দিংঙারাং নিমকোগুং।”48ই তাংসা জিংপুওয়া তিংমসারাং কাংকো লেওয়া দিংঙাবিহা কাইসুমসা আপনি আপনিকো তুংসিং ত্যামসা লোচোপেংঙেংপা জোমসা সাতা লাকাপুয়ে।49আকুহিং নাইমবি আসা গালীলকো জায়গাসো আকো নুনুই হুইপাওয়া মেমেবিহা তানাংসো জামসা ই তাংসা জিংদিংওয়া নুওয়াংবি ন্যইদিংমি।50জোংসুওয়া সাকো দিংঙাবিতাহা য়হুদিয়া জায়গাকো আরিমাথিয়া শহরসো ওয়াংওয়া ইচো য়োসেফ মিংকো দিংঙা নিমি। আকুহা ইচো তাংজি নিওয়া দিংঙা নিমি, আসা আকুহা সেংজাকো রাজ্যহিংয়া হাত্রং লেকোমে তামসা খুইদিংমি। জোংসুওয়া সাকো দিংঙাবিহা ইশুহিং স্যাকো কেংনুওয়া আকুহা ইশুহিং মাস্যাগে তামসা য়োইদিংমি।52আকুহা পিলাতোসকোতা হোমসা ইশুকো সিপুওয়া জুপাহিং পুচা মুংকো তামসা য়াকায়ে।53পিলাতোস পুচা তামসা জাংনুওয়া আকুহা ইশুকো সিপুওয়া জুপাহিংয়া ক্রুসসো লিতা ধুইয়ে, আসা এনতাওয়া আংদুংসো মেরোংমসা য়্যাগ্যই থেমসা বানাইওয়া তোম্যইতা এহে। আকু তোম্যইতাহা হাংসুকো সিপুওয়া জুপারে মেএয়াংমি।54আকু দিনহা সানুকো দিনকো চারামারা জোওয়া দিন নিমি, আসা সাওয়া দিনরে দেয়োংদাংতেমি নিমি।55গালীলকো জায়গাসো ইশুহিং নুনুই হুইপামসা ওয়াংওয়া মেমেবিহা য়োসেফহিংপা হোয়ে, আসা তোম্যইতা ইশুকো সিপুওয়া জুপা এওয়া তিংয়ে।56আকো নোইতা আবিহা সাতা হোমসা সিপুওয়া জুপাতা ন্যাওয়া ওহও্যহওয়া মোলোম আসা চুইতি লেংপায়ে। আদো আবিহা লিংপাংতা নিওয়া সেই আকো জুকুং সানুকো দিন নিমকো সোতা আবিহা সায়ে।
ইশুহা জাংয়ে, “আকুহা নাতি আপনিরাং জাংদিংয়ো।”4পিলাতোসহা মাটা পাউবি আসা আউতা নিওয়া দিংঙাবিহিং জাংয়ে, “কাহা ই দিংঙাকোতাহা হাইরে দোষ মাতিংতো।”5আদো আবিহা ঙাসুমসা জাংসুয়ে, “ইহা গালীলসো তেংপুমসা য়হুদিয়া আসা ই জায়গা চোইপা আপনিরাং ঝিপামসা দিংঙাবিহিং দুইদুইপাদিংয়ো।”6ই হিংমসা পিলাতোসহা উইয়ে, “ই দিংঙাহা গালীলকোগা?”7ইশুহিং হেরোদ জাইপুকো অধিকার জোওয়া লোইকো গুং তাওয়া নুওয়াং সিদা চ্যইনুওয়া পিলাতোসহা আকুহিংয়া হেরোদকোতা নিংপুয়ে। আকু সময়তাহা হেরোদহা য়রুশালেমতারাং নিমি।8ইশুহিং ন্যইচা মুংনুওয়া হেরোদহা গাগ্রুপুয়ে, হাংপাতানাহা আকুহা ইশুকো নুওয়াংবি দিংঙাবিকোসো হিংওয়া নিমি। আসা উইসে দিন নাগাইসোরাং কাংকো কেংদিংমি। আকুহা ইশুকো আআংপেপেচপুওয়া কাম জোওয়া কাংচা মুংকো তামসা আশা জোদিংমি।9আকুহা ইশুহিংয়া উইসে নুওয়াংবি উইয়ে, আদো ইশুহা হাইরে মোয়্যইতো।10মাটা পাউবি আসা তাংজিকো উটকেওয়াবিহা লোসুমসা ইশুকো তোইতা উইসে দোষ লাগাইসুয়ে।11আকো নোইতা হেরোদসো আকো সিপাইবিহা ইশুহিং য়েংপামসা লেফেপায়ে। ইশুহিংয়া জাইপুকো লুওয়া আংদুং ত্যাবাওয়া লুপায়ে, আসা পিলাতোসকোতারাং লাপাপুয়ে।12নাগাইহা পিলাতোসসো হেরোদকো প্যাকোতাহা মাচাংসুওয়া নিমি। আদো আত্রংসো য়ুতাহা আবিহা চাংসুয়ে।13আকো নোইতা পিলাতোসহা মাটা পাউবিহিং, ওয়ারাংপাবিহিং আসা আউতা নিওয়া দিংঙাবিহিং মোউমসা জাংয়ে,14“দিংঙাবিহিং দুদুইপাপুনা তামসা নাবিহা আকুহিংয়া কুংতা পারামগা? আকুহিংয়া নাবিকো দোংনাংতারাং কা উইয়ে, আদো কা নাবিকো তিংপাওয়া দোষতা হাইরে মোদোতো।15হেরোদরে হাইরে দোষ মিতিংমসা ইহিংয়া কুংতারাং নিংপুমি নিও। ইহা সিনেকো বেপা কাম হাইরে মোজোয়াংতো।16আকো সোতা নেহা কা ইহিংয়া সাটাসো পোমসা ল্যাপিরোওয়া।”17[আউতা নিওয়া লিংপাংতা বেপা মানক্যাতা পিলাতোসহা জেলতা এমবিহিংয়া লো ইনিংতাহা ইচো জোমসা ল্যাপি চাংমি।]18আদো তাংসা দিংঙাবিহা ঙাসুমসা জাংসুয়ে, “ইহিংয়া স্যামসা, কাবিকো সোতা বারব্বাহিং ল্যাপি।”19বারব্বাহিংয়া শহরতা স্যাসপাওয়া, লুইসপোইওয়া আসা দোসরাহিং স্যাপুওয়াকো সোতা জেলতা প্যইমসা সুংওয়া নিমি।20ইশুহিং ল্যাপিকো কেংমসা পিলাতোসহা দিংঙাবিহিং ন্যাসারাং কোইপায়ে।21আদো আবিহা তাংসা চিত্তা ঙাসুমসা জাংসুয়ে, “ইহিংয়া ক্রুসতা টাপুই, ইহিংয়া ক্রুসতা টাপুই!”22আসা ন্যাসারাং সুংকোই চোইপা পিলাতোসহা আবিহিং জাংয়ে, “হাংপাহা? ইহা হাং মোতুপা জোমি নিংগা? কাহা ইহিংয়া স্যানেকো বেপা হাইরে দোষ মিতিংতো। নিচাকো, নেহা ইহিংয়া কা সাটাসো পোমসা ল্যাপিরোওয়া।”23আদো আবিহা ন্যাসারাং সিওপা ঙাসুমসা জাংসুয়ে, “আকুহিংয়া ক্রুসতা টানেরো, এপারাং দিংঙাবিহা ঙাসুমসারাং জিয়োপুয়ে।”24আকো সোতা পিলাতোসহা আবিকো জাংমবেপারাং জোকো তামসা আজ্ঞা জোয়ে।25পিলাতোসহা স্যাসপা ত্যইংসপামসা দিংঙাবিহিং স্যাচাংওয়া বারব্বাহিং ল্যাপিয়ে আসা ইশুহিংয়া আবিকো খুইতা ত্যইপুয়ে।26ইশুহিং পুরামসা হোদিংনুওয়া আবিহা কুরিনি লোইতা য়ুংওয়া সিমোনহিং দোসুয়ে। আকুহা লোইসোহা শহরতা ওয়াংপাওয়া নিমি। আবিহা আকুহিংয়া প্যইয়ে, আসা ইশুকো ক্রুস পাপোইমসা আকো নুনুই নুনুই তেপোইয়ে।27উইসে দিংঙাবিরে ইশুকো নুনুই হুইসোই দিংমি। আউতাহা মেমেবিরে ইশুকো সোতা কাইসুমসা লোচোপেংঙেংপা জোদিংমি।28ইশুহা নোই ল্যামসা আবিহিং জাংয়ে, “ও য়রুশালেমকো মেমেবাই, কুং সোতা মাকাইগে, আদো আপনিকো সোতা আসা আপনিকো চেংচুংবিকো সোতা কাই!29হাংপাতানাহা কাং, এপা জিংওয়া দিন দেয়োংরোওয়া, আত্রংহা দিংঙাবিহা জাংরোওয়া, ‘আশিষিত নিও, বেংদিমুবি, চেং কেমঘ্যইওয়া ফেমাবি আসা য়ো পেয়াংমঘ্যইওয়া মেমেবিহা।’30আত্রংহা দিংঙাবিহা লাগাবিহিংনে ‘কাবিকো তোইতা হুইরেপি’ আসা য়্যাগ্যইবিহিংনে ‘কাবিহিং লিরেপি’ তামসা জাংরোওয়া,31হাংপাতানাহা আবিহা সিংতেং মিসিয়াংনুরাং ই কাম জোনাহা, ঝান সেংপুনুওয়া হাং জোকোগা?”32আবি নিহসো কুইমবিহিংনে স্যাক্যাকো তামসা ইশুহিংপারাং পুরায়ে।33হাত্রং আবি কোপ্পরে তাওয়া জায়গাতা দেয়োং, আত্রংহা আবিহা ইশুহিংয়া ক্রুসতা থ্যইপুয়ে, আসা আকু নিহসো কুইমবিহিংনে ইচোহিংয়া দাংক্রেং কাটুতা আসা ইচোহিংয়া কেক্রেং কাটুতা ক্রুসতা থ্যইপুয়ে।34আত্রং ইশুহা জাংয়ে, “ও আপা, ইবিহিং মাপ জোপি, হাংপাতানাহা ইবিহা হাং জোদিংমে হাইরে মেগেয়াংতো।” সিপাইবিহা আকো আংদুংহিংয়া হাংসু মুংচাবা তামসা চিঠা বাদোইসুয়ে।35দিংঙাবিহা জাসুমসা ন্যইসুদিংমি। য়হুদি মাটাবিহা ইশুহিংয়া লোস্যইপামসা জাংয়ে, “কাং, ইহা দোসরাহিংয়া বাচাইয়ে। ইহা সেংজাকো জেংওয়া মুক্তি পিচাওয়া জাইপু খ্রীষ্ট বেনাহা আপনিহিংনে বাচাইচাকো।”36সিপাইবিরে আকুহিং সিওপা য়্যাক্যইওয়া আংগুরকো সাইতি পেয়াংমসা য়েংপামসা জাংয়ে,37“নাতিমি য়হুদিবিকো জাইপু বেনাহা আপনিহিং বাচাই।”38ক্রুসতা আকো পোরোকো তোইতা “ইহা য়হুদিবিকো জাইপুগা” তামসা লাওয়া ত্যহমি নিমি।39ইশুহিংপা দাদাপারাং টাপুওয়া নিহসো কুইমবিতাহা ইচোহা ইশুহিং ল্যস্যইপামসা জাংয়ে, “নাতিহা মুক্তি পিচাওয়া জাইপু খ্রীষ্ট মোকোতা? এপা বেনাহা আপনিহিংনে বাচাই আসা কাবিহিংনে বাচাইপি!”40আদো ইচো কুইওয়াহা আকুহিং য়েংমসা জাংয়ে, “নাতিরে আকু ত্যাবাপারাং দন্ড পুদিংয়ো। নাতিহা সেংজাসো মাচ্ছুংমগা?41য়াংবিহা মোতুপা কাম জোওয়াকো সোতা দন্ড মুংনেকোরাংগা, আদো কাং, ইরাংমা হাইরে মেংতাওয়া কামরাং মোজোয়াং।”42আকো নোইতাহা আকুহা ইশুহিংয়া জাংয়ে, “ও ইশু, নাতি হাত্রং জাইপু জিংপামসা লে, আত্রংহা কাহিংনে প্যারাপাপিকো ও।”43ইশুহা আকুহিং জাংয়ে, “কা নাতিংহিংয়া জাংরোওয়া, হিনিরাং নাতিহা কাহিংপা চিত্তা লোডিংবাতা নিরোওয়া।” ইশু ক্রুসতা44জেইসুং বারা বোজেপুনতেমি। আত্রংকো সময় সোহা ৩ বাজি চোইপা আকু লোইরাং নাটুংপা জিংপুয়ে।45সিনিরে হাহাইপা মাজিংতো। ৩ বাজিহা দেমসাকো নাপোকো নাপাওয়া আংদুংহা নুইওয়্যা জিংপুমসা ছিচাপুয়ে।46আত্রং ইশুহা ঙামসা জাংয়ে, “ও আপা, কাহা কুং লাংবেহিংয়া নাকো খুইতা ত্যইরোওয়া।” এসে জাংমসা আকুহা সিপুয়ে।47এপা জিংপুওয়া তিংমসা রোমি সিপাইবিকো মাটাহা সেংজাহিং তাচামসা জাংয়ে, “আজিপ্পারাং ই দিংঙাহা তাংজি নিওয়া দিংঙারাং নিমকোগুং।”48ই তাংসা জিংপুওয়া তিংমসারাং কাংকো লেওয়া দিংঙাবিহা কাইসুমসা আপনি আপনিকো তুংসিং ত্যামসা লোচোপেংঙেংপা জোমসা সাতা লাকাপুয়ে।49আকুহিং নাইমবি আসা গালীলকো জায়গাসো আকো নুনুই হুইপাওয়া মেমেবিহা তানাংসো জামসা ই তাংসা জিংদিংওয়া নুওয়াংবি ন্যইদিংমি।50জোংসুওয়া সাকো দিংঙাবিতাহা য়হুদিয়া জায়গাকো আরিমাথিয়া শহরসো ওয়াংওয়া ইচো য়োসেফ মিংকো দিংঙা নিমি। আকুহা ইচো তাংজি নিওয়া দিংঙা নিমি, আসা আকুহা সেংজাকো রাজ্যহিংয়া হাত্রং লেকোমে তামসা খুইদিংমি। জোংসুওয়া সাকো দিংঙাবিহা ইশুহিং স্যাকো কেংনুওয়া আকুহা ইশুহিং মাস্যাগে তামসা য়োইদিংমি।52আকুহা পিলাতোসকোতা হোমসা ইশুকো সিপুওয়া জুপাহিং পুচা মুংকো তামসা য়াকায়ে।53পিলাতোস পুচা তামসা জাংনুওয়া আকুহা ইশুকো সিপুওয়া জুপাহিংয়া ক্রুসসো লিতা ধুইয়ে, আসা এনতাওয়া আংদুংসো মেরোংমসা য়্যাগ্যই থেমসা বানাইওয়া তোম্যইতা এহে। আকু তোম্যইতাহা হাংসুকো সিপুওয়া জুপারে মেএয়াংমি।54আকু দিনহা সানুকো দিনকো চারামারা জোওয়া দিন নিমি, আসা সাওয়া দিনরে দেয়োংদাংতেমি নিমি।55গালীলকো জায়গাসো ইশুহিং নুনুই হুইপামসা ওয়াংওয়া মেমেবিহা য়োসেফহিংপা হোয়ে, আসা তোম্যইতা ইশুকো সিপুওয়া জুপা এওয়া তিংয়ে।56আকো নোইতা আবিহা সাতা হোমসা সিপুওয়া জুপাতা ন্যাওয়া ওহও্যহওয়া মোলোম আসা চুইতি লেংপায়ে। আদো আবিহা লিংপাংতা নিওয়া সেই আকো জুকুং সানুকো দিন নিমকো সোতা আবিহা সায়ে।
The Seed Company