Mark6
1พระเยซูตินเสด็จลอญอิละตียังกะเวืนคองพระองค์จุฮแล๊งกะนำพระองค์ตี2ปอฮฮดมื้อสะบาโต พระองค์สั่งสอนอิธรรมศาลา และกนแล็ฮจำนววนดออิอะปังพระองค์กะทะลืยญีมเออะกิ๊นวา กนลีตินกฮลีมาจังยือ กอสะหลาดอิตินปะทานอุนกนลีแล็ฮปัญญายือ3กนลีแล็ฮช่างอิลัม กอนคองมารีย์อ็อฮแมนยือ ยากอบ โยเสส ยูดาสและซีโมนแล็ฮซามพะยองคองเปิ้มฮ็อฮแมนยือ4ฝ่ายพระเยซูปะตืยกับเปิ้มวา ผู้เผยพระวจนะยะอ็อฮแล็ฮอินับถืออิกะเวินเจ้าคอง5พระองค์ยะแมกฮอัศจรรย์อิละอ็อฮติน ยะแมตินกะแควางชีปั๋วกนทะนูลางกนอุ่นดีโอ้ม6พระองค์กะทะลืยญีมญอนวาเปิ้มอ็อฮแอกฮเซือ แล่วพระองค์จังเสด็จตีสั่งสอนนำหมู่กะเวินคะลึกละ7พระองค์จังเอินแล๊งสิบสองกนวืนลอญ แล่วกะใซ้เปิ้มอุ่นลุฮตีแล็ฮคู่คู่ อุ่นเปิ้มแออำนาจล๊างขะมาลุฮติน8และเออะกับเปิ้มอ็อฮอุ่นเออยือตีปะอิ๊นำด๊าง พระองค์อ็อฮอุ่นเปิ้มเอาอะยือตี อ็อฮอุ่นเอาอะว๊าน อ็อฮอุ่นเอาแนวอัน อิอะอลัมจีงเต๊าละ9อุ่นเอาเกิ๊บเส๊อจีง อ็อฮอุนเส๊ออ๊าวอะซอบฮานโต10แล่งพระองค์ปะตืยกับเปิ้มวา แค๊นมีปะตีอิ ปอลอญอาศัยอิกะเวินไหลกะอุ่นอาศัยอิกะเวินละ จนกั่วยะปะตีอิอิละ11ถ่ากะเวินใดอ็อฮอะปังมีอ็อฮต้อนฮับไทเจ้า ปอยะปะตีอิละ จังสะบัดผงกะตักเต๊อะจีงคองมีลุฮ อุ่นเปิ้มอะนะกฮผิดคองปิ้ม12จุฮแล๊งกะลุฮตีประกาศอุ่นลอญญีมเสียเหม๊อ13เปิ้มตินม๊างขะมาลุฮดอขะมา และตินเอาด๊ากมันทากนทะนูดอกนอุ่นดีโอ้ม14กษัตริย์เฮโรดฮุฮเลืองคองพระเยซู ญอนวาพระนามคองพระเยซูตินเลื่องลือตีอิ ลางกนเออะวา ยอห์ผู้อิอุนบัพติสมาแล็ฮกึฮวืนลอญกฮเจิดแล้ว อิมุ๊ยล๊ายแล่ว จะมงเถอะ จังแมกฮมหัศจรรย์ลี15แต่ลางกนวา แล็ฮเอลียาห์ และลางกนวาแล็อผู้เผยพระวจนะโบฮาน16ฝ่าเฮโรดปอฮุฮเลืองจังปะตืยวา ยะแม่นยอห์นละ อิเจ้าตินแต็ฮป็อฮ เปิ้มตินมุ้ยล๊าย แล็ฮกึฮลอญกฮเจิด17ยอนวาเฮโรดใช้กนตีจับยอห์น ล่ามโซ่ขังคุก ญอนวานางเฮโรเดียสปะเกอคองฟิลิปซามพะยองคองเปิ้ม ญอนวาเฮโรดตินฮับนางละแล็ฮปะเกอคองเจ้าคอง18ญอนยอห์นตินปะตืยเฮโรดวา มีอ็อฮแอสิทธิ์อิยะฮับปะเกอคองซามพะยองวืนแล็ฮปะเกอคองเจ้าคอง19นางเฮโรเดียสจังกฮพยาบาทยอห์นและแอกฮปาถนายะเจิดยอห์น แต่นางแมอ็อฮอุน20ญอนวาเฮโรดสะเลิ้นยอห์น ญอนวายอห์นแล็ฮกนจ็อฮธรรม และบริสุทธิ์ เฮโรดจังตินป้องจักอุ่น ปอเฮโรดตินอะปังกฮสั่งสอนคองยอห์นกะทะลืยญีมแต่กะกฮอยากอะปัง21แค๊นฮฮดมื้อมัดแล็ฮโอกาสดี แล็ฮมื้อฉลองมื้อแต็ฮคองเฮโร เปิ้มตินจัดการเลี้ยงขุนนางจุฮนายตะกกจั้นโยน และกนทั่งดออิกะเวินกาลิลี22ปอกุนเกอคองนางเฮโรเดียสลอญวืนเต้นรำ อิแมอุนกษัตริย์เฮโรดทึงแขกทั่งดอจ็อฮญีม กษัตริย์จังปะตืยกับกุนเกอละวา มียะลื๊อสิ่งละกะยะอุนสิ่งละ23กษัตริย์จังปฏิญานโตอุนวา มียะลื๊อสิงละ เจ้ายะอุนสิ่งละจนฮฮดราชสมบัติมูนมัง24กุนเกอละจังลุฮตีปะตืยเหมื่อวา ยะลื๊อสิ่งละดี เหมื่อจังเออะวา ลื๊อป๊อฮคองยอห์นผู้อุนบัพติสมาเถอะ25อิตันละ กุนเกอกะลอญตีกษัตริย์ปะตืยวา ข่าน้อยลื๊อป๊อฮคองยอห์นผู้อุนบัพติสมา เส๊อพาวืนอุนข้าน้อยเดียวลีเถอะ26กษัตริย์จังแล็ฮทุกข์นัก ยอนวาเปิ้มตินปฏิญานอุนแล่ว27อิขะนะละกษัตริย์จังปะตืยเพชรฆาตอุนตีตัดป็อฮคองยอห์นอิอยู่อิคุก28เส๊อพาวืนอุนแดกุนเกอละ กุนเกละกะเอาตีอุนเหมื่อคองเจ้าคอง29ปอแล๊งคองยอห์นฮุฮเลืองแลว กะปากิ๊นฮับเอาอะลองคองยอห์นตฝังอุนอิอุโมงค์30ฝ่ายอัครฑูตปากิ๊นวืนหาพระเยซู และอุนปะตืยฮฮดเลืองอิเปิ้มตินอิแมและตินสั่งสอน31พระเยซูปะตืยกับเปิ้มวา ทานจังปะตีอิอิมิดเซาพักอุนหายเมื่อย ญอนวาแอกนตีวืนแล็ฮอันดอ ฮฮดอ็อฮแอญามจงเลิงอันแนวอัน32พระองค์จังเสด็จล๊องโดกกับแล๊งตีอิอิมิดมิด33กนจำนวนดออะนะพระเยซูกับแล๊งกะลังตีเปิ้มจังปากิ๊นแซกลูฮลอญกะเวินตีฮฮดก่อน34แค๊นพระเยซุเสด็จกึฮลอญโดกแล้ว กะอะนะปะเกอจำนวนดอ พระองค์จังฮิอะญู้มัดเปิ้ม ญอนวาเปิ้มแล็ฮฝูงแกะฮ็อฮแอผู้เจิ๊ม พระองค์จังสั่งสอนเปิ้มดออย่าง35แค๊นฮฮดญามแลง จุฮแล๊งวืนปะตืยพระองค์วา อิลีอึดแนวอันละ ญามนี้กะฮฮดญามแลงดอแล่ว36ลื๊อพระองค์ปะตืยอุนปะเกอปะตีอิ๊ เปิ้มยะตินตีหาแนวอันนำกะเวิน"ฮ่กะเวินนาอิอยู่บอนลี37แต่พระองค์ปะตืยกับเปิ้มวา จุฮมีจังเลี้ยงเปิ้มเถอะ เปิ้มปะตืยพระองค์วา ยะอุนจุฮข้าน้อยตีซื้อแนวอันจั๊กฮานฮ้อยเหรียญเดนาริอัน อุ่นเปิ้มอันยือ38พระองค์ปะตืยเออะเปิ้มวา จุฮมีอิข้าวหนมปังจักคะลอง ตีเบิ่งดุ ปอฮุฮแล่วเปิ้มจังปะตืยวา มีขนอมปังดัมคะลองกับกักอีดๆฮานโต39พระองค์จังปะตืยกนท่งดออุนจงเลิงฮวมกิ๊นแล็ฮจุ๊ม40ปะเกอกะตินจงเลิงฮวมกิ๊นแล็ฮจุ๊ม จุ๊มละร้อย จุ๊มละดัมสิบ41ปอพระองค์ฮับขหนอมปังดัมคะลองกับกักฮานโตละแล่ว กะแหงนพรพักตร์เบิ๊งปะแถนสวรรค์ ถวายกฮสาธุการแล้วบิขหนอมปังละอุนแล๊ง อุนเปิ้มแจกอุนกนทังดอ กักฮานโตละพระองค์กะบิอุ่นคือกิ๊น42เปิ้มตินอันจนอิ่มซูญัก43ส่วนเศษขหนอมปังและกักอิเหลือละ เปิ้มเก็บอุนตินฮฮดสิบฮานกะต่า44อิจำนวนกนอิตินอันขหนอมปังละแอกุนจงดัมปันกน45แค๊นแล่วพระองค์ตินปะตืยอุนจุฮแล๊งคองพระองค์ เลิงโดกตีอิกะเวินเบธไซดา ส่วนพระเยซุถ่าส่งปะเกออุนลอบกะเวิน46ปอพระองค์ลาเปิ้มทั่งดอแล่ว กะเสด็จกึฮภูอธิษฐานอิละ47ปอญามแลงแล่ว โดกคองจุฮแล๊งอยู่กลางทะเล ส่วนพระองค์อยูแกมฝั่ง48พระเยซูแนมอะนะจุฮแล๊งตีกรรเชียงทวนลุ๊ม ฮฮดญามปาโมงเศษ พระองค์จังอะย้างเทิงด๊ากทะเลตีอิจุฮแล๊ง และพระองค์ยะอะญ้างเลยเปิ้มตี49ปอจุฮแล๊งอะนะพระองค์อะญ้างเทิงด๊ากทะเล เปิ้มกฮวาแล็ฮขะมา กะปากิ๊นอะแต๊น50ญอนวาซูญักอะนะแล้วกะสะเลิ้น อิตันละพระองค์ลุฮง๊างปะตืยกับเปิ้มวา แมญีมอุนดีเถอะ เจ้าเอง อย่าสะเลิ้นเลย51พระองค์จังเสด็จกึฮตีหาเปิ้มเทิงโดกแล่วลุ๊มกะมิด52จุฮแล๊งกะทะลืยญีมดอ ญอนวาเลืองขหนอมปังละเปิ้มกะยังฮ็อฮเข้าญีม ญ้อนญีมคองเปิ้มมืดอยู่53ปอข้ามฟากตีแล่ว เปิ้มกะจอดโดกอิแขวงเยนเนซาเร็ธ54ปอกึฮลอญโดกแล่ว กนทั่งดอกะจื่อพระองค์ตันตี55และเปิ้มกะแซกตีทึงหมึดหมู่กะเวินคะตะลึก เอากนทะนูเส๊อตะแค่วืนตีตำบลอิเปิ้มตินอะปังวาพระองค์อยู่อิละ56พระเยซุเสด็จตีอิยือฮ็อฮวาอิหมู่กะเวิน อิตำบล ยืออิเมือง เปิ้มกะเอากนทะนูวืนวางนำตลาด ปะตืยลื๊อพระองค์ปั๋ว กนทะนูลางกนตินซูนอ๊าวอะซอบคองพระองค์ เปิ้มกะหายดีโอ้ม
Empower Asia Bible Translation Movement